STENBOL - Parazvanên Jiyanê li dijî rakirina darên Parka Maçka yên bi hinceta çêkirina rê û tunelê daxuyanî dan. Parazvanên jiyanê bertek nîşanî talankirina xwezayê dan û gotin: "Stenbol dimire û îxanet didome."
Parazvanên xwezayê û Înîsiyatifa Parka Maçka ya me Hemûyan e, li dijî projeya Şaredariya Bajarê Mezin a Stenbolê (İBB) ya Tunela Dolmabahçe-Levazim ku li Parka Maçka dixe beriyetê çalakî pêk anîn. Parazvanên xwezayê li parkê meşiyan û bê navber dirûşmeyên "ÎBB destê xwe ji Maçka bikişîne", "Em dê bi berxwedanê qezenç bikin" û "Stenbol dimire îxanet didome" berz kirin. Welatiyên piştî meşê hatin ber deriyê parkê li vir daxuyanî dan.
DÊ BI HEZARAN ZINDÎ BIMIRIN
Ekolojist Çagdaş Ozturk, li ser navê ekolojîstan û parazvanên derdorê daxuyanî da û wiha got: "Dibêjin proje bandorê li ser parkê nake. Hemû vir û derew in. Em baş dizanin ku ÎBB'ê herêm bi tunel û pirên jêr û jor tev kirine beton. ÎBB derewan li gel dike. Qadên ku dar lê heye wekî qada vala nîşan dide. Ev tunel li ku çê bibe bila bibe dê bi xwe re hezaran zindiyan tune bike.
TEKOŞÎNA ME DÊ BIDOME
Ji Parastina Daristanên Bakûr Deniz Ozgur jî diyar kir ku wan nekarî darên li parkê biparêzin û tenê 3-5 dar mane û wiha got: "Divê em nebêjin her tişt qediya. Ger ku em vê qadê biparêzin em disa dikarin daran li vir biçînin. Lê ger ku li vir tunel bê vekirin em dê nikaribin daran biçînin. Ji ber vê yekê têkoşîna me dê bidome."
Endamê Şaxa Odeya Mîmaran a TMMOB'ê ya Buyukkentê ya Stenbolê Mimar Mucella Yapici jî xwest Şaredarî bi lezgîn projeyê betal bike û wiha got: "Ev tunel tenê gefan li mirovên vir naxwe. Geliyê Ihlamur, Levazimê û Geliya Ortakoyê jî dixe talukeyê. Li tu derên cîhanê tunela rêya bejayî ya 7.5 kilometre tune ye. Ev dê nefesa stenbolê qut bike. Tu pispor û profesor divê vê projeyê qebûl neke. Ev proje li dijî aqilan e. Ev dê zerarên mezin bide Stenbolê. "
JI BO EFRÎNÊ XWARIN BELAV KIRIN
Piştî daxuyaniyê Sifreyên li Dijî Bombeyan ku her rojê li cihekî xwarin belav dike, ji bo şerê li Efrînê bi dawî bibe li kesên ku beşdarî daxuyaniyê bûbûn xwarin belav kir. Piştî xwarin hat xwarin Koma "Maçka Swing" a dansê ji bo komê pêşandana dansê kirin. Komê Înîsiyatiga Parka Maçka ya me Hemûyan e ji bo daxuyaniya saet di 13.00'yê 21'ê Sibatê de bang li her kesi kir ku tev li daxuyaniya li pêş ÎBB'ê bibin.