ÎZMÎR - Derket holê ku li Îzmîrê kesên ji 6'ê Sibatê ve di bin çavan de ne, ji ber dosyeyên lêpirsînê yên polîs û dozgerên bi tawanbariya Cemaeta Gulenê hatine girtin amade kirine di bin çavan de ne. Di girtenameyan de tê dîtin ku di navbera 2012-2014'an de li Îzmîrê avahiyên sendîkayan hatine guhdarîkirin.
Di çarçoveya lêpirsîna ku Serdozgeriya Komarê ya Bûrsayê amade kir de, di 6'ê Sibatê de sendîkavan, siyasetmedar, ekolojîst, dayikên aştiyê û alimên oldar jî di nav de 42 kes hatin binçavkirin.
Endama Desteya Rêvebir a Navendî ya KESK'ê Elîf Çuhadar jî di nav de 31 kes bi hinceta di navbera 2012-2014'an de tev li çalakiyên Kongreya Demokratîk a Gelan (HDK) bûne hatine binçavkirin. Di girtenameyan de diyar dibe ku gelek delîlên lêpirsînê li ser tapeyên telefonan hatine amadekirin û her wiha peyamên ku HDP û BDP'ê ji endamên xwe re şandine jî bûne mijara lêpirsînê. Di girtenameyê de guhdarîkirina nêvengê ya civîneke HDK'ê ku di 17'ê hezîrana 2013'an de kiriye cih digire. Di girtekan de axaftinên civîna ku tê gotin li Sendîkaya karkerên Gihaniyê (TUMTÎS) a girêdayî DÎSK'ê hatiye çêkirin cih digirin.
Her wiha derketibû holê ku li Îzmîrê hema bêje tevahiya polîsên di navbera salên 2012-2014'an de li Şaxa Têkoşîna Bi Terorê Re dixebitîn, têkiliya wan a bi Cemaeta Gulenê re kifş bûbû û gelek ji hatibûn girtin û ji peywirê hatibûn dûrxistin.
30 KES HÎN JÎ DI BIN ÇAVAN DE NE
Di çarçoveya lêpirsnê de Seroka Konseya Bajêr a Îzmîrê Kizbes Seyhan Aydin hat berda û navê 30 kesên hîn di bin çavan de ne ev in: Nur Mehmet Çiftçi, Mehmet Salih Erçelik, Gonul Yavuz, Neşe Dilek Bakiş, Ahmet Yavuz, İsmet Akbulak, Haydar Tekin, Ali İhsan Toprak, Mahsum Koç, Mehmet Akdogan, Çetin Çavdarci, Mehmet Halil Akgul, Dunyamali Ariç, Ahmet Cavit Ugur, Tevfik Bugakaptan, Mehmet Kaan Ugur, Abdulhamit Kaya, Bişar Akin, Sinan Demirkan, Kerem Ay, Mehmet Ozturk, Menderes Koçak, İlhan Guçlu, alimê oldar Ferzende Deniz, endamên Meclîsa Dayikên Aştiyê ya Îzmîrê Behiye Yalçin, Hanife Polat, Hulkiye Yilmaz, Melahat Kuş, endama Meclîsa Ekolojiyê ya HDK'ê Erol Akcan û endama MYK'ê ya KESK'ê Elif Çuhadar.