AMED – Meclisa Jinan a HDP’ê û parlamenterên jin ên HDP'ê xwestin li ber Girtîgeha Tîpa E ya Amedê daxuyaniyê bidin û piştgiriyê bidin Hevseroka KCD'ê Leyla Guven. Lê polîsan, daxuyaniya jinan asteng kir û endamen çapemeniyê asteng kirin.
Hevseroka Kongreya Civaka Demokratîk (KCD) û Parlementera HDP'ê ya Colemêrgê Leyla Guven, ji bo dawî li tecrîdkirina Rêberê PKK'ê Abdullah Ocalan bê di 7'ê Mijdarê de li Girtîgeha Tîpa E ya Amedê dest bi greva birçîbûnê kiriye û çalakiya xwe berdewam dike. Parlamenterên jin yên HDP'ê û endamên Meclîsa Jinan a HDP'ê ku di navde Parlamentera HDP'ê ya Sêrtê Meral Daniş Beştaş, Parlamentera HDP'ê ya Agiriyê Dîlan Dîrayet Taşdemîr, Parlamentera HDP'ê ya Mêrdînê Pero Dundar, Parlamentera HDP'ê ya Êlihê Ayşe Acar Başaran, Parlamentera HDP'ê ya Rihayê Ayşe Surucu, Parlamentera HDP'e ya Amedê Saliha Aydenîz, Parlamentera HDP'ê ya Edeneyê Tulay Hatimogullari, Parlamentera Şirnexê Nûran Îmîr, Parlamentera HDP'ê Semra Guzel, Parlamentera HDP'ê Zuleyha Gulum, Dilşat Cambaz, Şevîn Coşkun, Zubeyde Zumrut, Sevtap Akdag Karahali Hevseroka HDP'ê ya Amedê Filiz Buluttekin, jî heye ji bo piştgiriyê bidin Hevseroka Kongreya Civaka Demokratîk a KCD'ê Leyla Guven ji avahiya HDP'ê ya Amedê meşiyan girtîgeha Tîpa E ya Amedê ku Leyla Guven lê girtî ye. Endamên Meclisa Jinan û Parlanenterên Jin ên HDP'ê xwestin li ber Girtîgeha Tîpa E ya Amedê daxuyaniyê bidin çapemeniyê.
ÇAPEMENÎ ASTENG KIR
Polisan endamên çapemeniyê yên parlamenterên jin ên HDP’ê ji avahiya HDP'ê heta girtîgehê şopandin asteng kir û destûr neda ku çalakiye bişopînin. Her çend rojnamegeran xwest çalakiye bikişînin jî polîs ketin navbera endamen çapemeniyê û wekîlan û bendek ava kirin.
Piştî polîsan destûr nedan ku rojnameger çalakiyê bişopînin wekilên HDP'ê bi telefonên xwe dîmen û wêne kişandin û çalakiya xwe bi endamên çapemeniyê re parvekirin. Berdevka Meclîsa Jinan a HDP'ê û Parlamentera HDP'ê ya Agiriyê Dilan Dirayet Taşdemîr daxuyanî da. Parlamentera HDP'ê ya Amedê Saliha Aydeniz jî daxuyani bi telefonê kişandin. Taşdemîr, helwesta polîsan a astenkirinê şermezar kir û got: "Hûn li dijî hiqûqê mudaxale dikin. Em dê vê helwesta weyî li dijî hiqûqê bi têkoşîna xwe bistînin. Em koma Jinan a HDP'ê, ji bo çalakiya Hevseroka KCD'ê û wekîla me ya Colemêrgê Leyla Guven ku li dijî tecrîdê li vir girtîgehê dest bi çalakiyê kiriye slav bikin û piştgiriya xwe bînin ziman li vir in. Em wekilên HDP'e piştgiriyê didin çalakiya ku wekîla me Leyla daye destpêkirin û silav dikin.
Piştî ku polîsan Wekîla HDP'ê Saliha Aydenîz a bi telefonê dîmenê çalakiyê dikişandin jî asteng kir, Parlamenterên HDP'ê Ayşe Acar Başaran û Meral Danış Beştaş vê carê bi telefonên xwe daxuyanî kişandin. Taşdemir, disa daxuyanî berdewam kir û got: "Tecrîda tê kurkirin sûcê li diji mafên mirovan e. EM îro li dijî îktîdara li dijî hiqûqê ne. Tecrîd li dijî azadi û demokrasiyê ye. Bi hewldana Birêz Ocalan pêvajoya çareseriyê hat destpêkirin. Ji ber vê yekê misyon û rola Birêz Ocalan gelek giring e.
Hêj wekîlan daxuyani dida polîsan bê navber hişyarî kirin û diyar kirin ku dê mudaxale bikin. Piştî wekîlên HDP'ê daxuyani dan dîsa meşiyan avahiya HDP'e ya Amedê. Polîsan di vegerê de jî dîsa endamên çapemeniyê asteng kirin. "