Şandeyeke ji Kongreya Demokratîk a Gelan (HDK), Partiya Herêmên Demokratîk (DBP) û Partiya Wekhevî û Demokrasiyê ya Gelan (DEM Partî) li paytexta Herêma Federe ya Kurdistanê Hewlêrê ne. 

 

DEM Partiyê têkildarî mijarê ev daxuyanî da: “Şandeyeke ji Hevberdevka HDK’ê Meral Daniş Beştaş, endamê me yê MYK’ê Serhat Eren, Hevberdevkê Komîsyona Dîplomasiyê yê DBP’ê Mûrat Sarisaç, wekîla me Saliha Aydenîz, Hevberdevka Meclisa Ciwanan Rezan Kaganarslan û nûnerê me yê Hewlêrê Mûrat Şen pêk tê, li Hewlêrê hevdîtinan dike.” 

 

Hat diyarkirin ku şande dê li Hewlêrê di çarçoveya “Banga Aştî û Civaka Demokratîk” a Rêberê Gelê Kurd Abdullah Ocalan ku di 27’ê Sibatê de hate ragihandin de bi partiyên siyasî, şexsiyet û rêxistinên girseyî yên demokratîk re hevdîtinan bike.