Ji hilbijartina Zordest a 24'ê Hezîranê ku li ser fermana AKP-MHP'e biryar hat dayin re 32 roj man. Piştî partiyan namzetên xwe diyar kirin û serî li YSK'e dan êdî dê li tax, kolan, gund û navçeyan xebatên xwe yên propaganda zêde bikin. Partiya Demokratîk a Gelan (HDP) duh danasîna namzetê xwe kir. Namzetên HDP'ê ji hemû beşên civakê, bawerî, nasnameyan kes cihê xwe digirin. Rewşenbir, akademîsyen, mexdûrên KHK'ê, nûnerên karker, kedkar û hemû beşên civakê di nava namzetên HDP'ê de hene. Ji 600 namzetî 230 namzet jin e. Di nava AKP, MHP, CHP û ÎYÎ de partiya herî zêde namzetên wê yên jin heye HDP ye. Meclîsa Jinan a HDP'ê, HDP'ê wekî pariya jinan pênase dikin. Welatiyên Stenbolê yên ji beşên cuda yên civakê piştgirî dan HDP'ê û diyar kirin ku ji ber hemû nasname cih digirin piştgiriyedidin HDP'ê. Welatiyên elewî, suryanî, ermenî, gurçî û elewî yên ji bo xebatên hilbijartina zordest a 24'ê Heziranê li dora HDP'ê bûn glok, diyar kirin ku ji bo HDP nûnertiya hemû nasname û çînan dike di bin baneyê wê de kom dibin û li dora wê dibin glok. 

 

JI DIL Û CAN LI PIŞT HDP'Ê ME

 

Welatiya Ermenî Sultan Mihçi, diyar kir ku hilbijartina zordest a 24'ê Hezîranê bi birhyarek lezgîn hatiye girtin û partiya herî nêzî fikra wê HDP ye. Mihci, da zanîn ku kêmar, rûm, musevî, tirk kî dibe bila bibe divê her kes wek hev bin û ji ber vê yekê HDP’ê nêzî xwe dibîne. Mihçi, xwest her  kes li HDP'ê xwedî derkevin û biçin ser sindoqê dengê xwe bidin û li dengan xwedî derkevin." 

 

‘HERÎ MAŞ HDP MAFÊ ERMENIYAN DIPARÊZE' 

 

Welatiya Ermenî Garbis Evyapan jî diyar kir ku partiya herî baş dikare mafê gelê Ermenî biparêze û nûnertiya wan bike HDP ye û wiha got: "Di serdemên din de partiyên din ji bo çareseriya pirsgirêka ermeniyan tu tişt nekir. Wekîlê HDP’ê yê Ermenî Garo Paylan nûnertiya ermeniyan kir. Em bang li her kesî dikin ku biçin ser sindoqan."

 

‘EZ BI HÊVÎ ME'

 

Welatiya Ermenî Sona Aksoy jî diyar kir ku wê berê jî piştgirî da HDP’ê û dê dîsa piştgiriyê bide HDP’ê û xwest her kes piştgiriyê bide HDP’ê. Aksoy, anî ziman ku vê carê hêviya wê bêtir e. 

 

‘DIVÊ CALAK BERPIRSIYARIYÊ BIDIN SER XWE' 

 

Ji welatiyên Suryanî Prz. Erkan Metin, jî bal kişand ser îtîfaqên AKP-MHP û CHP-Partiya İYÎ û wiha got: "Di feraseta nijadperest û kevneperest de israr dikin. Niha di nava partî û pergalan de yên azadî, demokrasî û mafên mirovan diparêze tenê Partiya Demokratîk a Gelan (HDP) ye. Gelê Suryanî mafê wî hatiye binpêkirin û metînger e Ji ber vê yekê dê helwesta xwe ya demokrasî û azadiyê bîne ziman. Ji ber vê yekê dê li gel HDP’ê cih bigire. Ji ber ku HDP nûnertiya nasnameyên cuda û azadî u demokrasiyê dike. Ji ber vê yekê divê hemû kes çalak tev bigerin û di hilbijartinê de înisiyatifê bigirin ser xwe." 

 

‘HDP'Ê KÊMAR HEMBÊZ KIR'

 

Serokê Komeleya Piştevanî û Çanda Mezopotamya (Mezo Der) Suryanî Tuma Ozdemir jî diyar kir ku berê mafê Suryaniyan nehat parastin û li ber çavan nehat girtin û wiha got: "Li pêş mafê suryaniyan dîwarekî bilind hat lêkirin. Em vê yekê şermezar dikin. HDP vî dîwarî xera dike û nûnertiya suryaniyan dibe meclîsê. Erol Dora Suryaniyan û Garo Paylan nûnertiya Ermeniyan dike."

 

‘EM DÊ DI 24'Ê hEZÎRANÊ DE BI SER BIKEVIN

 

Serokê Şaxa Cemxane û Komeleya Çanda Pir Sultan Abdal  a Ataşehîrê Hasan Gulum jî diyar kir ku ji ber AKP'ê dît winda dike bi lez biryara hilbijartina zordest stend û wiha got: "Dema AKP'ê biryar girt çavê xwe berda dengên HDP’ê. Ji ber ve yekê 2 salin şovenizmê sor dike. Lê çi bikin bila bikin me bi hevre di 7'ê Hezîranê de bend derbas kir em dê di 24'ê Hezîranê de jî bendê derbas bikin. Em bang li hemû elewiyan dikin ku biçin ser sindoqan û dengê xwe bidin. Ji bo mafê xwe bêtir li demokrasiyê xwedî derkevin û têkoşîne mezin bikin." 

 

‘ME NÛNERTIYA XWE DI NAVA HDP’Ê DE DÎT' 

 

Seroka Giştî ya Komeleya Elewiyên Demokratik (DAD) Selda Guneş jî diyarkir ku ji destpêkê heta niha di nava HDP'e de cihê xwe digirin û wan di nava HDP'ê de nûnertiya xwe dîtiye. Guneş, diyar kir ku hemû reng û gel di bin baneyê HDP'ê de li hev kom dibin û wekî elewî Bektaşî û Kizilbaşên Tirkiye me nûnertiya xwe li vir dît. Em hemû bawerî, ziman, çand û nijadên din ên Tirkiye kengî hatin cem hev û me mil da hev wê demê em dikarin li dijî zilmê rawestin û pergala yek zilamî têk bibin. Divê her kes li dijî pergala yek mirovî dengê xwe bidin HDP’ê." 

 

‘GIRÎNG E KU HEMÛ GELAN HEMBÊZ DIKE'

 

Welatiya Gurcî Seyhun Çelik jî diyar kir ku beri her tiştî namzetê serokomariyê yê HDP’ê Demîrtaş girtî ye û ev li cîhanê bûyerek gelek mezin e. Çelîk, anî ziman ku ev yek hem bê hiqûqî ye û hem jî li dijî sinc e û xwest bê berdan. Çelîk, bal kişand ser îtîfaqa AKP-MHP'ê jî da zanîn ku li dijî hemu reng û xweşikiyên Tirkiye ne. Çelik, anî ziman ku HDP hemû reng û baweriyên li Tirkiye komî ser hev dike û diyaloga nava wan pêş dixe û wiha got: "Li Tirkiye ji bilî kurdan gelek nasnameyên din hene. Çerkez, Gurcu, Laz, Ereb, terekeme û gelek nasnameyên din hene. Yên hatine bişaftin jî hene. Hemu di bin sîwana HDP'ê de xwe dibînin. Divê hemû gelên li Tirkiye li dijî îtîefaqên hatine avakirin bibin yek û li cem HDP'ê cihê xwe bigirin."