*Helbestvan Rêdûr Dîjle gotina Schiller "Huner çi qasî ji aliyê azadiyê ve bê mijandin ewqasî mezin dibe" bi bîr xist û got: "Divê têkoşîna rûmetdar a nifşê herî berxwedêr û demokratîk ê sedsala 21'an bi awayekî herî karîgeriyî bigihê pênûs û helbestê, da ku helbest, huner li vê erdnîgariyê êdî bi awayekî azad bê îcrakirin."
*Li Cizîrê ji ber stûnên pira li ser Çemê Dîcleyê derizî bû, 6 sal berê xebatên selihandinê dest pê kirin lê belê hîn jî ev xebat neqediyane.
* Parlementerên Şirnexê bertek nîşanî betalkirina wekîltiya Parlementerê HDP'ê yê Şirnexê Ferhat Encu dan û wiha gotin: "Birîna malbatên roboskiyî kûrttir kirin. Li Şirnexê beramberiya polîtîkayên bi vî rengî tune ye."
*Parlementerên Parlementoya Federal a Swîsreyê bertek nîşanî operasyonên leşkerî yên li hemberî Efrînê dan. Parlementeran ji bo tevî camîaya navnetewî tev bigere û Bakurê Sûriyeyê wek herêma ewlehî û ji bo firînê qedexe bê qebûlkirin, bang li hikûmeta Swîsreyê kirin.
*Leyla Muştu ji xwe re dezgehek vekiriye û bi keda destan berhemên ku hilberîna wan dike pê debara xwe dike. Muştu got ku divê jin ne li berdestê mêra bin, bi keda xwe jiyana xwe bihûnin.
*Li Wanê zarokên ku ji gelek qadan nan dibin loqenteyan, ji bo 20 TL û 10 nanan, 12 saetan li ser piyan dixebitin.
*Cotkarên Colemêrgê hezar û 200 proje pêşkêşî Wezîrê Sewalkarî û Çandiniyê Ahmet Eşref Fakibaba kirin û xwestin sozên ku daye wan bîne cih. Serokê Odeya Çandiniyê ya Colemêrgê Naîf Onal, aşkera kir ku heke projeya wan bê qebûlkirin, dê girêdana ji derve re çareser bibe.
*Nivîskar Şaban Îba der barê êrîşên li ser Efrînê de wiha got: “Halê serkeftin an jî têkçûna êrîşên TSK’ê ya li dijî Efrînê, dê bi kûrahî bandorê li ser siberoja desthilatdariyê bike.”
* Girtî Dîren Coşkun a li Girtîgeha Hêjmar 2 a Tekîrdagê girtî ye, 16 rojin di greva birçîbûnê de ye. Aktîvîsta LGBTÎ Kivilcım Arat, bi armanca dengê Coşkun bilind bike di greva birçîbûnê de ye, armanc dike êdî li be avahiyên AKP'ê çalakiyan pêk bîne.
* Li Dersimê kulîlkên bizbilîqê ku mizgîniya baharê didin îsal zû vebûn. Botanîkçî Haydar Çetinkaya, diyar kir ku ev rewş germbûna kurevî nîşan dide û sedema vê yekê zêdebûna bendavên li herêmê ne.
* Hevseroka Rêxistina HDP'ê ya Stenbolê Esengul Demîr, bertek nîşanî binçavkirina siyasetmedarên kurd da û wiha got: "Beriya kongreya 11'ê sibatê li dijî endam û rêveberên HDP û HDK'ê operasyona binçavkirinê dan destpêkirin. Hevberdevkê HDK'ê Onur Hamzaoglu jî diyar kir ku ev mudaxaleyên bi vî rengî motivasyona wan zêde dikin.
* Amadekariyên kongreya HDP'ê ku di 11'ê Sibatê de pêk bîne bi dawî bûn. Di kongreya ku bi dirûşmeya “Li dijî Faşizmê rizgarî" pêk bîne, nûnerên partiyên siyasî jî dawetî kongreyê kir.
* Ji ber Qeyûmê Şaredariya Amedê zêde krêdî ji Banga Bajaran kişand û şaredarî di bin deynan de hişt bangkê qeyûm li Wezareta Karên Hundir gilî kir.
* Danişîna doza 22 xebatkarên Rojnameya Ozgur Gundemê yên di 16'ê Tebaxa 2016'an de di serdegirtina avahiya rojnameyê de hatin binçavkirin û doz li wan hat vekirin dê li 5'emîn Dadgeh Cezayê Asliye ya Stenbolê bê dîtin. (10.00)
* Komîsyona Şopandina Girtîgehan a Baroya Amedê dê rapora "Girtîgehan a 2017'an bi civîna çapemeniyê ji raya giştî re parve bike. (11.00)
* Parlamenterê HDP'ê yê Enqereyê Sirri Sureyya Onder û Hevserokên HDP'ê yên Enqereyê dê li navenda Giştî ya HDP'ê têkildarî kongreya giştî ya 11'ê Sibatê civina çapemeniyê pêk bîne. (11:00)
* HDK, dê operasyona li dijî endam û rêveberên xwe û HDP'ê, li avahiya xwe ya Kolana İstiklalê civîna çapemeniyê pêk bîne. (12.00)
* Înîsiyatifa Malbatên Girtiyan, dê têkildarî "cilên yek tîp" bi malbatên girtiyan re li avahiya DBP'ê ya Çinarê civînê pêk bîne. (13:00)
* Danişîna doza Şehrîban Dinç a ji aliyê hevserê xwe Esad Dinç ve hat kuştin, dê li 1'emîn Dadgeha Cezayên Giran a Wanê bê dîtin. (14.00)
* Danişîna doza Hevseroka Giştî ya HDP'ê ya berê Fîgen Yuksekdag ku li Girtîgeha Tîpa F a Kandırayê girtî ye, li 4'emin Dadgeha Asliye bê dîtin. (14.00)