* Di vê serdema ku ber bi hilbijartina zordest ve diçe de, di 16 salên îktîdara AKP’ê de jin mehkûmî saziya malbatê hatin kirin û hîn bêtir bi polîtîkayên şidet û zayendîparêz re rû bi rû man. Di serdema AKP’ê de istismarkirina zarokan ji sedî 700 zêde bû û ji ber şidetê jî 14 hezar û 293 jin hatin kuştin.
* Muhammed Çakiral, derhênerê belgefîlma “Kirlangiçlar Susamişsa” ku çîroka gundekî li hemberî HES’an ji bo parastina xwezayê têdikoşe vedibêje, got: “Eger em çand jiyana bi hev re û jiyaneke mirovane pêk neyînin, em ê hemû tune bibin.”
* Dema hevşaredara Pasûrê Sadiye Surer Baran sewqî Girtîgeha Jimare 2 a Osmaniyeyê hat kirin, heqaret lê hat kirin û lêgerîna tazî lê hat ferzkirin.
* Teşkîlata AKP’ê ya Yenîşehîrê, li welatiyê bi navê Erdal Bozkûrt ku bi KHK’ê ji kar hat avêtin geriya û jê xwest di hilbijartinê de ji bo AKP’ê bixebite.
* Şaredariya Mezin a Dîlokê ji bo deynê xwe bide, qadeke 250 hezar metrekare ya Parka Çandê ya Ataturkê ya 100. Yil’ê pêşkeşî îmarê kir.
* Parlementerê ANAP’ê yê berê Abdulbakî Erdogmûş, biryara hilbijartina zordest nirxand û got, ev yek “darbe” ye. Erdogmûş, diyar kir ku lê belê mirov dikare vê yekê veguherîne “firsend”ê û got: “Eger mixalefet bi namzetekî baş têkeve hilbijartinê, dê di tûra ewil de bi ser bikeve.”
* Li Colemêrg û navçeyên wê 3 salin qedexeyên ku dewam dikin, careke din jî dema wan hat dirêjkirin. Serokê Komeleya Xwezayê ya Cîlo Trekîngê Fîkret Yaşar bertek nîşanî qedexeyan da û anî ziman ku di zagona xwezayê de qedexe tune ye û 3 salin cotkarî, turîzm û sporên xwezayê darbeyeke mezin dixwin.
* Kazim Danyelî (60) bi salan di karê înşatê de xebitî û boyaxvaniyê kir. Pişt re eleqeya wî li hember tembûrê çêbû û di 35 saliya xwe de li atolyeyek tembûrê wek şagirt dest bi kar kir. Piştî salan bû hosteyê tembûrê.
* Hevserokê HDP’ê yê bajêr Şahabettîn Işik, diyar kir ku ji bo pirsgirêkên Kolaceliyê ev hilbijartin xwedî girîngiyek mezin û got: “Em di ferqa van hemû neyîniyan dene û em ê di çarçoveya daxwazên gel de xebatên xwe yên hilbijartinê bi rêve bibin.”
* Aysel Ozdemîr li jinan guhdar kir û pirtûka bi navê “Mezopotamya’nin Kirgin Çiçekleri” derxist. Ozdemîr diyar kir ku êşa jinê li derdora wê kaşkiriye nivîsandinê û got: “Nivîsandin bi serê xwe raperînek e. Min xwest ez bi pênûsa xwe li hemberî zilmê rawestim.”
* Civaknasê Êzidî Azad Bariş, diyar kir ku ji avakirina Komarê heta niha kurd wekî "dijminê hundir" hatine dîtin û wiha got: "Paradîgmaya Neteweya Demokratîk a Ocalan ji bo hemû mexdûrên komara Tirkiye sîwan e. Dewletê heta niha kurd wekî dijmin dîtiye. Pirsgirêkê bi qedexeyan dest pê kiriye.
* Şirnexiyan diyar kir ku ew ê êrîş û çewisandinên ku bi salan e li wan tên kirin ji bîr nekirin û dê biçin ser sindoqan. Şirnexiyan bersiva daxuyaniya Wezîr Mehmet Ozhasekî ku gotibû “Em ê li Şirnexê ji sedî 99.9 deng bigirin” dan û gotin: “Em ê di 24’ê Hezîranê de bersivê bidin.”
* Serokê AKP'ê Recep Tayyip Erdogan û Serokwezîr Binali Yildirim dê li Qesra Serokomariyê bên cem hev.
* Hevserokê Giştî yê HDP'ê Sezai Temellî li Rihayê û Hevseroka Giştî ya HDP'ê Pervin Buldan dê li Îdirê di çarçoveya xebatên hilbijartinê de gel ziyaret bike.
* Danişîna doza JÎTEM'ê ya Qoserê dê li 5'emîn Dadgeha Cezayên Giran a Enqereyê bê dîtin. (09.20)
* Danişîna doza Kemal Kurkut ê di Newroza Amedê ya 21'ê Adara 2017'an de ji aliyê polîsan ve hat qetilkiri dê li 7'emîn Dadgeha Cezayên Giran a Amedê bê dîtin. (10.00)
* Danişîna doza Necmettin Fendik yê li Geverê polîsan bi ser mala wî de girt û li malê qetil kirin dê li 2'yemîn Dadgeha Asliye Ceza ya Geverê bê dîtin. (10.35)
* Danişîna doza cînayetên Enes Ata yê 8 salî û Mahsum Mizrak ê 14 salî ku di bûyerê 28'ê Adara 2006'an de li Amedê ji aliyê polîsan ve hatin kuştin li 1’emîn Dadgeha Cezayên Giran a Amedê bê dîtin. (11.00)
* Malbatên Roboskê yên zarokên wan di komkujiyê de hatin qetilkirin dê çalakiya xwe ya heftane berdewam bikin. (16.00)