STENBOL - Ji Rojnameya Posta Tîmur Soykan, di civîna "Li Tirkiye rojnamegerî û azadiya çapemeniyê" niqaş dikin de diyar kir ku berê li Tirkiye sansur hebû, lê niha rewş hîn xerabtir e û wiha got: "Niha ger ku nekeve serê wan dibêjin 'Camêr bêzar bû' û asteng dikin. Medya li gorî îktîdarê xwe bi teşe dike."
Rexistinen rojnamegeran ya Komîteya Parastina Rojnamegeran (CPJ), Pen Înternatîonal, Sendikaya DİSK Basin-Îş'ê, Komeleya Rojnamegerên Hemdem (ÇGD), Înîsiyatifa Rojnamegerên Azad (OGİ) Rojnamegerên Sînornenas (RSF), Konseya Çapemeniyê û Article jî di navde dê bi piştgiriya 19 rêxistinan li OTEL'a Gonen civîna "Li Tirkiye rojnamegerî û azadiya çapemeniyê" pêk anîn û rewşa rojnamegeriya li Tirkiye niqaş kirin. Di rûniştina ewil de sernavê “Di şopandina nûçeyê de di bin gefan de ye" niqaş kirin. Rûniştina ku Parêzer Hurrem Sonmez pêşkêşiya wê kir, Rojnameger Ahmet Şik, ji rojnameya Milliyetê Gokçer Tahincîoglu, ji Rojnameya Posta Tîmur Soykan, ji Rojnameya Dîken Tunca Ogreten, ji PEN Internationalê Sarah Clarke wekî kesên panelîst amade bûn.
Ewil xebatkarên rojnameya diken.com.tr Tunca Ogreten, bal kişand ser pêvajoya binçavkirinê û wiha got: “Ji ber ku ez bi Deniz Yucel re axivîm ev sûc hat dîtin. Em 6 kes tên darizandin. Sucdariya der barê me 6 kesan de tenê xêzek e. Ez bawer nakim ceza bidin, lê dê ceza bidin."
ŞIK: EV ZEXT NE NÛ NE
Rojnameger û xebatkarê Rojnameya Cumhuriyetê Ahmet Şik, jî bal kişand ser rewşa xwe û wiha got: "Li Tirkiye zextên li ser çapemeniyê ne nû ne. Girtina rojnamegeran ne tiştekî nû ye. “30 hempîşeyên me yên di medya kurd de dixebitîn hatin kuştin. Bi awayekî hovane hatin kuştin. Ev tundî bingeha xwe ji demên borî digire. Rojname hatin bombekirin, hatin kuştin, ji kar hatin dûrxistin binçvkirin û girtin. Ev hemû b serê me de hatin. Herî dawi Hrant Dink kuştin. koma medya ya Dogan firotin. Nifûsa Tirkiye 80 milyon mirove. Bi hezaran rojnameger hene. Niha zêdeyî 100 rojnamegerî girtî ne. Pir hindik saziyên medya yên alternatif hene. Ev rewşek pir xerab e."
‘EM DÊ BERXWEDANA XWE BERDEWAM BIKIN'
Şik, da zanîn ku di vê pêvajoyê de hevşaredarên DBP’î hevserokên HDP'ê û hilbijêrên HDP'ê û xwendekarên Zanîngeha Bogaziçî tên girtin. Ev hemû ji ber mafê azadiya raman û îfadeyê hatin girtin. Li girtîgehan hêjmara rojnamegeran ji her demê bêtir in. Divê em vê yekê ji bîr nekin. Tevî ew qas zext rojnameger li ber xwe didin. Em dê li ber xwe bidin."
SOYKAN: CAMÊR BÊZAR DIBE
Ji Rojnameya Postayê Timur Soykan, jî diyar kir ku li Tirkiye 4 salin rojnamegerî di pêvajoyek tarî re derbas dibe û wiha got: “Berê sansur hebû. Niha sansur derbas kiriye. Ger ku em manşetê davêjin û li xweşiya wan neçe, dibêjin 'Camêr (Erdogan) bezar bû.' Li vir medya li gorî îktîdarê xwe bi teşe dike. Piştî Erdogan ber bi yek mirovî ve bilind dibe, zextên li ser medya jî zêde dibin. Xwe bi xwe sansur dest pê dike. Ger ku ewil me li dijî van yekan li ber xwe dabûya dibû ev yek pêk nehatiya."
Ji PEN Internationalê Sarah Clarke jî li ser skypê tev li konferansê bû. "
Konferans dê bi pêşkêşkirina Rojnameger Ugur Guç, ji bianet.orgê Nadire Mater, Înîsiyatifa Rojnamegerên Azad Hakki Boltan, Zimanzan û nivîskar Necmiye Alpay û Nivîskarê Rojnameya Agosê Pakrat Estukyan dê peşkêşkirinê bikin.