STENBOL - Dayikên Şemiyê vê hefteyê çîroka Nûrettîn Yedîgol ê di 10'ê Nîsana 1981’an de hat binçavkirin û windakirin pirsîn. Xwişka Nûrettîn Yedîgol, Sevim Yedîgol diyar kir ku dayika wê gotiye “Nurettin dê bê. Ger ku ew neyê û ez bimirim dê çavê min vekirî bimîne. Dest ji hatina wî berdin hestiyê wî bidin me bes e."
Dayikên Şemiyê ji bo aqûbeta windayan bipirsin çalakiya "Faîl diyar in winda li ku ne?" di hefteya 681'an de li Qada Galatasarayê çalakiya xwe berdewam kirin. Dayikan weki her hefteyê vê hefteyê jî Pankarta "Fail diyar in, winda li ku ne?" a wêneyê zarokên wan li ser vekirin û qaranfîl û laçikên spî danîn ser pankartê. Li gel dayikên şemiyê û xizmên windxayan parlamenterê CHP'ê Sezgin Tanrikulu, Nûnerê Vakfa Mafên Mirovan a Tirkiye (TÎHV) ya Stenbolê Umit Efe û gelek kesên din amade bûn.
ÇAY Û SIMÎT Ê KU YEDÎGOL PIR JÊ HES DIKIR DANÎN
Dayikên Şemiyê vê hefteyê çîroka Nurettîn Yedîgol ê 26 salî ku di 10'ê Nîsana 1981'an de hat binçavkirin û windakirin pirsîn. Dayikan vê carê li ser pankartê îskanek çay û simîtek ku Yedîgol pir jê hez dikir danîn ser pankartê.
BILA LORÎNA DAYIKA MIN A 37 SALAN BI DAWÎ BIBE
Birayê Nurettin Yedigol Muzaffer Yedîgol diyar kir ku 37 salin birayê xwe û windayên din li vê qadê dipirsin û wiha got: “Derdora wî pir ji wî hez dikirin. Dema dihat memleket bi pirtûkan dihat. Jiyana xwe diyarî mirovan kiribû. Bi peyvan mirov nikare qala wî bike. Li vî welatî darbeyên 12'ê Îlonê, 28'ê Sibatê, 15'ê Tirmehê çê bûn. Bila êdî li vî welatî darbe pêk neyên. Bila mirov neyên kuştin. Bila mafê mirovan bê parastin. Em dixwazin êdî dayika min a 96 salî êwa wê bi dawî bibe. Daxwaza wê bila pêk bê. Bila êşa wê bi dawî bibe. Li vî welatî mafê me heye. Em pere, kar û maqam naxwazin. Em hestiyê birayê min dixwazin. Dayika min 37 salin dike qerîn û zimêran dixwîne. Bila êdî lorîka dayika min a li ser birayê bin bi dawî bibe. Bila rojek me ya xweş hebe."
Xwişka Yedîgol Sevim Yedîgol jî anî ziman ku ew ji bo dayika xwe li vir e û wiha got: Dayika min hêj bi wê êşê li heviya hatina Nûrettîn e. Dibêje heta ku Nurettin neyê ez namirim. Dibêje bila ew bê ez bimirim. Dibêje ger ku ew neyê û ez bimirim dê çavê min vekirî bimîne. Hikûmet behsa mafê qûl dike. Behsa kijan mafî dikin. Dayika min hêj di televîzyonê de temaşe dikin. Dibêje dest ji hatina wî berdin em hestiyê wî dixwazin.
Şahida wê demê û nûnera TÎHV'ê ya Stenbolê Umit Efe jî diyar kir ku 37 sal berê li Midûriyeta Polîsan a Gayrettepe hat binçavkirin û wê demê Nurettin hat binçavkirin û ew li midûriyeta polisan dît.
Vê hefteyê li ser navê Dayikên Şemiyê Gonul Sonbahar daxuyanî da u wiha got: "Em bi dosyaya Nurettin Yedigol li pêşberî gel in. Di pêvajoya îşkenceya 12'ê Îlonê de hat windakirin. 37 salin Nurettin Yedigol winda ye. Me ew ji bîr nekir. Dayika 96 salî Zeycan Yedîgol got 'Ez ji bîr nakim' Em denê Zeytan ê Galatasarayê ne. Nurettin Yedigol ji Erzinganê bû. Di salên 70'î de ji bo zanîngehê hat Stenbolê. Li Stenbolê ji Fakulteya ÎŞletme ya Zanîngeha Stenbolê mezûn bû. Di serdema xwendekariyê û piştî xwendekariyê de kesek sosyalîst bû. Di 10'ê Nîsana 1981'an de hat binçavkirin û windakirin.