BÛRSA - HDP li Bûrsayê bi îdîaye ku parlamenterî-ê bibe meclîsê. Ji nihade ji bo mîtînga 17'ê hezîranê dike. Namzetê HDP'ê yê Bûrsayê Cahît Kirkazak, diyar kir ku eleqeyek mezin li hemberî partiya wan heye û êdî ne surprize ku HDP li Bûrsayê wekîlekî-ê nebe meclîsê.
HDP wekî gelek bajarên Rojavayên Tirkiyeyê li Bûrsayê jî bi îdîaye ku di hilbijartina 24'ê Hezîranê de dengekî zêde bistîne û gelek parlamenteran bibe meclîsê. Xebatên HDP’ê li Bûrsayê jî bi şev û roj tax bi tax mal bi mal berdewam dikin. HDP li Bursa jî rastî eleqeyek mezin tê. Li bajarê ku nifûsa wê 2 milyon e, di hilbijartina 7'ê Hezîranê de AKP'ê 9, CHP 5, MHP 3, HDP'ê wekîlek derxistibû. Lê piştî hilbijartina 7'ê hezîranê hat xerakirin, HDP'ê di hilbijartina 1'ê Mijdarê de wekîlê heyî winda kir û AKP 11, CHP 5, MHP 2 wekîl derxist. Bûrsa ku 18 wekîl şandibû meclîsê, piştî hêjmara meclîsê derxistin 600 wekîlan YSK'ê hêjmara wekîlên Bûrsa jî derxist 20 wekîlan. Rêxistina HDP'ê li vir bi biryare rêjeya 7'ê Hezîranê derbas bike û teqez herî kêm 1 wekîlê-î bişîne meclîsê. HDP ji niha de amadekariya mîtînga mezin ku di 17'ê Heziranê de pêk bîne dike. HDP dê di 17'ê Hezîranê de saet di 17.00’an deli Parka Merinosê mîtîna mezin pêk bîne.
Namzetê HDP’ê yê Bursayê Cahit Kirkazak, bal kişand ser rewşa Bûrsa û xebatên xwe û wiha got: "Xebatên me bi şev û roj berdewam in. Em li tax û kolanan rastî eleqeyek mezin tên. Beriya ku biryara hilbiijartinê bê stendin xebatên me dest pê kiribû. Piştî îtîefaqa AKP-MHP'ê operasyonên li dijî partiya me zêde bûn. Ji ber ku gelek rêveberên me hatin girtin di 3 salên dawî de piranî dema me li edliya Bûrsayê derbas dibûn. Dîsa ji ber girtin û binçavkirinan me gelek caran malbat ziyaret dikirin. Lê piştî biryara hilbijartinê xebatên me bêtir bi rêk û pêk bûn. Em îtîfaqa AKP-MHP'ê vedibêjin. Di çarçoveya xebatên me de hevalên me li navçeyên Înegol, Karacabey, Mudanya û Osmangazî li qadên navçeyan rastî êrîşan hatin. Êrîşî buroyên me yên hilbijartinê kirin û camê me şikandin. Lê van êrîşan kelecana me naşikîne. Em bi armanc û kelecana ku aştiya civakî li Tirkiye pêş bixin dixebitin."
HILBIJÊR HDP'Ê JI BO XWE HÊVÎ DIBÎNİN
Kirkazak, anî ziman ku di xebatan de rastî eleqeyek mezin tên û wiha bi dawî kir: "Bi taybetî jin, ciwan karker û esnaf HDP’ê ji bo xwe wekî hevî dibînin. Hilbijêr bawer dikin ku îtîfaqa AKP-MHP'ê tenê dikare bi serkeftina kurdan û HDP’ê têk biçe. Bi taybetî jin, ciwan û kedkar ji îtîfaha qeyî bi gilî û gazin cin. Ji ber ciwan betal in bê hevî ne. Ciwan bêtir ji cînayetên kar bi gilî ne. Esnaf ji ber aborîyê bi gazinc in. Civaka Tirkiye ji hebûna AKP-MHP'ê bê hevî ye. Bawer dike ku bi serkeftina HDP’ê û çareseriya pirsgirê kurd biçe.
Kırkazak, da zanîn ku tembo, kelecan û bendewariya li dijî HDP’ê li gorî 7'ê Hezîranê zêdetir e û bawer dike ku teqez di Hilbijartinê de wekîlekî-ê ji Bûrsayê bişînin meclîsê. Kirkazak, anî ziman ku bawer dike ku gelê Bûrsa bi awayekî hêz vîna xwe HDP’ê bişîne meclîsê û hevî û bendewariya li hemberî HDP'ê ji ber demê bêtir e.
Kirkazak, herî dawî bang li hemû hilbijêr û welatiyên Bûrsayê kir û xwest beşdarî mîtînga ku di 17'ê Hezîranê de pêk bînin bibin.
MA / Sadiye Eser