Hevserokê HDP'a Stenbolê Cengîz Çîçek ku berî 1'ê Gulanê Cejna Karkeran hat girtin û du mehan di Girtîgeha Sîlîvriyê de ma, bal kişand ser binpêkirinên mafan ên li girtîgehê. 

 

‘HDP'Ê WEKÎ DIJMIN DIBÎNIN' 

 

Çîçek bal kişand dema hatin girtin û nêzîkatiya Amîrê Emniyeta Navçeya Gungorenê û got: "Em bi hinceta 'xerakirina yekpariyay welat, avakirina rêxistinê û birêvebirina wê, pesinandina sûc û sûcdar û propagandaya rêxistinê' bû. Dema em van hincetan hemûyan bînin gel hev, her hal divê mirov cezayê muebeta giran bixwe. Li gorî nêzîkatiya emniyetê û hêzên dewletê li avahiya navçeya partiya xwe çêkirina civînê û mirovên ku amadekariyên hilbijartinê dikin, bi alternatîfeke ku divê muebeta giran li wan bê birîn rû bi rû dimînin." 

 

'EM JI BO HILBIJARTINÊ HATIN GIRTIN' 

 

Çîçek got: "A rastî em ji aliyê feraseteke ku wekî dijminan nêz dibe hatin girtin. Hem di dema binçavkirinê hem jî di dema lêpirsînê de em bi komployeke siyasî re rû bi rû man. Di warê hiqûqî de jî li vê dosyeyê bê nerîn divê ev dosya bi beraatê bi dawî bibûna. Lê mixabin hat gotin ku em ji ber propagandayê hatine girtin. Lê dema hûn di hiqûqê de li unsûra propagandayê jî dinihêrin, unsûrên propagandayê jî tune ne. Em di rewşeke ku tu unsûrên sûcî têde une ne, em 10 heval tam 2 mehan wekî dîlgirtiyên hilbijartinê hatin hatin girtin." 

 

‘MAFÊ ME YÊ SIYASETÊ HAT XESPKIRIN' 

 

Çîçek, destnîşan kir ku kesên tev li wî hatine girtin ji ber xebatên hilbijartinê hatine girtin û mafên wan ê siyasetê hatiye xespkirin. Çîçek, anî ziman ku bi vê yekê re bi milyonan kesên ku deng didin HDP'ê hatine mexdûrkirin û got: "Kesên ku me bi her awayî bi 'terorê' etîket dikin, bi dîlgirtina me re careke din li xwe mikurhatin ku li vî welatî ev îcraatên dewleta ku jêdera terorîzmê pêktîne. Em nikarin ji nêzîkatiyeke ku edaletê, wekheviyê û rûmetê bin pê dike li benda hêviyê bin. Di şexsê me de jî careke din derket holê ku li Tirkiyeyê jêdera terorîzmê, xespkirina mafan û derhiqûqiyan ev avanî ne. Divê ev yek wisa bê nirxandin." 

 

‘NEFRET DIKIN' 

 

Çîçek, anî ziman ku li têketina girtîgehê bi lêgerîna tazî re rû bi rû mane û got: "A rast ev rewş jî nîşan dide ku em çi qasî di nav rewşeke kêfî, derî dewletê, derî hiqûqê û derî jiyanê de ne. Ev yek di heman demê de derûniya nebaweriyê li welatiyan peyda dike. Dema hûn diçin saziyeke ku qanûnên dewletê lê derbasdar in, ev tişt bi awayekî zelal dixuyê; a rastî hûn pê nebawer in. Me di dema binçavkirinê û girtîgehê de ev yek bi awayekî aşkere dît. Bi qasî ku mafê jiyanê nedin we nefret dikin." 

 

‘NÊZÎKATIYA POLÎTÎKAYÊN DIJMINAHIYÊ NE' 

 

Çîçek got: "Dema gardiyan deriyê odeya ku em ê lê bimînin vekir, li hewadariyê min 36 heval dîtin. Evqas kesên ku di siyaseta demokratîk de israr kirine û tekane sûcê wan muxaliftî ye, di cihekî ku wekî kampên Naziyan de ne. Ev dîmen zêde tesîrê li mirov dike û hûn dibêjin belê çîrok ev e. Ne hewceyê gotina zêde û pirtûknivîsandinê ye. Ew wêne di asasê xwe de wêneyê polîtîkayên dijminahiyê yên dewletê ne. Em bi van hestan ketin girtîgehê." 

 

Çîçek diyar kir ku ew 38 kes di odeyeke ku kapasîteya wê 7 kes in de diman û got: "Dema Girtîgeha Sîlîvriyê tê çêkirin li her 7 odeyên wê herkê ranzayek tê bicihkirin û hesab ew e ku dê 7 kes lê bimînin, lê em 38 kes diman." 

 

REWŞA GIRTIYÊN NEXWEŞ 

 

Çîçek bal kişand ser rewşa girtiyên nexweş ên di heman qawîşê de diman û got: "Omer Ozkanê 64 salî ko nexweşîna KOAH'ê lê peyda bûbû hebû. Di qawîşa yek kesî de 6-7 kes diman. Li cihê ku mirovên siheta wan baş nikarin lê bimînin, girtiyên nexweş dimînin. Mehmet Akinê 74 salî ev çend meh e girtiye. 74 salî ye û gelek nexweşînên wî hene. Carinan nikaribû bimeşe û rûnê, lê di cihekî ku 38 kes lê diman dima. Çavê wî baş nabîne û nexweş e Ji bo îdamekirina jiyana wî, girtî aliyê wî dikin. Dibe ku nêrînên siyasî cuda bin, lê dema mirov li paydariya hevpar a mirovan difikire, li hemberî vê rewşê şerm dike. "Tekane mekanên ku nîşan dide ka îktîdar çi qasî ji xwezaya civakê dûr ketiye girtîgeh in."