ÎZMÎR – Platforma Şaxa KESK’ê ya Îzmîrê, xwest ku hemû rêveberên partiyan û sendîkayan ên duh li Enqerê hatin binçavkirin, dimildest bên berdan.
Platforma Şaxa Konfederasyona Sendîkaya Kedarên Çemawerî a (KESK), derbarê rêveberên partiyan û sendîkayan ên duh li navenda Enqerê hatin binçavkirin de civîna çepemeniyê li dar xist. Civîn li avahiya Şaxa Hejmara 1 a Egîtim Senê pêk hat. Rêveberên Partiya Demokratîk a Gelan (HDP) û gelek endamên civaka sîvîl beşdarî civînê bûn. Seroka Şaxa Hejmara 5’an a Egîtim Senê Şenay Akyol li ser navê sendîkayan daxuyanî da.
Akyol, diyar kir ku bêhiqûqiya pêkanînên OHAL’ê berdewam dike û wiha axivî: “Em her serê sibê bi binçavkirin, girtin û êrîşên cur be cur re şiyar dibin. Adresa hemû kesên hatin binçavkirin diyarin. Dikarîbûn bangî wan bikin. Lê ligel vê jî bi ser malên wan de digirin. Daxwaz aştiyê weke sûc dîtin teqez nayê qebûl kirin. Her ku diçe hiqûq, maf û azadiya bingehîn ên mirovan û edalet tên binpêkirin. Em binçavkirina hevalên xwe şermezar dikin. Divê dimildest rêveber û hevalên me bên berdan.”