* Parêzer Zafer Încîn, li Girtîgeha Tîpa R a Menemenê çû serdana girtiyên nexweş. Încîn, bilêv kir ku girtî nayên tedawîkirin û rêveberiya girtîgehê jî ji bo çareserkirina pirsgirêkan tu tiştî nake.
* Li navçeya Sûrê qedexeya derketina 6 taxên di dema qedexekirina derve ya li navçeyê de hatin rûxandin didome. Namzetên keyatiyê yên van taxan, bi rêya telefonê xwe digihînin hilbijêrên xwe yên li çar hawirdorê bajêr belav bûne. Keya Koçero Topdemîr ku 3 sal in mohra wî di bêrîka wî de ye, diyar kir ku ji ber tax tune ne, ew nikarin projeyên xwe bînin ziman.
* Li bajarê Qersê ku xwedî dîrokeke bi sedan sala ye, hema bêje beriya hemû bajaran dest bi xebatên hilbijartinê kiriye. Heta niha ji ber pêkanînên çewt ên rêveberiyên herêmî ji wê îhtişama xwe ya dîrokî dûr ketiye. Lê belê, ji bo hilbijartina 31'ê Adarê her çend partî ketibin pêşbaziyê jî, lê belê hemû nîşane HDP'ê îşaret dikin.
* Cahîde Yildirim, xwişka Yuksel Koç ku 59 roj in li Strasboûrgê di greva birçîbûnê de ye, got: "Ma wê ên di greva birçîbûnê de heta kengî li ber xwe bidin. Werin em dest bi bidin destê hevdu, dil bispêrin dilê hevdu û dakevin kuçeyan. Berî bi derengî bikeve, em tiştina bikin."
* Emrah Ûbîç, ku 50 roj in li Girtîgeha Tîpa F a Kirikkaleyê di greva birçîbûnê de ye got, divê gel li dor Rêberê PKK'ê Abdullah Ocalan bibe xelekeke xurt.
* Bijîşk Zekî Gul, çalakiyên greva birçîbûnê nirxandin û destnşan kir ku di pêvajoyên ku heyetên serbixwe hatin avakirin, encamên neyînî rû nedan. Gul got: "Heyetên serbixwe, divêtiyeke ku nayê taloqkirin."
* Li Dersimê, qeyûm pergala ronîkirinê çêkiribû. Tê diyarkirin ku ev pergal bi 10 milyon lîreyî çêkiriye. Lê bila niha yeko yeko hildiweşin. Endamê Meclîsa Şaredariya Dersimê ya DBP'î Seydalî Bûlût, got qeyûm budçeya 2019'an qedandiye û şaredarî heta qirikê di nav deynan de hiştiye.
* Tê gotin ji cenazeyê nêzî 500 kesên di 3 salên dawî de di pevçûnana de jiyana xwe ji dest dane û wan anîne Meletiyê, 200 jê li goristanên bêkesan hatine veşartin. Malbat jî li benda encamên DNA'yê ne ku cenazeyên xwe wergirin.
* Wê Partiya Saadetê (SP), li Dîlokê bi namzetê xwe têkeve hilbijartinê. Serokê SP'a Dîlokê Mehmet Îslam got: "Wê 31'ê Adarê, ji bo AKP'ê hilbijartina dawî be."
* Rêberê PKK'ê Abdullah Ocalan, di 15'ê Sibata 1999'an de bi destê hêzên navdewletî radestî Tirkiyeyê hat kirin. Parêzerê Ocalan, Mahmût Şakar 20 salên borî nirxandin û destnîşan kir ku Ocalan bi helwesta xwe û paradîgmaya xwe ya li Îmraliyê afirand bûye temînata aştiyê.
* Înîsyatîfa Nivîskarên Kurd bi daxuyaniyeke nivîskî bal kişand ser çalakiyên greva birçîbûnê û bang li rayedarên dewletê kir ku demildest daxwaza Leyla Guven û girtiyan bê peijarandin û tecrîd bê rakirin.
* Li Sûriyeyê, tenê deverek di destê DAIŞ'ê de maye û hindik maye ew der jî bê stendin. Ligel vê lêgerînên hêzên li Sûriyeyê jî didomin. Tê diyarkirin ku DYA û RÛsya ji bo veguhastina petrolê li hev kirine, lê belê li ber wan kêşeya Îran û Tirkiyeyê heye. Tê destnîşankirin ku wê di civîna sibê ya li Soçiyê ev yek bê nîqaşkirin.
* 3 birayên hev ji ber ji polîsên ew dan sekinandin xwestin nasnameya xwe ya polîstiyê nîşan bidin, hatin derbkirin û ceza li wan hat birîn.
* Danişîna 7'an a doza birayên Yildirim ku li Silopiyayê panzer ketibû mala wan û ew eciqandibûn, sibê ye. Bav Yildirim got: "Em dixwazin biryareke bi wijdan bê dayîn."
* Wezîrê Karên Navxweyî û Wezîrê Dadê yê Îzlandayê yê berê Ogmundur Jónasson ku ji bo hevdîtinê bi Rêberê PKK'ê Abdullah Ocalan re pêk bîne û tecrîdê li girtîgehan lêkolîn bike hat Tirkiyeyê, destnîşan kir ku li ser Ocalan hiqûqeke taybet heye û ev li dijî peymamên navdewletî ye.
* Rêxistina HDP'ê ya Şirnexê û Dîlokê, bi minasebeta 100'emîn Roja çalakiya Greva birçîbûnê ya Hevseroka KCD'ê Leyla Guven ku li dijî tecrîdê ketiye grevê dê ji Şirnexê bimeşin Amedê. (11.00-12.00)
* Namzeten HDP'e yên dersimê beriya ku dest bi xebatên hilbijartinê bikin dê Ana Fatma û Gola Çeto ziyaret bikin. (12.00)
* Şaxa ÎHD'ê ya Stenbolê dê rapora têkildarî êrîşa li dijî welatiyên Sûriye ya Esenyurtê li avahiya xwe bi raya giştî re parve bike. (12.30)