Derket holê ku Lijneya Înfaza ya Midûriyetea Saziya Înfaza Ceza ya Girtîgeha Tîpa F a Ewlehiya Bilind a Îmraliyê, ji bo ziyaretên malbatên Rêberê PKK'ê Abdullah Ocalan, Omer Hayri Konar, Veysi Aktaş û Hamilî Yildirim, ji 2'ê Çileya 2019'an heta 3 mehan hevdîtin qedexe kiriye. Lijneya Dîsîplînê, biryara 2'ê Çileya 2019'an a der barê Ocalan de di 31'ê Çileya 2019'an de û der barê girtiyên din de di 01'ê Sibata 2019'an de teqez kiriye. Parêzeran xwest dosyaya der barê biryarê de lêkolîn bikin û xwe bigînin naveroka dosyayê. Lê Hekîmtiya Înfazê ya Bûrsayê daxwaza parêzeran red kir. 

 

BUROYA HIQÛQÊ YA ASRÎNÊ DAXUYANÎ DA

 

Buroya Hiquqê ya Asrînê têkildari mijarê daxuyanî da û diyar kir ku biryara der barê muwekilê wan Ocalan, Konar, Aktaş û Yildirim de di 2'ê Çile de hatiye dayîn. Buroya Hiqûqê destnîşan kir ku Lijneya Disiplinê, bi vê biryarê 3 meh cezayê hevditina malbatan li muwekile wan birîne. Buroyê da zanîn ku biryara hatiye dayîn teblîgî parêzeran nehatiye kirin û wiha gotin. "Em wekî parêzerên muwekilan der barê biryarê de ji bo kar û barên hiqûqî me nivîs şand û xwest dosya û biryarê tebligi wan bike. Lê ev daxwaza me hat redkirin. Ji 27'ê Tîrmeha 2011'an heta niha mafê muwekilê me yê bi parêzerên xwe re hevdîtin bike hatiye asteng kirin. Piştî 5'ê Nîsana 2015'an û şûnde di 11'ê Îlona 2016 û 12'ê Çileya 2019'an de tenê du caran agahî jê hatiye girtin. Di 2 hevdîtinan de jî ji ber bertekên raya giştî ya civakî zêde bûn pêk hatiye. Der barê muwekilên me yên din ku neqlî girtîgeha Îmraliyê hatin kirin, ji Adara 2015'an heta niha tu agahî ji wan nayê girtin."  

 

'KEYFÎYET  KIRINE PÎVANA SEREKE' 

 

Buroyê, da zanin ku bi vî cezayî tecrîd bêtir kûr kirine û wiha cih da daxuyaniyê: "Der barê van biryaran de me serlêdan kir. Lê serlêdan û daxwazên me li dijî hiqûqê hatin redkirin. Ev nîşan dide ku pêkanînên li Îmraliyê û pergala tecrîdê li dijî hiqûqê ye. Ev nîşan dide ku pêkanînek keyfî ye. Carek din hat dîtin ku keyfîyet bûye pîvana sereke. Der barê îmrali û muwekilê me de tu pîvanên hiqûqî nayên naskirin. Mafê herî bingehîn ên hevdîtina malbatê jî hatiye asteng kirin. Hemû mafên wî yên ragihandin, agahdarkirinê û jiyanî tev li dijî hiqûqê tên asteng kirin. Tenê bi hevdîtina ji 2 salan carekê têr dibin. Wekî di 12'ê Çileya 2019'an de jî hat dîtin bi hevditinek pir kurt qayil bûne û mafê hevdîtina malbat û parêzeran asteng kirine. Ev biryar li dijî hiqûq û wîjdan e û nayê qebûl kirin. Em van pêkanînên tecrîda mutlaq a li dijî Birêz Ocalan  qebûl nakin. Em dê pêvajoya hiqûqa navxweşî û navneteweyî heta dawî bişopînin. Em ji rayedarên hiqûqê dixwazin ku li hemberî vê pêvajoyê bêdeng nemînin û cemaweriyê agahdar dikin." 

 

MA / Yasîn Kobulan