Êrîş û bombebaranên bejahî û hewayî yên Hêzên Çekdarên Tirk (TSK) û komên hevkarên wê yên li ser Efrînê di roja 22’an berdewam kirin. Gelên kurd, Erep, Tirkmen, Ermenî, Sûryanê, Elewî, Êzidî û Xiristiyan ên ji baweriyên cûda, deriyên xwe ji gundiyên ser sînor re vekirin û dinava piştevaniyê dene. 

 

‘DERIYÊ XWE JI GUNDIYAN RE VEKIR’

 

Endamê Navenda Çand û Hunerê yê Çiyayê Kurmênç mamostayê mûzîkê Hîsên Xanî yê mala xwe ji koçberên gundiyên ser sînor re kevir, diyar kir ku Efrîn bajarê berxwedanê ye û wiha axivî: “Min strana binavê Qewmê ku bi erebî tê wateya berxwedanê çêkir. Hevjîna min Evîn Hesen jî mîna min hûnermende û ez helbestên wê dikim staran. 22 yek rojin êrîşek dijwar li ser me heye. Gelê Efrînê, gelekê berxwedêre. Bi her awayî em gel şervanên xwe ne. Meşa gelê me yê Efrînê nîşan da ku hemu3 YPG’î, YOJ’î û QSD’î ne. Em ji kesekê natirsin. Xwediyê vê axê emin. Emê bi serbikevin. Dibe ku em zehmetiyan bikêşin, lê berxwedan dê xweş be.”

 

‘ERDOGAN SIVÎLAN DIKUJE’

 

Ednan Bozo jî, diyar kir ku wî deriyê xwe ji gele gundiyên gundê Hesên ê hat bombebaran kirin re kiriye û wiha got: “Em dibin êrîşan de jiyana xwe didomînin. Efrîn serbixwe û xweşe. Ji hemû baweriyan mirov li Efrînê dijîn. Efrîn bajarê aştiyê ye.  Bi sed hezaran kes ji ber şerê Sûriyeyê koç kirin û Efrînê deriyê xwe ji wan re vekir. Erdogan bi mantiqê bazirganiyê li mirovên ji şer reviyan dinêre û mîna koz li hemberî Ewropa bikar tîne. Îro Efrîn xwedî van koçberan derdikeve. Ji ber ku nirxê dide mirovan. Mirovên ku em diparêzin îro Erdogan wan dikuje.”

 

JI HELEPÊ XWE SPARTIN EFRÎNÊ  

 

 

Nurî Goçer jî, da zanîn ku berî 5 salan ji Helepê koçî Efrînê kiriye û wiha axivî: “Malbata min ji 5 kesan pêk tê. Bi malbata xwe re em hatin Efrînê. Ji ber êrîşên Tirkiye û komên hevkarên wê vê carê em necar man ku ji Cindirêsê derbasê navendê bibin. Li Helebê Ceyşul Hur em dikuştin, li vir jî dîsan Ceyşul Hur bi dostantiya Erdogan me dikujin. Sivîlan dikujin. Piyên pîr û kalan jê bûn. Bedenên zarokan parçe parçe kirin. Em ji Cindirêsê hatin vir. Em 3 malba û 40 kes bi hevre niha dijîn.”

 

‘EV DER EFRÎNA KURDAN E’

 

Hevserokê Komûna Şehît Ferzend a Taxa Nû ya Efrînê Elî Guro jî, destnîşan kir ku deriyê xwe ji 15 kesên gundên ser sînor koç kirin re vekiriye û wiha axivî: “Efrînî li ber xwe didin û tu carî dê ji Efrînê dernekevin. Ji bilî Efrîn û çiyayên me, çi cihê me heye ku em xwe lê bigirin? Em ê bi parastinê jiyana xwe bidomînin. Tu tiştekê wan gel me tuneye. Efrîn, Efrîna kurdane, ne ya Erdogane. Me êrîşî tu kesê nekiriye, ew êrîşî me dikin.”

 

‘EM BIMIRIN JÎ, EM AXA XWE NADIN’

 

Mihemed Sîleman ê bi çivê paldankê beşdarî merasîmê tiyê xwe Ciwan Ehmed ê di bombebarana berî du rojan de jiyana xwe ji dest da bû jî, diyar kir ku berî 10 rojan ew li mala xwe  ya gundê Elbîskê rûniştîbûn, hatin bembebaran kirin û wiha got: “Bi qetilkirina mirovan Erdogan dê heya ku derê here? Heya niha gavek jî pêş de nehatine. Bermahiyên DAIŞ’ê perwerde kirin û bi ser me de dişîne. Dixwazin me jî tu bikin. Lê ger em bimirin jî, dê ev axa nebe yarê Erdogan.”

 

‘BI KEÇ Û KURÊ XWE RE EMÊ AXA XWE BIPARÊZIN’

 

Xezal Betal a 32 salî jî, anî ziman ku birayê wê Selmo Betal di parastina bajarê de jiyana xwe ji dest da û wiha axivî: “Em ê tu carî serî netewînin. Em Êzidîne. Ji gundê birc Evdella ne. Bi keç û kurê xwe re ezê axa xwe biparêzim û emê vê zilmê li ser xwe rabikin.  Dê Erdogan bikeve. Ez hêvîdarim dê dilê jî bi şewite. Mala me şewitand, Xwedê dê mala wî jî bişewitîne.” 

 

Fehîm Hesen ê ji heman gûndî jî, wiha axivî: “Şêx Adî û Şerfeddîn inşallah dê wan qehir bike. Me tu carî êrîşî sînorên wan nekir. Malên me şewitandin û talan kirin. Di sala 2014’an DAIŞ’ê êrîşî Şengalê  kir. Îro jî Erdogan êrîşî me dike. Em li ser welatê xwe dijîn. Ev der ê me ye. Êdî bese ji vê zilmê re.”

 

MA/Selamî ASLAN