ÎZMÎR - Şewata li navçeya Çeşmeyê di roja 2’yemîn de didome û ji ber şewata li Odemîşê jî 2 tax hatin tehliyekirin. 

 

Li navçeya Çeşmeyê ya Îzmîrê li qada çîlê şewat derket û şewat ev 2 roj in berdewam dike. Di danê sibehê de ji hewayî û bejahî ve mudaxile hate kirin. Şewata ku li devera zîraetê ya li Taxa Ildirê dest pê kir, ji ber bayê li qada daristanê belav bû. Ji ber şewatê, taxên Ildir û Germiyanê û taxa Nohutalanê ya navçeya Urlayê jî hatin tehliyekirin. Rêya di navbera Îzmîr-Çeşmeyê de ji ber ewlehiyê hate girtin û şewat nêzî otorêya Îzmîr-Çeşmeyê bû. 

 

2 TAX HATIN TEHLIYEKIRIN 

 

Duh di saetên şevê de li derdora Manastirê ya li Taxa Tosunlar a Odemîşê ji ber sedemeke nediyar şewat derket. Ji ber bayê, şewat di demekî kin de belav bû û gihişt Taxa Suçiktiyê. Taxên Tosunlar û Suçiktiyê ji bo tevdîrê hatin tehliyekirin. 

 

Waliyê Îzmîrê Suleyman Elban têkildarî şewatan daxuyanî da û got ku ji ber xetên ceyranê derketiye.