NAVENDA NÛÇEYAN – QSD’ê li Hesekê li dijî DAIŞ’ê operasyon da destpêkirin û di operasyonê de 39 çete hatin girtin.
Oprasyona lêgrînê ya ku Hêzên Sûriyeya Demokratîk (QSD), Hêzên Ewlekariya Hundirîn û Yekîneyên Parastina Jin (YPJ) li bajarê Hesekê û derdora wê li dijî şaneyên DAIŞ’ê dane destpêkirin, dewam dike.
Li gorî agahiyên ku Navenda Ragihandinê ya QSD’ê li ser hesabê xwe yê Telegeramê parve kiriye, di operasyonê de heta niha 39 çeteyên DAIŞ’ê hatine girtin û gelek çek û cebilxane hatin desteserkirin.