ENQERE - Di pêvajoyeke zextên li ser azadiya raman, çapemeniyê û îcrakirina pîşeya rojnamegertiyê de, rojnameger li ser “Divê çi bê kirin û çawan bê kirin” nîqaş dikin. Rojeva sereke ya rojnamegeran eve. Rojnamegeran bal kişand ser piştevanî û rêxistinbûyîna li dijî êrîş û zextên li ser rojnamegertiyê.
Di pêvajoyek zextên li ser azadiya raman, çapemeniyê û îcrakirina pîşeya rojnamegertiyê de, rojnameger li ser “Divê çi bikin û çawan bikin” nîqaş dikin. Rojnamegerê navdar Ragip Duran Meclîsa Rojnamegeran a di destpêka salên 2000’î de ceribandin cardin anî rojevê û alîkarî da nîqaşên ramanên alternatîf.
‘BÛYERÊN RÛ DIDIN BERHEMÊN TIRSÊ NE’
Edîtorê nûçeyan a Platforma 1HaberVarê Îbrahîm Aslan, diyar kir ku li şûna “rojnamegertiyê” feraseta “Tetîkêşiyê” li ser desthilatdariyê bi bandore û wiha axivî: “Ligel ku ji sedî 95 medya serdest kirine destên xwe jî ditirsin. Qeyûm tayînê Ozgurlukçu Demokrasî kirin û binçavkirina xebatkaran nîşaneya vê yekê ye. Dev ji rojnamegertiyê jî berdin ji hesabên tora civakî jî ditirsin. Wisan xuya dike ku desthilatdarî pir ditirse. Ji ber vê wisan êrîşî rojnamegertiyê dike.”
‘DERFETÊN ME ZÊDETIRIN’
Aslan, anî ziman ku li dijî rojnamegertiya tek tîp kirina medyayê pêdivî bi rêxistinî û piştevaniyê heye û wiha got: “Hevalên em yên rojnameger ên di salên 80 û 90’î de rojnamegertî kirine, dibêjin zextên vê serdemê ji yê wan deman zêdetirin. Ligel asta êrîşên heyî jî, derfet û hêza me ji yên salên 80 û 90’î zêdetirin. Tecrûbeyên me hene. Divê em li dijî êrîşan derbikevin. Ez bang li hemû rojnamgeran dikim ku bên beşdarî nîqaşan bibin. Girînge ku em ji tecrûbeyên berê ders bigirin. Berî her tiştî li dijî êrîşên heyî divê çapemeniya mûxalîf xe bi rêxitin bike.”
‘EDİTORYAL BAĞIMSIZLIK SAVUNULMALI’
Nûçegihanê Rojnameya Evrenselê yê Enqerê Bîrakn Bulut jî, diyar kir ku divê saziyên rojnamegerên cûda têkoşînek hevpar bidin û wiha got: “Piştevaniya heyî divê hîn xurtir be. Li dijî hemû zext, êrîş, girtin û tayînkirina qayûman xwe bi rêxistin kirin û têkoşîn dayîn di pêvajoyek wiha de jiyaniye.”
‘HÎN ZÊDE BERPIRSIYARTÎ’
Xebatkara Kovara Ked û Gul Burcu Yildirim jî, da zanîn ku ji bo rojnameger xwe bi hêz bikin divê rêxistinbûyîna xwe ava bikin û wiha bilêv kir: “Azadiya çapemeniyê bi têkoşînê pêkane. Ji ber vê divê hîn zêdetir em berpirsiyartiyê bigirin ser milên xwe.”
‘DIVÊ EM HEQÎQETÊ BIGIHÎNIN RAYA GIŞTÎ’
Aktîvîsta Seyrî Sokak a Enqerê Sîbel Tekîn jî, anî ziman ku divê rojnameger heqîqetê ji raya giştî re ragihînin û wiha got: “Ev bi tena serê xwe nabe. Êrîşên pir cûda li ser çapemeniyê hene. Di pêvajoyek wiha de tekane çareserî hatina gel heve. Desthilatdar hemû sûcên mirovahiyê dike. Ji ber vê naxwaze tiştekê li hemberî xwe bibîne. Dixwaze mirov dengên xwe dernexin, nebînin û nebihîsin. Di pêvajoya Efrînê de me ev dît. Ew jî dizane tiştên dike, ne rastin. Ji ber vê dixwaze berî her tiştî çapemeniya azad û tora civakî asteng bike. Ji bo vê yekê divê hemû rojnameger bi hevre tevbigerin û rêxistinbûyîna xwe ava bikin.”
MA / Dîren Yurtsever