STENBOL – Têkoşîna Aydin Aydogan ê hêj 16 salî ku di bûyerê Gezî de birîndar bû, ji bo doz li polîsan bê vekirin 6 salin têkoşîna hiqûqê dimeşine. Aydogan, anî ziman ku piştî 6 salan, dosya dîsa li Buroya Lêpirsîna Sûcên Karmendan vegerandine û got: "Çawa dibe ku dîmen û nav sabît in, lê hêj dosya zelal nekirine."
Di sala 2013'an bûyerê Parka Gezî de bi deh hezaran kes derketibu kolanan û polîtikayên hikûmeta AKP'ê şermezar kiribûn. Di bûyeran de polîsan bombeyên gazê û fîşekên gazê êrîşi çalakgeran kiribûn. Di êrîşê de gelek çalakger birîndar bûbûn. Yek ji çalakgerên birîndar bû jî Aydın Aydogan ê dema birindar bû 16 salî bu ye. Aydogan 6 salin tekoşîna edaletê dide. Aydogan di bûyerên Parka Gezî de bi fîşeka gaze ya polîsan ji piyê xwe birîndar bûbû. Heta niha 3 caran emeliyat bû. Aydogan, piştî birîndar bû der barê êrîşkaran de li Serdozgeriya Komarê ya Stenbolê gilî kir. Ewil Walîtiya Stenbolê destûr neda ku walî li polîsan dozê veke. Vê carê Aydogan, serî li Dadgeha Îdarî ya Herêmê da. Dadgeha herêmê biryar da ku der barê polîsê ku Aydogan birîndar kiriye de dozê veke. Li gel biryara dadgeha herêmê dîsa Serdozerê Komarê yê Stenbolê dosyaya Aydogan dewrî Buroya Sûcên Fail Nediyar kir.
Aydogan li gel 4 sal derbas bû der barê aqûbeta dozê de tu agahî ne stend. Aydogan, ji bo aqûbeta dosyayê fêr bibe di 23'ê Mijdara 2017’an de serlêdan kir. Lê fêr bû ku dosya di 12'ê Tîrmeha 2017'an de bi îmzeya Serdozgerê Komarê yê Stenbolmê Burhan Gorgulu dewrî Buroya Sûcên Faîl Nediyar kiriye. Aydogan, li ser vê yekê xwest dosyayê sewqî Buroya Lêpirsîna Sûcên Memuran bike. Xwest lêpirsîn bê firehkirin.
CD Û PIRTÛKÊN DER BARÊ BÛYERÊ DE HATIN WINDAKIRIN
Aydogan, anî ziman ku li Buroya Sûcên Faîl Nediyar, der barê bûyerê de CD û pirtûkên dîmen hebûn û wiha got: "Me xwest belgeyên der barê 15'ê Sibata 2017’an de bên ditin û lêkolînkirin. Lê diyar kirin ku agahiya wan ji van belge û agahiyan tune ye. Min dîsa serî li Dadgeha Îdarî ya Herêma Stenbolê da. Dadgehê di 5'ê Tîrmeha 2018'an de biryar da. Le Walîtiya Stenbolê biryara lêpirsîna der barê 16 solîsan de xera kir. Bi vî rengî walîtiyê rê li pêş darizandina polîsan girt.
Aydogan, anî ziman ku 6 salin ji bo dosya bi encam bibe gelek tişt kir û wiha got: "10 dozger hatin guhertin. Yek jê hat kuştin. Em dipirsin çawa dibe ku belge, dîmen û kes sapît in, lê dosya bi encam nekiriye.
MA / Sadîye Eser