NAVENDA NÛÇEYAN - Li Strasboûrgê bi deh hezaran Kurd û dostên kurdan kom bûn, tecrîd û 15'ê Sibatê şermezar kirnig û berxwedana çalakgerên greva birçîbûnê silav kirin. Leyla Guven ji Amedê peyam şand û diyar kir ku heta ew encam bistîin dê li ber xwe bidin û berxwedana wan dê bi ser bikeve. 

 

Bi deh hezaran Kurd û dostên kurdan, bi armanca 20'emîn salvegera 15’ê Sibatê Roja radestkirina Rêberê PKK'ê Abdullah Ocalan a Tirkiye şermezar bikin û berxwedêrên greva birçîbûnê yên bi armanca şikandina tecrîdê  di grevê de ne, ji gelek bajarên Ewropa ketin rê û li Strasboûrgê kom bûn. Kurdistanî û dostên wan ên li Ewropayê dijîn ji bo protestokirina 15’ê Sibatê û piştgirîdayîna grevên birçîbûnê yên bi pêşengiya Hevseroka KCD’ê û Parlamentera HDP’ê Leyla Guven, li bajarê Strasboûrgê ji bo meş û mîtîngê kom bûn. Serê sibê Kurdistanî û dostên wan ên li Elmanya, Swîsre, Belçîka, Ewûstûrya û gelek welatên din ên Ewropa dijîn bi otobus û wesayîtên taybet hatin Strasboûrgê. Bi hezaran kes bi wêneyên Ocalan û alayên PKK, KCK, YPG û YPJ’ê ber bi qada meş û mîtîngê ve meşiyan û li qada mîtingê kom bûn. Bi deh hezaran bê navber dirûşmeyên "Bijî Serok Apo" û "Leyla Guven rûmeta me ye" berz kirin.  Polisên Fransayê li qada ku girse kom bû tedbîrên giran ên ewlehiyê girtin û li rêya ku meş derbas dibe, rê bi wesayîtên leşkerî bal kişand ser xwe. Bi deh hezarên ku li qada Reu des Venneaûx kom bûn û tev li mîtinge bûn. Bi destpêkirina mîtîngê re bi deh hezaran kesan sloganên ‘Bijî Serok Apo’, ‘Azadî ji Ocalan re’ û ‘Leyla Guven rûmeta me ye’ berz kirin. Li ser dika mîtîngê pankatên bi nivîsên ‘Tecrîdê bişkînin, faşîzmê hilweşînin, Kurdistanê azad bikin’ pankartên ku bang li CPT û Konseya Ewropa dike ku li dijî tecrîdê bikeve tevgerê hatibûn bilindkirin.

 

 

Hevseroka KCDK-E’yê Fatoş Goksûngûr di destpêkirina mîtîngê de axivî û diyar kir ku gelê Kurd ji bo şikandina tecrîda li ser Rêberê PKK'ê Abdullah Ocalan di nav çalakiyan de ne. Goksûngûr bal kişand ser grevên birçîbûnê yên ku bi pêşengiya Leyla Guven hatiye destpêkirin û wiha axivî: “Gelê Kurd wê faşîzmê hilweşîne û tecrîdê bişkîne.”

 

KCK: DIVÊ BERXWEDAN LI HER DERÊ WERE BELAVKIRIN

 

Piştî axaftina Goksûngûr, Hevserokê KCK’ê Cemîl Bayik peyameke bi dîmen şand. Bayik di peyama xwe de diyar kir ku êdî tecrîda li ser Ocalan nayê qebûlkirin û çalakgerên greva birçîbûnê silav kir. Bayik got: “Berxwedana mezin a gelê Kurd wê tecrîdê bişkîne û ew ê Ocalan û Kurdistanê azad bike. Divê em li dora pêngava ‘Em tecrîdê bişkînin, faşîzmê hilweşînin û Kurdistanê azad bikin’ werin ba hev û têkoşînê li her derê belav bikin.’

 

‘EM Ê EFRÎNÊ AZAD BIKIN’

 

Di mîtîngê de li ser navê TEV-DEM’ê Aldar Xelîl jî bal kişand ser berxwedana çalakgerên greva birçîbûnê û got: “Rojava jî tê de, bi berxwedana gelê Kurd a li her dera cîhanê, wê tecrîda li ser Rêber Apo were şikandin. Divê gelê me baş bizane, ew ê Efrînê jî azad bikin. Em ê bi Rêbertiya Azad re, Kurdistana Azad ava bikin.”

 

GUVEN: AZIYA ME LI ÎMRALIYÊ TECRÎDKIRIYE 

 

Di mîtîngê de Hevseroka KCD’ê û Parlementera HDP’ê ya Colemêrgê Leyla Guven a 101 roj in di grevê de û Nasir Yagiz ê li Nûnertiya Hewlêrê 88 roj in di grevê de peyam şandin. Guvenê bi rêya dîmen peyam şand û wiha got: “Meşvanên Meşa Dirêj berxwedêrên li qadê hêz dane min. We tevan silav dikim. Berxwedana di serî de li çar parçeyên Kurdistan, li nava zindan û Strasboûrgê gihiştiye qonaxekî krîtîk û girîng. Ji bo vê erkekî mezin dikeve ser milê gelê me yên li Ewropayê dijîn. Hûn bûn sedemê ku dengê me li cîhanê belav bibin. Heta ku tecrîd bidome qet azadî pêk nayê. Azadiya me tevan li Îmralî di nava tecrîdê de ye. Di serî de jin, ciwan û hemû civaka Kurd dîsa gelên Tirkiye û Rojhilata Navîn bi yekpareyî bi Îmraliyê re di nava tecrîdê de ne. Em vê dibêjin, bi hêviya ku vê rast bibîin û encam bibe. Ev tecrîd, mifteya aştiyê ya li Rojhilata Navîn hatiye girtine. Em di demekî pir xeter re diborin, xwedî dozekî bi maf û rewan e. Şerê me şerê mirovahiyê ye. Şerê me şerê azadiyê ye. Mer berdêla vê da û hê jî didin. Dibe hinek ji me şehîd bibin, lê ya girîng ev çalakî bi encma bibe ye. Ev armanc jî nêz e, em pir nêzî serketinê bûne. Bang li her kesê dikim ku heta ev çalakî bigihêje encamê divê her kes li dorî çalakiyê bibe yek. Heta niha em bi berxwedanê serketin, ji niha û şûnde jî em ê bi berxwedanê ser bikevin. Em ê bi teqez bi ser bikevin.”

 

YAGIZ: GELÊ KURD DÎROKÊ JI NÛVE DINIVÎSIN

 

Nasır Yagiz jî di peyama xwe de ev tişt got: “Em tecrîda li ser Rêbertiya xwe qet napejirînin. Gelê Kurd bi vê berxwedanê ji nû ve xwe dinivîsîne. Gihiştina serketinê di destê gelê Kurd e ye. Ya girîng mezinkirina berxwedana û li her qadê belavkirine. Divê gelê me yên li Ewropayê dijî hê zêdeti xwedî li berxwedana Strasboûrgê derbikevin. Hêviya min heye ku bi berxwedanê Ewropa bê hejandin û neçarî bikin ku biçin deriyê Îmraliyê. Bila ev baş bê zanîn; Heta agahiyek ji Rêberê Gelê Kurd Abdullah Ocalan neyê girtin, bi wî re rast e rast hevdîtinek pêk neyê em dev jî berxwedanê berandin. Ji derveyî vê rêyeke din a aştiyê tine. Divê li hemberî vê berxwedana gel bêdengî nemîne. Heta ku ev tecrîda li ser Rêber Apo bi dawî bibe, divê em jiyanê rawestînin. Dme dema berxwedan, çalakî û serî rakirinê ye. Her kes li cihê lê rabe ser xwe. Enternasyonalîstên li Strasboûrgê silav dikim, dem êdî demê çalakiyê ye. “