Stenboliyan der barê hilbijartina zordest û îtifaqên navbera partiyan de axivîn. Alî Yaziciyê teqawidbûyî diyar kir ku hikûmeta AKP’ê di warê demokrasî, perwerdehî, tenduristiyê û polîtîkaya derve de ne serkeftî ye û got: “Tenduristî û perwerdehiya ku mafê qanûna bingehîn in arizî kirin. Em behsa tenduristiyê dikin, her tişt veguherandin pereyan. Li welat tu tişt nema ku nefirotin. Pêşeroja zarokên me hatiye îpotekkirin. Me ew wekî wekîl tayîn kirin. Ne ku li wir 20-30 hezar meşa bigirin. Ji bo debara gel bikin me deng da wan. Lê tenê ji bo xwe dixebitin. Di tu warî de nebaş in. Teqez dê AKP-MHP’ê winda bikin.” 

 

‘FIKIRÎM KU BENZÎNÊ BI XWE DAKIM Û XWE BIŞEWITÎNIM’ 

 

Niyazî Arslan anî ziman ku di hilbijartinên berê de ew ji bo AKP’ê xebitiye û ji ber ku dengê xwe daye AKP’ê niha poşman e. Arslan destnîşan kir ku ew ê di vê hilbijartin qethiyen dengê xwe nede AKP’ê û got: “Qethiyen ez ê dengê xwe nedim AKP’ê. Çimkî min aqilê xwe bi nan û penêr nexwariye. AKP û MHP tu gotin nedima ku ji hev re nedigotin. Niha jî îtifaqê dikin. Dema AKP bû îktîdar mala min, wesayîta min û kargeha min hebû. Mala min şewitî, kesî alîkarî nekir. Niha tu tiştek min nemaye, ewlehiyeke min a cvakiyî tune ye. Em nikarin biçin nexweşxaneyan tedawî bibin. Nexweşxane, pir hemû bi pereyan e. Li ser pişta gel pereyan qezenc dikin. Gelek caran fikirîm ku ez benzînê bi xwe dakim û xwe bişewitînim.” 

 

‘DÊ EDALET BI SER BIKEVE’ 

 

Erdogan Tutuncu îtifaqa AKP-MHP’ê îtifaqa din wekî “xayîntiyê” diwesifîne, lê belê herdu partî îtifaq çêkirin. Tutuncu anî ziman ku heta demek berê jî Erdogan û Bahçelî tu gotin nediman ji hev re nedikirin û got: “Niha jî îtifaq çêkirine. Netewperestiyê xistine bin piyan. Netewperestî welathezî ye. Hemû tiştên dewletê firotin. Herî dawî jî fabrîkayên şekir firotin. Eger tişta ku ev dikin netewperestî be, nexwe netewperestiyê xelet hînî min kirine.” 

Bankevan Gonul Kûtlûca jî got: “Dilê me li hêla cumhûriyetê, parlementoyê ye. Dixwazim di hilbijartinê de edalet bi ser bikeve. Qethiyen îtifaqa AKP-MHP’ê qebûl nakim. Dîktatoriyê qebûl nakim. Eger hilbijartineke biedalet be em ê bi ser bikevin.” 

 

Alî Erçînê teqawidbûyî diyar kir ku ji ber AKP fêm kiriye dê bi tena serê xwe nikaribe bibe îktîdar bi MHP’ê re îtifaq çêkiriye. Erçîn diyar kir ku AKP di warê perwerdehî, tenduristî û aboriyê de bi ser neketiye û hewl dide di warê înşeatê de bike. Erçîn got, tenê mezinbûyîn di qada îneşatê de nabe û divê mezinbûyîn bi pîşesaziyê re pêk bê. Erçîn got: “Pîşesaziyê paşguh kirin tenê îmareke di warê înşeatê de kirin û ev yek jî çareseriyeke demborî ye. Çandinî jî bi qasî pîşesaziyê girîng e, lê belê niha em di warê çandiniyê de veguherîne welatekî îthal.” 

 

'DI VÊ HILBIJARTINÊ DE KARÊ WAN ZEHMET E’

 

Abdullah Zor da destnîşan kir ku AKP ji bo Tirkiyeyê felaket e û êdî herkes dizane ku k adi 16 salan de çi kirine ji Tirkiyeyê. Zor bi lêv kir ku niha rewşa ku welat tê de ye rewşeke pir xirab e û ew wisa difikire ku dê îtifaqa AKP-MHP’ê nikaribe div ê hilbijartinê de bi ser bikeve. 

 

‘REWŞA WELAT QET NEBAŞ E’ 

 

Kardêr Alî Yalçin jî, diyar kir ku li gorî berê muxalefet hêzdartir e û got: “Kesên ji aboriyê fêm nakin li ser serê me ne. Tenê ji aboriya tûglayan fêm dikin. Her der bûye înşeat. Kes behsa îthalatê nake. Ji bo zarokên xwe ez rewşa vî welatî qet baş nabînim.” 

 

'HÊVIYA MIN HEYE’ 

 

Wênekêş Yasîn Akgul jî got: “Tişta meraq dikim ev e; çim adi îtifaqa CHP-ÎP’ê de HDP an jî ODP tune ye? Hêviya min ji vê hilbijartinê heye. Wisa bawer dikim ku em ê li welatekî hîn azad bijîn.”