STENBOL - Yek ji parêzerên Buroya Hiqûqî ya Asrîn Emran Emekçî di xwarina piştevaniya DBP’ê da de axivî û got: “Ocalan 19 salin li Îmraliyê li ber xwe dide. Bêguman rojek zû ne yek dereng dê deriye Îmraliyê ve be.”
Rêxistina Partiya Herêmên Demokratîk (DBP) a Stenbolê, li Salona Dawetê ya Star a Eyupê bi şîara “Em li dijî zilmê têkoşîna yekgirtî civakî dikin” xwarina piştevaniyê da. Alîkara Hevseroka Giştî ya DBP’ê Seher Tumer, rêveberên HDP, Meclîsa Dayîkên Aştiyê û gelek welatî beşdarî xarina piştevaniyê bûn.
‘OCALAN 19 SALIN LI ÎMRALIYÊ LI BER XWE DIDE’
Ji parêzerên Buroya Hiqûqî ya Asrîn Emran Emekçî di xwarina piştevaniyê de axivî û wiha got: “Tecrît sûcê mirovahiyê ye. Ev sûc ji sala 1999’an û vir ve li Îmraliyê bi awayekê pergalî li ser Ocalan tê meşandin. Xwestin Ocalan ji gelê kurd, dost û heskiriyên wî qût bikin û kirin Girtîgeha Îmraliyê. Gotin menderes piştî 6 mehan di girtîgehê de ma, qabiliyeta xwe ya axaftinê winda kir. Birêz Ocalan 19 salin li Îmraliyê berxwedanek bê eman nîşan dide. Sedema vê berxwedanê, dest ji mafên gelê kurd û rêxistinbûyîna wê berna de.”
‘DI HER KRÎZÊ DE PERGAL BAZDIDE GEL OCALAN’
Emekçî, da zanîn ku bi polîtîkayên tecrîtê yên 19 salin li Îmraliyê bi rêve dibin, dixwazin Ocalan têk bibin û wiha bilêv kir: “Gava em li dîrokê mêze dikin, di her krîza derdikeve de baz didin gel Ocalan. Ji bo agirbestê ji Ocalan lave kirin. Ji bo ku çare Ocalane. Em dizanin ku dê xeta Birêz Ocalan teqez qezenc bike. Ji ber ku xeta aştî û demokrasiyê di azadiya Kurdan re derbas dibe. Ocalan nûnertiya pêvajoya aştî û demokrasiyê kir. Ji ber vê rojek zû ne yek dereng dê derî li Ocalan vebe. Ocalan dinava berxwedanê deye.”
‘GELAN QEZENC KIRIN’
Tumer, bal kişand ser hilbijartinên zordest jî û wiha bi dawî kir: “Ji bo têkoşîna em tiştek ne nûye. Hemû saziyên me ji bo têkoşînê amade ne. Hilbijartin be, hilbijartin. Em tim hêrsa xwe birêxistin dikin. Em ê di 24’ê Hezîranê de, pêvajoyek ji 7’ê Hezîranê derbas bike jî bijîn. Bila ew baş zanibîn, ev şerê hebûn û tunebûnê ye. Her tim gelan qezenc kiriye. Gelê Kurdistanê bi tekoşîna xwe ya sed salî hemû nirxên xwe ava kirin. Dê bi vê hêz û enerjiyê di 24’ê Hezîranê de, serkeftinê tacîdar bike.”
‘EFRÎN LEZDA DAWIYA WAN’
Hevserokê KCD’ê Bedran Ozturk jî, mafê axaftinê girt û wiha got: “Ên guman dikin ku li Efrînê serkeftin qezenc kirin, ber bi çiravê ve diçin. Di warê aborî de serbejêr çûn. Berî êrîşên Tirkiyeyê, Efrîn bajarê şatiyê bû. Yên Şirnex û Sûr wêran kirin, xendek ji bo xwe kirin hincet. Gelo ma Efrînê jî xendek hebûn? Dijminantiya Kurdistan û Kurdên li hemû parçayan dikin. Naxwazin gelê kurd bibe xwedî stasû. Şerê li herêma Efrînê lez da bi dawî anîna eniya faşîst. Ji ber krîza aborî biryara hilbijartinên zordest ên di 24’ê Hezîranê de dan. Ev ji bo me fersendek mezine. Bi serkeftina me, dê dawiya wan were.”
Çalakî piştî axaftinan û xwarin xarinê bi dawî bû.