STENBOL – Hevseroka Giştî ya HDP'ê Pervin Buldan, di vekirina buroya hilbijartinê ya HDP'ê ya Navçeya Esenyurtê de bal kişand ser polîtikayên îktîdara AKP'ê û wiha got: "AKP dê berî her tiştî li Stenbolê winda bike. “Dema tu 24'ê hezîeranê ji Qesrê derket, kilîtê ji bîr nexe, têxe bin derî. Demirtaş dê kilîtê dewir bigire. 

 

Partiya Demokratîk a Gelan (HDP) xebatên hilbijartinê bi şev û roj berdewam dike. Li aliyekî buroyên hilbijartinê vedikin, li aliyekî li esnafan belavokan belav dikin, li aliyê din mal bi mal, gund bi gund digerin û gel ziyaret dikin. Li navçeya Esenyurtê ya Stenbolê jî bi tevlêbûna Hevseroka Giştî ya HDP'ê Pervîn Buldan buroya hilbijartinê ya HDP’ê bi coşek mezin vekirin. Hevseroka Giştî ya HDP'ê Pervûn Buldan û namzetên HDP'ê yên Stenbolê tev li vekirina buroyan bûn. Heyeta HDP'ê ligel namzetan û Buldan li taxên Ornektepe û Kiraçê bi gel re hatin cem hev. Di vekirina buroyan de ciwan û jinan li ber muzîkê govend gerandin. Heyeta HDP’ê ewil bi karwana ji sedan maşineyan pek tê di taxa Kiraçê re derbas bû. Gel di şibake, derî û eywanên xwe re karwana HDP'ê silav kir û bi tilîlî û çepikan bersîv da karwanê. Dema karwan derbas bû bi dehan zarokên di qazeya kamyonê de bi al û flamayên HDP'ê karwan silav kir u dirûşme berz kirin. Dema karwan derbas bû ket nava Kiracê bi hezaran kesan karwan peşwazi kir û bê navber dirûşmeyên “Jin jiyan azadi”, “HDP gel e, gel li vir e" berz kirin. Rûpoşên Namzetê Serokomariyê yê HDP’ê Selahattin Demirtaş xistin rûyê xwe. Ewil Namzeta HDP'ê ya Êlihê Feleknas Uca, gel silav kir û diyar kir ku di pêvajoyek dîrokî re derbas dibin û wiha got: "Gotin 'em dê we tune bikin' Gotina Kurdistan xedexe kirin. Em dibêjin werin li dijî polîtîkaya tunekirinê em bi hevre bêjin "Em hene. Em li vir in. Em hebûn. Em hene. Em dê her dem hebin. Îro roja azadî û biratiyê ye. Tifaqa me bi gelê me re ye. Em dibêjin di 24'ê Hezîranê de an azadî an azadî." Piştî namzetan jî axaftin kirin, Hevseroka Giştî ya HDP'ê Pervin Buldan, axaftin kir. 

 

‘ERDOGAN Ê KU KURDAN TINE DIHESIBÎNE NEÇARÎ TÊKÇÛNÊ YE’

 

Bûldan diyar kir ku AKP ewil dê li Stenbolê têk biçe û wiha got: "Gelên Tirkiyê û Kurdan biryara xwe daye. Serhed wê şeqamekê li AKP’ê bixe. Ji ber ku hikûmeta AKP’ê di 16 salan de zilma mezin li Kurdan kiriye. Hişmendiyeke ku dixwaze Kurdan tine bike ne pêkan e ku bikaribe li desthilatdariyê bimîne. Heta niha kê Kurd înkar kiribin di siyasetê de têk çûne. Erdogan jî weke siyasetmedarên berê ku Kurd tine dihesibandin neçarî têkçûnê ye. Hişmendiya ku Kurdan nede rex xwe, hewl dide ku Kurdan li der bihêle û li ser zarokên Kurdan komkuijyê dike li Tirkiyê nikare li ser piyan bimîne.’’

 

HIŞYARIYA KU ‘HDP DI BIN BENDÊ DE BIMÎNE’

 

Bûldan bal kişande ser dek û dolabên AKP’ê û Serokê AKP’ê Erdogan ê bi mebesta ku HDP’ê di bin bendê de bihêlin û wiha berdewam kir: Heke HDP di bin bendê de bimîne AKP wê MHP’ê bide rex xwe û biçe Meclîsê, divê her kes hay ji vê lîstikê hebe. Kurd, Elewî, ciwan û jin divê hay ji vê hebin. Dixwaze wekîlên me di bin bendê de bihêle û li  Meclîsê pir kursiyan bi dest bixe. Em ê destûra vê bidin? Naxwe divê em li sendoqan xwedî derkevin. Kurd wê yekîtiya xwe teqez ava bikin, divê yek dengê Kurdan ji AKP’ê re neçe.’’

 

‘AN TARÎTÎ AN DEMOKRASÎ’

 

Bûldan bi domdarî got, ‘’Li dijî hişmendiyeke wiha 24’ê Hezîranê fersend e. 24’ê Hezîranê wê qedera Tirkiyê diyar bibe. Li Tirkiyê biryar li ser du tiştan wê were dayin. An wê ji hikûmeta AKP’ê re ku wê bibe destpêka serdemeke tarî, ‘erê’ were gotin an jî wê were gotin ‘na’ û were gotin, ‘em ronahî, aştî, biratî, azadî û demokrasiye dixwazin’. Stenbol wê biryara vê bide. Kurdên li Stenbolê wê biryara vê bidin. Elewî wê bidin. Hemû civaka li dijî AKP’ê wê biryara vê bide.’’

 

‘EV COŞÎ WÊ LÎSTIKAN XIRA BIKE’

 

Bûldan herî dawî got, ‘’Ez bawer dikim ku ev coşiya li vir wê 24’Ê Hezîranê li sendoqan xuya bike û hemû lîstik werin xirakirin. Wê me bi temsîleke xurt bibe Meclîsê û Demîrtaş jî bike Serokkomar. 21 roj man, em ê mal bi mal bigerin û her kesî qanih bikin. Em ê ji her kesî dengan bixwazin.’’

Gerîla Tv dîmenên 5 çalakiyên suîqestê yên meha Gulanê weşand  Gerîla Tv dîmenê çalakiya li girê Evdilkovî weşand." 

 

Piştî axaftina Buldan, buroya taxa Kiraçe bi dirûşm û tilîliyan bi coşek mezin hat vekirin.