RIHA - Li navçeya Pirsûsê ya Rihayê piştî qeyûm tayînî şaredariyê hat kirin, ewil li ser tabeleyan navê park û baxçeyan guhert. Hevşaredarê Pirsûsê Halîl Akbaş, diyar kir ku qeyûm navê Navenda Çandê ya Amara ku 33 ciwan lê hatin qetilkirin, Parka Arîn Mirxan, Parka Kader Ortakaya û Rojava guhert û wiha got: "Qeyûm dikare navê parkan jê bibe, lê nikare hafiza û hişê gel jê bibe.
Wezîrê Karên Hundir di 11'ê Îlona 2016'an de li Navçeya Pirsûs a Rihayê qeyûm tayînî şûna Hevşaredarên Pirsûsê yên Partiya Heremên Demokratîk (DBP) kirin. Piştî Cîgirê Waliyê Rihayê Tarik Açikgoz wekî qeqûm hat tayînkirin ewil navê park, baxrçe û navendên çandê guhert. Qeyûm navê Navenda Çandê ya Amara ku 33 ciwan lê hatin qetilkirin, Parka Arîn Mirxan, Parka Kader Ortakaya û Rojava jê bir û guhert. Hevşaredarê Pirsûsê yê DBP'î Halîl Akbaş, bertek nîşanî helwesta Qeyûm da û got: "Qeyûm dikare navê parkan jê bibe, lê nikare hafiza û hişê gel jê bibe.
GEL NAVÊ BERÊ BI LÊV DIKE
Akbaş, anî ziman ku tayînkirina qeyûman serdemek dîrokî ye û ev darbeya dirokî nayê ji bîr kirin. Akbaş, anî ziman ku navê ku gel bi xwe li park, baxçe û cîwaran kiriye her tim wan navan bi lêv dikin û her çend qeyûm nav jê biribin jî dîsa navê berê tînin ziman. Akbaş, diyar kir ku di 6'ê mijdara 2015'an de di serdema Berxwedana Kobanê de piştî Kader Ortakaya li ser sînorê Pirsus û Kobanê ji aliyê leşkeran ve hat kuştin navê wê li parkekê kirin. Dîsa Dema Arîn Mirkan li dijî DAÎŞ'e yên êrîşî Kobanê kir li ser xwe bombe teqand, navê Arin Mirkan li Parkekê kirin. Disa navê Parka ku gelê Rojava lê dima kirin Parka Rojava. Piştre şaredariyê navê van parkan fermî kir. Piştî qeyûm hat navê van parkan guhert. Lê gel dîsa navê van parkan wekî yên berê dizane. Qeyûm navê Navenda Çandê ya Amara ku 33 ciwan li pêş wê di erîşa DAIŞ'ê de hatin qetilkirin guhert û niha navê Bernameya Piştgiriya Civakî (SODES) li ser nivîsandiye. Hem navê Navenda Amara guhertin, hem jî destûr nadin malbat li ber vê navendê zarokên xwe bibîr bînin. Li vir 33 ciwan hatin qetilkirin. Li baxçeyê wê navendê bîraninek heye. Lê qeyûm destûr nade li vir zarokên xwe bibîr bînin.
GEL DIZANE DÊ LI GEL KÊ BIMEŞE
Akbaş, da zanîn ku di serdema DBP'ê de deriyê şaredariyê ji gel re vekirî bûn û şaredari di xizmeta gel de bû û wiha got: "Piştî qeyûm tayînî şaredrayê hat kirin, deriyê şaredariyê ji gel re hat girtin. Dora şaredariyê bi bariyerên betonan hatiye pêçan û kirine wekî qereqolê. Em têkoşîna aştî û demokrasiyê didin. Van parkan bi gel wateya xwe dît. Lê niha qeyûn navê van park û kolanan guhert. Çiqas navê wan jê bibe û biguhere dîsa navê wan ji hiş û hafizaya gel naçe. Gel dizane dê li gel kê bimeşe."