ENQERE - Dadgeha Edliyeya Herêma Dîlokê beriya hilbijartina 24'ê Hezîranê der barê 89 siyasetmedarên kurd de biryar da. Dadgeha Amedê di çarçoveya "Doza sereke ya KCK'ê de li 139 siyasetmedaran ceza birî bû. Dageha Edliyeya Herêmî ya Dîlokê der barê 89 siyasetmedarên ku namzetên parlamenteriyê yên HDP'ê jî hene, ceza erê kir. Di nava 89 kesan de 4 namzetên parlamenteriyê jî hene.
Di 14'ê Nîsana 2009'an de li dijî siyasetmedarên kurd di bin navê "doza KCK'ê de operasyon pêk hat. Di serî de endam û rêveberên Partiya Civaka Demokratîk (DTP) gelek siyasetmedarên kurd hatin girtin. Di 14'ê Nîsanê de 72 siyasetmedar hatin binçavkirin û jê 52 siyasetmedar hatin girtin. Di 17'ê Hezîran, 11'ê îlon û 25'ê Kanûna 2009'an de di bin navê "Doza KCK'ê" de li dijî siyasetmedarên kurd 4 operasyonên cuda pêk hatin. Di operasyonan de parêzer û parazvanên mafên mirovan jî di navde 151 siyasetmedar hatin binçavkirin û jê 103 kes hatin girtin. Piştre dosya hat komktirin û 154 siyasetmedarên kurd bi hevre hatin darizandin. 2'emin Dadgeha Cezayên Giran a Amedê der barê 154 siyasetmedarên kurd de ceza birî. Dadgeha Edliyeya Herêma Dîlokê beriya hilbijartina 24'ê Heziranê biryar da. 4'emîn Daîreya Ceza der barê 154 kesan de cezayê ku Dadgeha Amedê dabû nirxand û biryar da. Dadgehê îtîraza 139 kesan nirxand.
Dadgehê 21 sal cezayê Hevserokê Giştî yê DBP'ê Kamuran Yuksek û siyasetmedarê kurd Mehmet Taş, Erdem Kizilkaya, Huseyin Yilmaz, Salih Akdogan, Turan Genç, Senanik Oner, Kemal Aktaş, Çimen Işik, Zohre Bozaci, Mehmet Nimet Sevîm, Lutfî Dag, Bayram Altun, Ahmet Birsin û Mehmet Akin erê kir.
Dadgehê bi heman sûcdariyê 18 sal cezayê der barê siyasetmedarên kurd Ercan Sezgin, Şinasî Tur, Ahmet Makas, Mazlum Tekdag, Mukaîl Karakuş, Umît Aydin, Seda Akbaş Can, Alî Şimşek, Necdet Atalay, Abdullah Demîrbaş, Olcay Kanlibaş, Tuncay Korkmaz, Tayip Temel û Ercan Akyol erê kir.
Dadgehê dîsa 9 sal cezayên ku bi îdîaya "Endamtiya rêxistinê" ye li siyasetmedarê kurd Hasan Huseyin Ebem, Abbas Çelik, Zulkuf Karatekin, Nadîr Bîngol, Ahmet Erdem, Cîbrahîl Kurt, Yurdusev Ozsokmenler, Mehmet Hatîp Dicle, Nihayet Taşdemîr, Pinar Işık, Elîf Kaya, Yuksel Baran, Pelguzar Kaygisiz, Pero Dundar, Sara Aktaş, Zahide Besî, Musa Farisogullari, Adil Erkek, Mahmut Okkan û Burhan Karakoç birîye erê kir.
Heyetê 6 sal û 3 meh cezayê der barê Demir Çelik, Mehmet Tarih, Hasan Firat Uner, Hasan Îraz, Celal Yoldaş, Ahmet Ertak, Firat Anli, Selim Sadak, Huseyin Kalkan, Songul Erol Abdîl, Etem Şahin, Emrullah Cîn, Fîkret Kaya, Aydin Budak, Leyla Guven, Gulcan Şimşek, Nuran Atli Soyler, Abdullah Akengin, Şeyhmus Bayhan, Ahmet Zirek, Engin Kotay, Kerem Duruk, Esma Guler, Ozlem Yasak, Rojda Balkaş Akyuz, Mesut Çetin, Ramazan Odemiş, Ramazan Deve, Muharrem Erbey, Tuncay Ok, Ahmet Îlhan ve Mustafa Dogru de jî erê kir.
Ji kesên cezayên wan hatin erêkirin Pero Dundar, Musa Farisogulları, Leyla Guven û Tayyip Temel, namzetên parlamenterên HDP'ê yên hilbijartina 24'ê Hezîranê bûn.
DER BARÊ AHMET TURK Û BERSÛCÊN DIN DE BIRYARA BERAETÊ DA
Heyeta dadgehê der barê Ebru Gunay, Siracettin Irmak, Servet Ozen, Bahri Çeken, Hasan Înatçı, Rahmi Ozmen, Ahmet Cengiz, Huseyin Bayrak, Hacı Erdemir, Heval Erdemlî, Îhsan Ugur, Sebahattin Dinç, Selahattin Elçi, Kazım Kurt, Garip Kandemir, Zora Erdede, Zeynep Boga, Takibe Turgay, Alaattin Aktaş, Fethi Suvarî, Mehmet Deviren, Nizamettin Onar, Zeynel Mat, Atilla Koca, Mehmet Nesip Gultekin, Aygul Arat, Resul Erkaplan, Abdulserdest Tan, Serdar Zirik, Abdullah Aflatun, Abdurrahim Barandağ, Abdullahhalık Katar, Abdulgafur Şen, Ekrem Elbat, Gulistan Dehşet û Ahmet Turk de biryara beraetê da.
Heyetê der barê Veysel Yıldırım û Adnan Bayram de jî biryara beraetê da.