AMED - Ayten Tikil a li Girtîgeha Tarsûsê ya Jinan tê girtin, binpêkirinên mafan bi nameyekê nivîsî û diyar kir ku nameyên wê hatine desteserkirin.
Ayten Tikil a li Girtîgeha Tarsûsa Mêrsînê ya Jinan a Tîpa T’yê girtî ye, di nameyekê de ku ji Berdevkê Kolektîfa Hat Dîtin Adil Okay re şand, behsa binpêkirinên mafan ên li girtîgehê kir. Tikil di nameyê de diyar kir ku li girtîgehê kotaya pirtûkê bi awayekî kêfî hatiye guhertin, hevdîtin tên astengkirin û ji ber wan dereng dibin revîrê nikarin bi temamî xwe bigihînin tenduristiyê û binpêkirina mafan a ji aliyê rêveberiya girtîgehê ve dewam dike.
KOTA DANÎNE SER PIRTÛKAN
Tikil da zanîn ku serlêdanên wê yên ji bo çûyîna cem xwişka wê ya li Girtîgeha Sîncanê ya Jinan bêbersiv mane û got: "Tecrîda ku bi pandemiyê dest pê kir bi qedexeyên ku her roj jiyana me felc dike bi awayekî sîstematîk derbas dibe. Her roj em bi binpêkirineke nû ya mafan re rû bi rû dimînin. Tişta ku dê jiyana me bi çend metrekare cuda bike pirtûkên me ne. Wan da zanîn ku di serlêdanên dawîn de tenê 10 pirtûkên me hene û divê em pirtûkên xwe yên mayî jî bidin malbatên xwe. Em her yek rojê çend pirtûkan diqedînin. Ji bilî vê, divê em ji gelek çavkaniyan sûd werbigirin ji bo lêkolînekê. Ji bilî vê malbatên her yek ji me li bajarên dûr dijîn. Di vê krîza aborî de, wek ku têra me nekiribe, her hefte zêde çêdikin û pirtûkan bi kûryeyê dişînin derve û diviyabû em 10 pirtûkên ku li cem me hebûn biguherînin û bişînin. Bi kurye vegere malê da ku wan bigire. Lê belê ev 12 sal in ez di girtîgehê de me, li girtîgehên Siwêreg û Rihayê 10 serlêdanên pirtûkan hatin kirin. Lê rêveberiyê ji bo hemû pirtûkên me yên mayî cihek veqetandibû û ew li wir hatin ragirtin. Me her hefte bi daxwaznameyek pirtûkên ku me dixwest diguherandin. Ev pêkanîn li gelek girtîgehan bi vî rengî ye. Lê belê ev sazî bi awayekî kêfî bi binpêkirina mafan re rû bi rû maye ku tenê 10 wê mane û yên mayî jî dê bişînin malê."
BINPÊKIRINÊN MAFAN
Tîkîl bal kişand ser pirsgirêkên di hevdîtinan de û gelek mafên wan ên hevdîtinê tên astengkirin û binpêkirinên mafan diqewimin. Tîkîl anî ziman ku sohbeta hevpar a girtiyan di nava hev de dikin bi awayek kêfî tê astengkirin û malbatên nêzî girtîgehê ne vê carê zarokên wan sirgûnî girtîgehên dûr dikin. Tîkîl got gelek binpêkirinên ku jiyana wan dixe rewşek neyînî hene û her çiqas ew li dijî binpêkirinan serlêdanan dikin jî lê tu encamek jê dernekeve û rewş naguhere.