Nifûsa Edirneyê 406 hezar û 855 e. Dinavbera sînorê Yunanîstan û Bulgarîstanê ya Tirkiyeyê de cih digire. Edîrne cihê ku robarê Tunca Arda û Merîç lê digihin heve. Li Edîrneyê 5 deriyên sînor ên bejahî û rêhesin yên ji Tirkiyeyê diçin Awropayê hene û xwedî ciheke jeopolîtîke. Li gorî referanduma 2017’an 308 hezar û 500 hilbijêrên Edîrne hene. Gelê Edîrne berê 3 parlamenter dişandin meclîsê, lê di hilbijartina 24’ê Hezîranê de dê 4 wekîlan bişîne meclîsê. 

 

'TENÊ HDP DIKARE PIRSGIRÊKÊN BAJÊR ÇARESER BIKE’

 

Ne paqijkirin a Çemê Ergene ya jehriyê li derdorê belav dike, tedbîrên girîng ji bo çemê Merîç û Tunca ya her sal ava wê radibe û zirarek mezin dide çotkariyê negirtin, pirsgirêkên sereke yên bajêrin. Namzetên Parlamenteriya Partiya Demokratîk a Gelan (HDP) a Edîrneyê ku ji bo çareseriya pirsgirêkên Edîrnyên yên ekolojiye derketin rê, diyar kirin ku tenê HDP dikare bibe çareser. 

 

JI BER KU LI DIJÎ ŞER DERKET HAT GIRTIN 

 

Namzetê parlamenterya HDP’a Edîrneyê yê rêza yekemîn Murat Amîl, di sala 1981’an li navçeya Kanîreşa Çewlikê hat dine û bavê 3 zarokane. Amîl du serdeman hevserokatiya HDP’ê ya Yalova kir û bi salane dinava HDP’ê de cih digire. Berî bibe namzet, ji ber ku li dijî operayona Efrînê derket hat girtin, mehan di girtîgehê de ma û di 15’ê Gulanê de ji girtîgehê derket. 

 

'TENÊ HDP DIKARA KRÎZA LI WELAT ÇARESER BIKE'

 

Amil, diyar kir ku ramanên partiya wan tim terorîze dikin û wiha axivî: “Desthilatdarî di van polîtîkayên xwe de israr dike. Tenê HDP dikare vî welatî û gelên vî welatî azad bike. Ji ber vê yekê bûm namzetê HDP’ê. Bi dawî anîna pêvajoya çareseriyê, hem di warê siyasî û hem jî di warê aborî de welat ber bi krîzên mezin ve çû. Enxec HDP dikare vê krîzê çareser bike. Em ji gel re bibin bersiv. Ji bo em projeyên xwe di meclîsê de bixin pratîkê emê hewldanek cîdî nîşan bidin. Pirsgirêkên mezin ên gelên Edîrneyê hene. Desthilatdariyê polîtîkayên wêrankirina xwezayê li vê derê bi rêve birin. Gelê Edîrne ji me çi bixwaze em ê wê bikin hedefa xwe. Di hemû qadan de em ê bibin bersiva civakê. Ez rastî gelek mirovên dê cara yekemîn dengê xwe bidin me hatim. Em ê bi hev re têkoşîna demokrasiyê bidin. Ez bang li gelê Edîrnê dikim ku bên em bi hevre maf û azadiya xwe bi parêzin.”

 

'BI NASNAYA JINÊ DI HDP’Ê DENE'

 

Namzeta parlamenteriya HDP’ê Hamim Guzel jî dayîka 5 zarokane û zewiciye. Guzel Kurdeke Elewiye û di rêza 2’yemîn a Edîrneyê de cih digire. Guzel berê di rêxistinên HDP’ê yên  Stenbol û Edîrneyê de rêvebertî kir. Guzel, diyar kir ku HDP partiya jinane û wiha axivî: “Emê bi nasnameya xwe bidin gel jin û gelê Edîrneyê. Em bang li gelê Edîrne dikin ku di hilbijartinê dengên xwe bidin HDP û Demîrtaş. Di 24’ê Hezîranê de em ê bi ser bikevin.”   

 

'JI BO ÇENGENEYAN JÎ HDP RIZGARIYE’

 

Nanzetê parlamenteriya rêza 3’yemîn a HDP’a Edîrneyê Serdal Zimba ye. Zimba xwedî nasnameya  Çengeneye û di sala 1971’an loi Edîrneyê hat dine. Zimba dibistina navîn qedandiye û tim karker bûye. Zimba, diyar kir ku partiyên din girîngiyê nadin Çengeneyan û wiha got: “Polîtîkayên HDP’ê dibe dengê Çengeneyan jî. Ji bo HDP xwedî nasnameya min derket û ez hesibandim bûm namzet. Divê ez jî wisan xwedî HDP’ê derbikevim. Tenê HDP ji bo Çengeneyan cihê rizgariyê ye. Ger di meclîsê de cih bigirim, ezê hewl bidim bibim bersiv ji pirsgirêkên Çengeneyan re. Li Tirkiyeyê çengene nayên naskirin û bi çavekê cûda li wan tê mêzekirin. Ne tenê nijada Tirki li Tirkiyeyê dijî, ji nijadên cûda jî gel li Tirkiyeyê dijîn. Emê Xidirellez û Newrozê  bikin yek û di 24’ê Hezîranê de bi ser bikevin.”

 

‘DIVÊ HEMÛ RENG DI MECLÎSÊ DE HEBIN’ 

 

Xwendkarê Wêjeya Zimanê Yunan a Zanîngeha Trakya Hasan Atîk jî namzetê HDP’ê yê Edîrneye û 8 salin li Edîrneyê dijî. Atîk yek ji koçberên Balkaney û eslê xwe ji Îzmîrê ye. Atik hem parazvanê mafê Mirovane û hem jî bi nasnameya LGBTÎ+ di rêza 4’emîn a namzetiya parlamenteriya HDP’ê ya Edîrneyê de cih digire. HDP û hevparên wê partiyek lehengin. Ez dinava xwe de qebûl kirim. Atîk, da zanîn ku wî berê di SODAP’ê de dest bi siyasete kir û wiha axivî: “HDP partiya bindest û nasnemeyên cûdane. Ji ber vê min xwest bibim namzetê parlamenteriya HDP’ê. Em ê bi gelê Edîrneyê re bi awayekê aktîf bixwebitin. Divê nasnameyên cûda di meclîsê de cih bigirin û pir rengiyê derbixwin hoolê. Berî her tiştî divê em vê ava bikin. Ez bang li hemû kesê dikim ku xwedî li sindoq û dengê xwe derbikevin. Tu ferqa HDP’ê, CHP û Iyi Partî nake. Hemû deng dengên mene. Divê em xwedî wan derbikevin. Ger em xwedî dengên xwe derkevin, em ê desthilatdariyê têk bibin.”

 

MA / Bîlal Seçkîn