QAMIŞLO – Jinên Bakur û Rojhilatê Sûriyeyê bi dirûşmeya "Têkoşîna me azadî ye, berxwedana me serkeftin e" amadekariyên 8'ê Adarê Roja Jina ya Cîhanê dikin. Cîgira Koordînasyona Meclîsa Jina ya Sûriyeyê Hêwa Mehmûd, ji bo têkoşîna jina got: "Me nîşanî jina û cîhanê da ku awayekî cuda yê têkoşînê pêkan e."
Piştî şerê navxweyî yê Sûriyeyê gelên ku dan ser rêya sêyemîn û rêyeke nû afirandin ji bo cîhanê bûn mînak. Niha jî jinên Bakur û Rojhilatê Sûriyeyê yên dane ser vê rêyê amadekariyên 8'ê Adarê Roja Jina ya Cîhanê dikin. Saziyên leşkerî û siyasî yên jinan bernameyên xwe yên ji bo 8'ê Adarê team kirine û Meclîsa Jina ya Sûriyeyê ku di sala 2017'an de hat avakirin jî wê li Şam, Heleb, Dêra, Sûveyda, Lazkiye, Minbic, Reqa û gelek navendên din 8'ê Adarê pîroz bike.
Cîgira Koordînasyona Meclîsa Jina ya Sûriyeyê Hêwa Mehmûd, anî ziman ku armanca wan ew e ku li Sûriyeyê civakeke demokratîk, ehlaqî û ekolojîk ava bikin û ji bo roja jinan bang li tevahiya jinên Bakur û Rojhilatê Sûriyeyê kir ku tevî jinên cîhanê bitêkoşin.
Mehmûd, anî ziman ku dewleta Sûriyeyê li ser asasên demokratîk hatiye avakirin, lê belê di rastiyê de pergala demokratîk nehatiye şoxulandin. Mehmûd, diyar kir ku li Sûriyeyê bi pêkanînên antîdemokratîk re rû bi rû mane û got: "Mesela qanûn li gorî hiqûqa Şerî hatibûn çêkirin. Li Sûriyeyê bi dehan derdorên cuda hene. Tenê ereb najîn. Kurd, çerkez, ermenî, suryanî û durzî jî hene. Lê belê Sûriye wekî Komareke Ereban hat binavkirin. Jin jî perçeyeke vê civakê ye. Civak zehmetî kişandibin jin bêtir kişandine. Ev di qada siyasî, fikrî, çandî û civakiyî de wiha bû. Dibe ku di hin waran de bi awayekî qismî hin tişt adabin jina, lê belê ev jî ji ber ku bi kêrî wan dihat dikirin. Ew jî bisînor bû. Mesela li Sûriyeyê jin nikaribûn bibin serokê dewletê an jî nikaribûn bibin berpirsiyarî tiştekeî. Tenê mêr dikaribûn bikin. Û ev jî diviya li gor hiqûqa îslamî bûna. Li hin deverên cîhanê hin destkeftiyên jinan hebûn, lê belê pêkanînan wan destkeftiyan li Sûriyeyê ne pêkan bû."
ŞOREŞ Û JIYANA NÛ
Mehmûd, anî ziman ku lê belê niha li Sûriyeyê atmosfera şoreşeke ku pêşengiya wê Rojava dike berbelav dibe û ev yek li Bakur û Rojhilatê Sûriyeyê jî pêk tê. Mehmûd, destnîşan kir ku şoreş wekî şoreşa jinan dewam dike û di vê şorelê de jinan roleke girîng girtiye. Mehmûd, anî ziman ku di destpêka şoreşê de jin daketine kuçeyan û xwedî li şoreşê derketine û got, paşê ev rewş bajar bi bajar pêş ev ketiye.
Mehmûd, anî ziman ku şoreş gav bi gav pêş ketiye û got: "Jinên Bakur û Rojhilatê Sûriyeyê mil dane milê hev du û pêşî rêxistnbûyîna xwe pêk anîne. Dû re saziyên xwe ava kirin. Her wiha jina di warê leşkerî de jî rola xw elîstiye. Jin ji bo destkeftiyên xwe biparêzin çek hilgirtin. Di vî şerî de herî zêde berê xwe dan jina. Tiştên li Şengalê qewimîn û firotina jinên êzidî mînaka her berbiçav e. Jin li bazaran dihatin firotin. Ev hem ji bo me êşeke mezin bû hem jî kir ku em xurtir bibin. Me têkoşîna xwe mezintir kir. Pêşî li tevahiay Sûriyeyê û paşê me ragiahnd tevahiya cîhanê. Têkoşîna me bala cîhanê kişand."
CÎHANEKE CUDA PÊKAN E
Mehmûd, anî ziman ku beriya wan jî tevgerên jinan hebûne û têkoşiyaneû got, wan pêwendî bi hinan re daniye. Mehmûd, got: "Lê belê karaktera şoreşa li Sûriyeyê ku bi pêşengiya jinê pêk hat cuda ye. Û li tevahiay cîhanê deng daye. Jinên di bin banê Yekîneyên Parastina Jina (YPJ) modeleke bi vî rengî pêk anîn. Dibe ku li hin deverên cîhanê jin di nav pergala leşkerî de cih digirin, lê belê ya li vira tenê xwe spart têkoşîn ûr êxistinbûyîna jinê. Niha şerê diqewime bi vîna jinê diqewime. Li hemberî komên îslamî yên mêr şerekî mezin kirin. Jina azad bi vî awayî çê bû û hê jî çê dibe. Me ev yek nîşanî tevahiya jinê da. Bi vî hawî me nîşan da ku bi jinan têkoşîn û cîhaneke cuda pêkan e."
BANGAWAZÎ
Mehmûd ji bo 8'ê Adarê Roja Jina ya Cîhanê jî anî ziman ku 8'ê Adarê her sal ji bo wan xwedî wateyeke cuda ye û got, wê rêxistinên jina yên Sûriyeyê îsal bi dirûşmeya "Têkoşîna me azadî ye, berxwedana me serkeftin e" pîroz bikin. Mehmûd, got: "Tevgerên jinan wateyeke bi vî rengî li 8'ê Adara îsal bar kirin. Wê ji 1'ê Adarê heta 8'ê Adarê çalakiyên cuda bên lidarxistin. Em di sedsala 21'ê de ne. Di serdemeke wiha de kes mafê kesên hatien binpêkriin nade wan. Em ê bi têkoşînê bid est bixin. 8'ê Adarê ji bo me ev e. Em gazî hemû jinan dikin. Em piraniya wextê xwe di wateya 8'ê Adarê de derbas bikin."
MA / Nazim Daştan