QERS - Li Qersê parlamentera HDP'ê ya berê Şafak Ozanli jî di navde 4 siyasetmedarên kurd ên 11 roj berê hatibûn binçavkirin hatin girtin.
Li Qersê di 26'ê Cotmehê de ji 5 siyasetmedarên hatin binçavkirin jê 4 siyasetmedar hatin girtin. Li Qersê, di serdegirtina malan a 26’ê Cotmehê de 5 siyasetmedar hatibûn binçakirin. Piştî binçavkirina 11 rojan, Parlamentera berê ya HDP’ê Şafak Ozanli, Hevserokê Partiya Herêmên Demokratîk (DBP) a Qersê Cengîz Anli, Hevserokê Partiya Demokratîk a Gelan (HDP) a Qersê Ekem Savci, Hevserokê berê yê HDP’a Qersê Cengîz Topbaşli û şêwirmendê Serokwekîlê Koma HDP’ê Ayhan Bîlgen Hayatî Mehmetoglu piştî lêpirsîna li Midûriyet Polîsan a Qersê sewqî dadgehê kirin. Piştî dozgeriyê îfadeya 5 siyasetmedaran girt bi îdiaya 'Endamtiya rêxistinê" sewqi dadgehê kir. Heyetê Hayati Mehmetoglu bi şertê kontrola edlî serbest berda û wekîla HDP'e ya berê Ozanli jî di navde 4 siyasetmedarên kurd girt û şandin Girtîgeha Qersê.