* Mamosteyê Komeleya Lêkolînên Kurdî Bilal Yildiz, bi minasebeta 21'ê Sibatê Roja Zimanê Zikmakî ya Cîhanê bang li hemû kesan kir ku tev li daxuyaniya 21'ê Sibatê ya li Taksîmê bibin. Yildiz, diyar kir ku bi OHAL’ê re hemû tiştên bi kurdî hatine qedexekirin. 

 

* Temur Taşdemîr ê 62 salî li Girtîgeha Mamakê li dijî cilên yek tîp li ber xwe da, piştî bi salan mijara cilên yek tîp careke din hat rojevê û li der ve ber xwe dide. Taşdemîr got ku "Ev peywir ji kesên li hundur zêdetir, dikeve ser milê kesên li derve."

 

* Di dema ku nîqaşa têkiliyên dewleta tirk a bi DAIŞ’ê re berdewam dike de, du birayên di nava DAIŞ’ê de niha di xeta navçeya Şiyê ya Efrînê de bi komên OSO'yê re di êrîşan li dijî Efrînê de cih digirin. 

 

* Zimanzan Necmiye Alpay bal kişand ser girîngiya Roja Zimanê Dayikê ya Cîhanê û ev tişt got: “Polîtîkayên desthilatdariyê yên demên dawî li ser ziman û wêjeya kurdî, vegeriya polîtîkaya 12'ê Îlonê. Çi dibêjin ‘Dê hemû zarok bi zimanê tirkî bên perwerdekirin.' Ev di makeqanûna 12’ê Îlonê de cih digirt.” 

 

* Mehmet Emîn Başaran, bavê girtiyê nexweş Îdrîs Başaran e. Başaran bi nexweşîna epîlepsiyê ketiye û li Girtîgeha Tîpa H a Bursayê dimîne û ji ber ku li ser piyan hejmarî qebûl nekir gardiyanan ew derb kir. Bav Başaran got ku tiştek bê serê kurê wî, dê Wezîrê Dadê Abdulhamît Gul berpirsiyar be. 

 

* Mehmet Arpacioglu, bi kokên Ribêsa ku bi lêkolînan jî hatiye pesendkirin ku ji bo pençeşêrê baş e, debara xwe dike. Arpacioglu got ku dema koka Ribêsê bê kelandin û vexwarin, ji bo nexweşîna şekir, dil, made û bêhnçikandinê baş e. 

 

* Hunermendên efrînî bang li hunermendên çûn ser sînorê Hatayê û piştgirî dan TSK’ê kirin û ev tişt gotin: “Mirovê bi wîjdan nejîn û nebîne ew nabe hunermend. Em bersivê didin wan hunermendên piştgiriyê dane dewleta tirk a mêtinger. Bijî berxwedana Efrînê.”

 

* Sibê 'Roja Zimanê Dayikê ya Cihanê’ ye. Li Tirkiyeyê her çiqas ji hêla desthilatdariyê ve tundiya li ser zimanê kurdî dewam bike jî gele kurd li dijî pişaftinê têkoşîna xwe berdewam dike.

 

* Prof. Dr. Fatmagul Berktay, bal kişand ser zêdebûna şideta li ser jinê û got ku ev girêdayê "kêmbûna mêraniyê" ye û bi wê ve girêdayî "krîza zilam" derketiye pêş û ev tişt got: "Kar ketiye ser milê me, divê jin têkoşîneke bi zanebûn bimeşînin."

 

* Lîstikvan Nazmî Karaman, diyar kir ku bi OHAL'ê re binpêkirinên mafan zêde bûn û vê yekê bandor li ser dika şanoyê jî kir û ev tişt got: "Dema hemû derfet ji destê we girtin, hûnê afrîneriya xwe derxin pêş. Tişta ku me bigihîne ronahiyê jî ev e." 

 

* Parêzerên Rêberê PKK'ê Abdullah Ocalan ji bo bi miwekîlê xwe re hevdîtinê pêk bînin dê serî li Serdozgerê Komarê yê Bursayê bidin. (10.00)

 

* 12'emîn danişîna doza Kanya Xezalan dê li 2'yemîn Dadgeha Cezayê Giran a Rihayê bê dîtin. (11.00)

 

* Komîsyona Girtîgehan a Şaxa Komleya Mafên Mirovan (ÎHD) a Stenbolê, ji bo balî bikişîne ser çalakiya rojiya mirinê ya Dîren Coşkun a li Girtîgeha Tîpa F a Hejmar 2 a Tekîrdagê dimîne, dê ji Miduryeta Giştî ya Ceza û Wezareta Edaletê re li Postaxaneya Galatasarayê faks bişîne. (12.00)

 

* Komeleya Lêkolînê ya Çand û Ziman a Mezopotamyayê dê bi minasebeta Roja Zimanê Dayikê li Şaxa Hejmar 1 a Egîgîm Senê panelê li dar bixe. (15.00)