ENQERE – Hevberdevkê HDK’ê Prof. Dr. Onur Hamzaoglu jî di nav de 7 siyasetmedar 4 roj in di binçavan de ne.
Beriya 3’yemîn Kongreya Asayî ya Partiya Demokratîk a Gelan (HDP) ku duh li dar xist, di 9’ê sibatê de li dijî siyasetmedaran operasyon pêk hatibû. Hevberdevkê Kongreya Demokratîk a Gelan (HDK) Prof. Dr. Onur Hamzaoğlu jî di nav de 7 siyasetmedar 4 roj in di binçavan de tên ragirtin. Siyasetmedar li Stenbol û Amedê hatibûn binçavkirin.
Hevberdevkê HDK’ê Prof. Dr. Hamzaoglu, Hevberdevka Platforma Piştgiriya Sosyalîst (SODAP) Kezban Konukçu, Hevserokên Partiya Çepgir a Kesk Nacî Sonmez û Eylem Tuncaelî, Wekîla Seroka Giştî ya Partiya Sosyalîst a Bindestan (ESP) û Berdevka Meclîsa Jinan a Sosyalîst (SKM) Fadîme Çelebî, Hevserokê Giştî yê Partiya Rizgariya Ji Nû Ve Sosyalîst (SYKP) Ahmet Kaya û Alîkara Hevserokên Giştî ya Partiya Heremên Demokratîk (DBP) Hacer Ozdemîr ku di binçavan de ne duh anîbûn Enqereyê.
7 siyasetmedarên 4 roj in di binçavan de ne li Şaxa TEM’ê ya Miduriyeta Polîsan tên ragirtin.