STENBOL - 3'emîn balafirgeha Stenbolê ku bi sedan karkerên înşaetê di cînayetên kar de can dan, 2 milyon dar hatin birîn, zêdeyî 30 karker hatin girtin û 600 karker hatin binçavkirin, dê îro bi merasimekê vekin. Prof. Dr. Beyza Ustun, diyar kir ku karker tên qetilkirin, lê hikûmet şovê dike. Ji Înşaat Îşê Kadir Kurt jî got: "Dê Cejna Komarê li ser goristana bêkesan pîrz bikin." 

 

Îktîdara AKP’ê, di 16 salên xwe yên îktîdarê de bi sedan proje pêş xistin. AKP'ê bi van projeyan di qada civakî, çandî û ekolojik de hilweşîn, talankirin û wêrankirinên mezin pêk anîn. Yek ji van projeyên herî mezin ku rê li peş talankirin û wêrankirinê vekiriye Balafirgeha 3'emîn a Stenbolê ye. Serokomar Tayyip Erdogan bi devê xwe beriya hilbijartina 24'ê heziranê got 'Me li bajarê Stenbolê îxanet kir, em hêj îxanetê dikin' û rastiya xwe îtîraf kir. Niha bi 3’emîn balafirgeha Stenbolê, bajar bê nefes dihêlin. Ji bo projeya balairgehê bi milyonan darên daristana Bakurê Stenbolê talan kirin. Li qada 76,5 milyon metrekare dar tev jê kirin. Dîsa li gorî daneyan di înşaeta balafirgehê de nêzî 400 karker di cînayetên kar de jiyana xwe ji dest dan. Karkerên ku li dijî şert û binpêkirina mafên jiyanê çalakî pêk anîn 600 ji wan hatin binçavkirin û zêdeyî 30 karkerî hatin girtin. 

 

SALEK DERENG XISTIN MERIYETÊ 

 

Îktîdara AKP'ê bi tevlêbûna Recep Tayyip Erdogan di 7'ê Hezîrana 2014’an de bingehê balafirgê avêt. Erdogan beriya merasimê salek berê di Berxwedana Gezî re Projeya Balafirgehê kir rojev. Erdogan diyar kir ku dê di 29'ê Cotmeha 2017’an de vekirina balafirgehê pêk bînin û têxin xizmetê. Lê salek şûnde balafirgehê vedike. Pişti projeya balafirgehê xistin meriyetê, hem hevsengiya ekolojîk xerakirin û hem jî qada balafirgehê kirin goristana karkeran. Li gorî daneya Meclîsa Tenduristiya Karkeran û Ewlehiya Kar (İSİG), heta niha 38 karkeran jiyana xwe ji dest dan. Lê li aliyê din tê gotin ku li qada balafirgehê 400 karkeran jiyana xwe ji dest dane. 

 

‘37 KARKER HATIN GIRTIN'

 

Karkerên li dijî şert û mercên kar di 14'ê Îlonê de dengê xwe bilind kirin rastî mudaxaleya polîs û cendirmeyan hatin. Di buyerê de 600 karker hatin binçavkirin û ji wan 37 karker hatin girtin. Di nava karkerên ku daxwazên xwe anîn ziman û hatin girtin de Serokê GişTî yê Dev Yapı-İşê Ozgur Karabulut ji heye. 2 roj berîya vekirina balafirgehê 100 karker ji har hatin avêtin. Di 22'ê cotmehê de 100 karkerên ku meaşê xwe nestendin, dest ji kar berdan û çalakî pêk anîn. Rayedarên Firmaya ÎGA'ê diyar kirin ku dê di 27'ê Cotmehê de meşaê wan razînin. Lê li şûna meaşê wan razînin dawî li karê wan anîn. 2 roj beriya vekirinê 100 karker ji kar avêtin. 

 

ŞOV DIKIN 

 

Serokê Giştî yê Sendikaya Karkerên Înşaet û Avahiyan (İYİ-SEN) Alî Oztutan, diyar kir ku soz dan karkeran ku roja îne meaşên wan bidin wan û wiha got: "Lê soza xwe pêk neanin. Meaşê 3 mehan ên hevalên me nedan wan. Heqê karkeran xwarin. Ne tenê fîrmayekê, hemû fîrmayên din jî bi heman rengî mafê karkeran xwarin. Niha hêj heqê hevalên me yên karker nedane wan. Li vir bi sedan karkeran jiyana xwe ji dest dan. Bi sedan mirov heqê wan hat xwarin. Hêj balafirgeh ne qeiya ye merasima vekirine dikin. Ev talûkeyek din bi xwe re tîne. Li vir şovê dikin. Bi vê vekirinê şovê diin." 

 

EV KOMKUJÎ YE

 

Endama Platforma  Piştevaniya Karkerên Balafirgeha 3'emîn Prof. Beyza Ustun jî der barê vekirina balafirgehê de wiha got: "Ev komkujî ye. Karkeran di 14'ê ÎLonê de ji bo mafê xwe çalakî pêk anîn. Ji ber van kuştinan bi hezaran karker ketin grevê. Bi sedan karker hatin binçavkirin. Di navde rêveber û serokên sendîka jî heye 37 karker hatin girtin. Hêj karkeran 3-4-5 meh heqê xwe negirtine. Hekê karkeran hatiye xwarin. Karker di nava herî û cihê qirê jde radizên. Karkerên ev şert îtîraz kirin di 14'ê Îlonê de hatin cezakirin. Piştî îsyana karkeran 3 karker li balafirgehê bûn qurbana cînayeta kar. Li vir mirov tên qetilkirin, lê îktidara AKP'ê û rêveberiya wê li ser van kuştiyan şove dike. 

Li vir faşizm û komkujî berdewam dike. Li vir ya pêş dikeve ne karker û gel in. Ya winda dibe zindiyên li wir in. Zindiyên li wir tune dibin." 

 

KIRIN GORISTANA BÊKESAN 

 

Sekreterê Rêxistina Sendîkaya Karkerên Înşaetê (İnşaat İş) Kadir Kurt jî diyar kir ku ev merasima vekirinê dê rûreşiya dirokîy a Komara Tirkiye be û wiha got: "Her sal di 29'ê Cotmehê de Cejna Komarê pîroz dikin. Ji bo rojîma Komarê dibêjin kesên bêkesan. Lê li vir ne wisa ye. Niha jî li ser goristana bêkesan pîrozbahiyê dikin. Balafirgeh bûye goristana bêkesan û li vir bi vekirinê pîrozbahiyê dikin. Li Tirkiye li ser vê axê mirovê herî bê xwedî karkerê înşaetê ne. Niha wan naxin wê qadê û li ser keda wan vê pirozbahiyê dikin. Ev şerma herî mezin e."  

 

MA / Sadiye Eser