* Nivîskar Yaşar Eroğlu di pêvajoya girtina xwe ya 21 salan de demek kurt cilên yek tîp li xwe kir û aşkera kir ku “Mîna zirxê ku mirovan difetisîne." Eroglu got ku piştî 34 salan ev pêkanîn dîsa anîn rojevê, lê dê girtî vê yekê qebûl nekin.
* Berdevka TJA'yê Ayla Akat Ata, di heyeta yekemin çû Girava Îmraliyê bi Rêberê PKK'ê Abdullah Ocalan re hevdîtin kir de cih girtibû, der barê 15'e Sibatê ev tişt got: "Helwesta Birêz Ocalan komploya 15'ê Sibatê vala derxiswt. Êrîşa li dijî Efrînê jî berdewama komployê ye."
* Xebatên avakirina gundê Efşê yê Êzidiyan ku salên 80’an b koçberiyê re rû bi rû mabûn tê astengkirin. Parlementerê HDP’ê yê Mêrdînê Alî Atalan da zanîn ku qeyûmê Şaredariya Nisêbînê derbarê mala şînê ya ku ji aliyê Êzidiyan ve li gund tê avakirin de biryara xerakirinê daye.
* Endamê Rêveberiya Karê Civakî yê Kantona Efrinê Mihemed Hecî Hesen, bertek nîşanî daxuyaniya Serokê AKP'ê Tayyip Erdogan a "Li Tirkiye 3.5 mîlyon penaber hene. Em dê wan li Efrînê bi cih bikin" rexne kir û wiha got: "Nêzî 300 hezar koçber li Efrînê hene. Ev ne koçber in çine?"
* Karkerên li Hadimkoyê di Fabrîqeya Kîmyawî ya Akkîmê de dixebitîn, ji ber ku mafên xwe yên sendîkayê xwestin ji kar hatin avêtin. Kaker ji bo vegerin karê xwe 200 roj in di çalakiyê de ne.
* Nazli Soglîn a li Girîgeha Jinan a Tîpa T a Tarsusê girtî ye, diyar kir ku ew bi îşkenceya derûnî û fîzîkî re rû b i rû ne û ev tişt got: "Ev der bi serê xwe komarek e. Dewlet, makeqanûn û hiqûqê nas nakin. Ez çi bêjim kêm dimîne."
* Derhênerê fîlmê Zer Kazim Oz aşkera kir ku fîlmê Zer li Tirkiyeyê sansur kirin û fîlmê wî li derveyê welat gelek xelat girtin û da zanîn ku sansura dan ser fîlmê Zer, pêkanînên desthilatdariya AKP'ê dide nîşan. Oz got ku ev hikumet ji hunerê dûr e û tiştekî fêm nake.
*Malbatên xizan ên di TOKI’yên Kevenlî de dijîn, ji ber ku 2 meh in komirê nadin wan di sermayê de dijîn. Jinên bi zarokên xwe re li dijî sermayê tê dikoşin, xwestin bi lez pirsgirêkên wan bên çareserkirin.
* Malbatên xizan ên di TOKI’yên Kevenlî de dijîn, ji ber ku 2 meh in komirê nadin wan di sermayê de dijîn. Jinên bi zarokên xwe re li dijî sermayê tê dikoşin, xwestin bi lez pirsgirêkên wan bên çareserkirin.
* Partiya Demokratîk a Gelan (HDP) a Rihayê ji bo Komploya Navneteweyî ya 15'ê Sibatê şermezar bike, dê li avahiya xwe civîna çapemeniyê pêk bîne. (12.00) BI DÎMEN E
* Du akademîsyenên aştiyê ji ber ku îmzeya xwe avêtin bin danezana "Emê nebin hevkarê vî sûcî" dê li 36'emîn Dadgeha Cezayê Giran a Stenbolê derkevin pêşberî dadger. (09.00)
* Doza bi hinceta "Heqaret li Serokomar kiriye" li rojnameger Ertugrul Mavîoglu hatibû vekirin, dê li 37'emîn Dadgeha Cezayê Giran a Stenbolê bê dîtin. (09.45)
* Di 10'ê Sibata 2013'an de li semta Şehîtlîkê ya Yenîşehîra Amedê di çalakiyên şermezarkirina komploya 15'ê Sibatê de maşîneya zirxî li Şahîn Oner xistibû û ew qetil kiribû. Doza der barê polîs S.K. de hat vekirin dê li 1'emîn Dadgeha Cezayê Giran a Amedê bê dîtin. (11.00)
* Piştî li navçeya Sûra Amedê qedexeya derketina derve hat îlankirin û di 24'ê Sibata 2016'an de Serfermandariya Giştî bi sernavê "PKK'î li Sûrê teslîm bûn" nûçeyên mîzansene weşand, îdia kiribû ku M.Ş.A., M.S.A. û M.K. teslîm bûne û piştî hatin girtin, der barê wan de cezayê heta hetayê tê xwestin. Dê doza biryarê li 5'emîn Dadgeha Cezayê Giran a Amedê bê dîtin. (11.30)
* Malbatên Roboskê yên di êrîşa balafirên TSK'ê 34 zarokên wan hatin kuştin, 320'an hefte ne li edaletê digerin û dê li ser goristanê daxuyanî bidin çapemeniyê. 16.00)