* Tenduristkaran bal kişand ser bazarkirina pergala tenduristiyê ya heyî û îşaret bi modela komunî ya li Bakur û Rojhilatê Sûriyeyê kirin û gotin: "Di demeke wiha de ku tiba kapîtalîst laşên me kontrol dike, komun wekî barîkatekê ye ku vê kontrolê bişikîne."

 

* Şanoya Gimgimê bi lîstika xwe ya "Civîna Dêûbavan" mijara asîmîlasyonê li dibistanan anî ser dikê.

 

* Hevberdevka Kongreya Demokratîk a Gelan (HDK) Meral Daniş Beştaşê diyar kir ku misogerkirina azadiya fizîkî ya Abdullah Ocalan mijareke girîng e ku dê rasterast bandorê li pêvajoyê bike û banga beşdarbûneke xurt ji bo mîtînga "Hêvî û Azadi"yê kir ku bi vê armancê dê li Amedê were lidarxistin.

 

* Hevşaredarek Şaredariya Qamîşloyê Suryanî û yek jî Kurd e. Hemû biryar li gorî komun û meclisan tên girtin. Her çend kapasîteya binesazî û avahîsaziyê ji bo pêkanîna pêdiviyên nifûsê têrê nake jî, avahiyeke rêxistinkirî heye ku birînên xwe derman kiriye û tevî ambargoya giran jî li ser pêyan e.