RIHA - Li Wêranşerê, midûrê dibistanê xwendekarên keç kom kirin û bi gotina “Hin bêexlaqên cilên vekirî li xwe dikin, ger bi cilên vekirî beşdarî mezûniyê bibin, ezê di devê derî de bera wan bidim” gef li xwendekarin xwar. Li ser vê yekê xwendekarên keç xwestin mûdir ji wan lêborînê bixwaze.
Xwendekarên keç ên dibistana Lîseyê ya Anatoliya Teknîkî û Pîşeyî ya Îbn-î Sîna ya navçeya Wêranşara Rihayê, roja 8’ê Gulanê li ser hesabê twîttera Femînîst Yaşam û Sevgî, agahiya midûrê dibistanê Salîh Arslan derbarê cilên wan ên roja mezûniyeta dawiya salê li xwe bikin, gef li wan xwar, parve kirin.
MIDÛRÊ DIBISTANÊ GEF LI XWENDEKARAN XWAR
Li ser hesabê mijara gotinêye ev agahî hatibûn dayîn: “Merheba ez we aciz dikim, lê ez li Lîseya Anatoliya Teknîkî û Pîşeyî ya Îbn-î Sîna ya navçeya Wêranşara Rihayê dixwînim. Merasîma meya mezûniyetê heye. Midûrê dibistanê xwendekarên serê wan vekirî, kom kirin û xwendekarên sergirtî şandin hûndir. Midûr gef li me xwar û got, ‘Ger hûn vekirî li xwe bikin, ezê we di refê de bihêlim û di çavên we re derbixim. Ezê we rezîl bikim.’ Yanî; xwest ji me re bêje ger hûn girtin hûnê refê derbas bikin, lê ger hûn ne girtibin hûnê refê derbas nekin. Mijar ne vekirin û girtine. Lê ji keçên serê wan vekirî re gotinên weke ‘hûn bêexlaq û bê karekterin.’ Em dixwazin midûrê dibîstanê berî her tiştî lêborînê ji 20 xwendkarên keç ên heqaret li wan kirî û hemû xwendekaran bixwaze.”
‘PÊNASEYA CILAN KIR’
Yek ji xwendekarên mijara gotinê R. A. ji Ajansa Mezopotamya (MA) re axivî û wiha got: “Wê rojê gava çûm dibîstanê midûr gelek xwendekar hişyar dikirin. Ez bûm şahidê vê yekê. Dûrê ji xwendekarên ser girtî re ‘ji xwe hûn vekirî li xwe nakin, hûn dikarin derbasî refê bibin’ got û hin xwendekarên dibistanê li goşeyekê dibistanê kom kirin. Dûre pênaseya cilên mezûniyeta dawiya salê ya di 14’ê Gulanê de li xwe bikin kir. Pişt re got ‘ger hûn cilên kurt û mil kurt werin ezê bera we û malbatên we bidim.’”
‘GER HÛN VEKIRÎ LI XWE BIKIN EZÊ BERA WE BIDIM’
Xwendkar M.C. jî, diyar kir ku midûrê dibîstina ji xwendekaran re got ‘Min bihîst ku hûnê di mezûniyetê de cilên vekirî li xwe bikin. Berê jî min we hişyar kiribû. Ji ber hin bêexlaqên vekirî li xwe bikin, bila hizûrê kesekê xera nebe. Ger hûn bi cilên vekirî teşdarî mezûniyetê bibin ez ê bera we bidim û we di refê de bihêlim.’” M.C., da zanîn ku hin xwendekaran bertek nîşanî heqaretên midûr dan û wiha bilêv kir: “Dûre ji me re got ‘emê bi we re biçin jimartinekê. Kincên xwe nîşanî mamosteyek jin bidin, ger ew guncaw bibîne li xwe bikin. Ne xwe hûnê bi pantolonê reş û gomlekê spî beşdarî bibin.’”
'DIVÊ JI XWENDEKARAN LÊBORÎNA XWE BIXWAZE'
Xwendekara keç B.B. jî, da zanîn ku gelek mamosteyan temaşeyî heqaretên midûr kirin û wiha axivî: “Xwendekaran ji ber tirsa dê di refê de bimînin, cilên dirêj ji xwe re kirîn. Ji xwe mûdaxileyî cilên me yêbn dibistanê dikin. Ev nêzîkatiya wan nayê qebûl kirin. Piştî parvekirinên medya tora civakî dîtin, zext li gelek xwendekaran kirin ku li ser bûyerê bigirin û bi derewîn in. Dûre mamosta yek bi yek li refan geriyan û gotin ‘niyeta midûr ne ji bo xerabiya we bû.’ Em em dixwizin midûr ji ber heqaretên li me kirin lêborînê bixwaze. Ger nasnameya me diyar be, dê me di refê de bihêlin. Em ji ber vê yekê ditirsin.”
Midûrê dibistanê Salîh Arslan wiha bersiva îdîayan dabû: “Derbarê mijarê de xwendekarên me îdîayên cûda kirin. Gava me bihîst em xemgîn bûn. Roja bûyerê me xwest em bibin alîkar ji xwendekaran re. Îdîa ne rastin. Ji ber ku hin xwendekarên em xwestin vekirî li xwe bikin, ev yek wisan çêbû.”
Parlamentera Partiya Demokratîk a Gelan (HDP) a Rihayê Dîlek Ocalan, derbarê mijarê de roja 11’ê Gulanê, ji bo Wêzîrê Perwerdê yê Mîlî (MEB) Îsmet Yilmaz bi bersivîne pirsname dabû Meclîsê.