* Parêzer Tugay Bek têkildarî cînayeta rojnameger Kadrî Bagdu dîmen û nivîsên endamê DAIŞ’ê Servet Koç du sal erê radestî dozger kiribû. Bek anî ziman ku ev du sal e tu pêşketin di dosyeyê de çênebûye û got: “Delîl pirr in lê bersûc tune ne.”
* Kurê belavkarê rojnameyê Kadrî Bagdu, Ferhat Bagdu got Servet Koç ê DAIŞ’î têkildarî kuştina bavê wî ev tişt gotiye: “Ji bo bavê te rojnameya kurd belav dike me wî kuşt. Ew dibêjin ‘me kiriye’ lê hêj wan nagirin.”
* Keyayên li Qelqeliyê ji peywîrê hatin girtin bi bîr xistin ew hatine hilbijartin û sedemên ji peywîr girtina xwe hesabên siyasî nîşan dan. Keya Omer Ayaz got: “Li gundên qeyûm tayînî wan hatin kirin di astek bilind de deng ji HDP’ê re derdikevin.”
* Wênegir Alî Osman Abali bi belgefîlmek ku tengezariyên hunermendên kolanan vedibêje li ser mijarê rawestiya û zoriya hunera kolanan a li Tirkiyeyê bi awayek kêf vegot.
* Prof. Dr. Taner Tîmur diyar kir ku zanîngeh ji demên xwe yên herî trajîk dijî û got: “Dixwazin zanîngehan bikin fikirindina yek tîpî.”
* Hevserokê SYKP’ê Cavît Ugur têkildarî hilbijartina herêmî got: “Ji bo qewirandina rejîma otorîter hilbijartina herêmî kozikek girîng e.”
* Umut Çamlibel bi hêceta “Endamê rêxistinê ye” 12 sal ceza lê hatibû birîn. Çamlibel ê di girtîgehê de hukmê wî hatibû înfazkirin, ji ber di nava pirtûkê de nîşe derket bi heman hêcetê 6 sal û 3 meh cezayê din ê hepsê danê.
* Nivîskar-akademîsyen Sabir Ebdulahîzad ji ber zextên dewleta Îranê neçar ma koçî Wanê bikê. Ebdulahîzade bi 4 zimanan “Ferhenga Têgehên Hiqûqa Navnetewî” amade kir.
* Di 6’emîn salvegera koçkirina helbestvan Arjen Arî de, helbestvan Berken Bereh behsa helbesta hevrêyê xwe Arjen Arî kir û got: “Di helbesta kurdî de bê guman stûneke qahîm û epîgrafeke çeleng e. Ew, li tu kirasan nayê, xweser û resen e. Arjen Arî, xwebexşek yê xak û zimanê kurdî bû.”
* HDP, DBP, OSP, KDP-T, KDP-B, PSK, PAK, Tevgera Azadî û Partiya Azadî û Mirov dê bi şîara "Îro zimanê me dayikê sibê neteweya me" li Cemiyeta Rojnamegerên Başurrojhilat daxuyaniya hevpar bidin. (11.00)
* Bi beşdariya Hevserokê Giştî yê HDP'ê dê li navenda Şirnex û navçeya Cizîrê civînên gel bên lidarxistin. (11.00 -14.00)
* Platforma Ked û Demokrasiyê ya Amedê dê bi boneya salvegera KHK'ya hejmara 675'an a di 29'ê Cotmeha 2016'an de hat weşandin li ber Plaza AZC'ê ya li Semta Ofîsê daxuyaniya çapemeniyê pêk bîne. (12.30)
* Şaxa ÎHD'ê ya Enqereyê dê rapora binpêkirina mafan a Herêma Anatoliya Navîn li avahiya komeleya xwe bi civîna çapemeniyê aşkere bike. (13.00)
* HDP, DBP, OSP, KDP-T, KDP-B, PSK, PAK, Tevgera Azadî û Partiya Azadî û Mirov dê bi şîariya "Îro zimanê me yê zikmakî sibê neteweya me" li avahiya Cemîyeta Rojnamegeran a Guneydogu daxuyaniya hevpar bidin. (11.00)