ENQERE - Hevserokê Giştî yê SES'ê Îbrahîm Kara, têkildarî întîharên xizmetkarên tenduristiyê daxuyanî da û diyar kir ku di 3 salên dawî de 431 xizmetkarên tenduristiyê întîhar kirin û ser van întîharan hatiye girtin.
Hevserokê Giştî yê SES'ê Îbrahim Kara, têkildarî rewşa karkerên tenduristiyê yên ji ber şertên kar dawî li jiyana xwe anîn daxuyanî rapora ku amade kirine li Navenda Giştî ya SES'ê bi raya giştî re parve kir. Kara, di raporê de bal kişand ser polîtîkayên hikûmetê yên qada tenduristiyê û wiha got: "Di 3 salên dawî de 431 xebatkarên tenduristiyê ji ber şertên xerab ketine nava hewldana întiharê. "Wekî pirsgirêka tekakesî hatiye nîşandan û ser van întîharan hatiye girtin. Bernameya Veguherandina Tenduristiyê ya hikûmeta AKP'ê ne li gorî berjewendiyên civakê ye. Her roj bûyerên întîharê zêde dibin. Her ku xizmetkarên tenduristiyê întihar dikin, nîşan dide ku xebatên tenduristiyê bêtir tenduristiyê xera dike. Divê pirsgirêka tenduristiya karkeran berfirehtir bê destgirtin. Divê întîhar wekî cînayetên kar bên destgirtin. Divê bê dîtin ku rejîma kedê bandorek çawa li ser hilberina xizmeta tenduristiyê dike.
‘DI 2017'AN DE 122 XIZMETKARÊN TENDURISTIYÊ ÎNTÎHAR KIRIN'
Kara, anî ziman ku li gorî Wezîrê Tenduristiyê bersîv daye pirsnameya Wekîlê CHP'ê Murat Emir di sala 2015'an de 180, di sala 2016'an de 129 û di sala 2017'an de 122 xizmetkarên tenduristiyê di 3 salên dawî de 431 xizmetkarên tenduristiyê întîhar kirin. Kara, anî ziman ku ew ji Wezareta Tenduristiyê dipirsin ka li hemberî vê tabloyê çi kirine û wiha got: "Ji ber şertên kar û pirsgirêkên li welat întîhar zêde dibin. Lê wekî ku ‘pirsgirêka tekakesî be' nîşan didin. Bi vî rengî dixwazin ser van întiharan bigirin û veşêrin. Lê em wekî SES'ê dê vê yekê lêkolîn bikin û sedema întîharan ronî bikin û teşîr bikin. Têkoşîna me ya ronîkirinê dê bidome.
Kara, da zanîn ku ji ber li qada kar ne bawerî zêde ye, têkiliyên jêr û zor li pêş in, tundî zêde ye û performans xizmeta tenduristiyê li ser karkeran tê ferzkirin întîhar zêde dibin û wiha berdewam kir: "Hem heq kêm e û hem jî ewlehiya kar û personelan tune ye. Her tiştî şolî dikin û pîşe dixin nava bê nasnameyekê. Xizmetkarên tenduristiyê bi saetên pir zêde dixebitin. Nobetên dirêj digirin. Ji ber karê zêde, keda zêde, heqê kêm, tundî, zextan, xizmetkar nikarin kar kontrol bikin û barê li ser wan zêde giran dibe. Ji ber polîtîkayên xizmeta tenduristiyê yên neyînî karkerên tenduristiyê neçar dimînin dawî li jiyana xwe bînin. Piştevanî û şewîrmendî divê bê xurtkirin. Divê karibin bi hêsanî ji mafê xwe yê sendîkayî sûdê bigirin. Bi pirsgirêkên ku OHAL û KHK'ê bi xwe re anîne, bêçraeserî ji zêde dibe."