STENBOL - Endama Tora Parastina Jinan a Femînîst Ruya Kurtuluş, diyar kir ku li dijî tundî û êrîşên mêr yên li ser jinan zêde dibin, dê parastina cewherî ava bikin. Kurtuluş, anî ziman ku divê li dijî pergala yek zilam a her ku diçe serdestiya xwe xurt dike, tevgera bê îtîatiyê xurt bi rêxistin bikin.
Gelek jinên ji beşên cuda yên civakê kom bûn, li dijî tundiya mêr, îstîsmara zayendî û zayendîparestiyê armanc dikin ku “Tora Parastina Jinê" ava bikin. Endama Tora Parastina Jinê Ruya Kurtuluş, diyar kir ku ji bo jin bibin xwediyê vîn û nasnameya xwe, pêşeroja xwe û tundiya li ser jinê rawestînin pêdiviya wan bi tekoşînek pir alî heye.
‘EM DIXWAZIN BIBIN XWEDIYÊ PÊŞEROJA XWE'
Kurtuluş, anî ziman ku bi armanca dawî li çavkaniya tundiyê bînin parastina cewherî pêş dixin û wiha got: "Parastina cewherî dê xwe bigîne çavkaniya tundiyê û wê ji çavkaniya wê bi dawî bike. Hişmendiya zayendiya civakî ya mêr û jinê li dijî wê hişmendiya femînîst heye. Em têgeha ‘Parastina Cewherî ya Feminist" pêş dixin. Li ser vê xebatê kargeriyên me hene. Em dê di demek nêzîk de xebatên van atolyeyan aşkere bikin. Em dê dest bi atolyeyên parastina cewherî yên feminist bikin. Em dixwazin bi xwe jiyana xwe, pêşeroja xwe saz bikin. Em dixwazin bi xwe biryar bidin û bi bedena xwe û pêşeroja xwe xwedî derkevin. Em dikarin nêzîkatiyên zayendîperest ên di jiyana xwe de bibînin û ferk bikin. Em dikarin wan red bikin. Ev çalakiya parastina cewherî ya feminist e. Lê ev têr nake. Em dixwazin di nava jinên Parastina cewherî ya Feminist de piştevanî û alîkariyê xurt bikin. Em dixwazin têkoşîna kolektîf pêş ixin. Ji bo em rê li pêş tundiyê bigirin pêdiviya me gelek bi parastina cewherî heye. "
‘EM JIYANA WEKHEV Û AZAD DIXWAZIN'
Kurtuluş, da zanîn ku ew jiyana wekhev û azad dixwazin û wiha lê zêde kir: “Em dixwazin li welatê me û cîhanê tora ku jin bêtir li hev xwedî derdikevin û bêtir hev diparêzin ava bikin. Ev pêdiviyek şênber e. Niha fetvayên 'Zarokên jin dikarin bizewicin' didin. Armanc dikin ku rê li pêş jinên zewivî yên dixwazin dest ji hevserê xwe berdin bigirin. Dîsa dixwazin kravatan têxin stuyê bersûcan û ji halê baş cezayê wan kêm bikin. Yên hêzê ji vê yekê digirin li kolanê û li malê li ser jinê tundiyê dimeşîne. "
'TUNDIYA MÊR NE TESATUFÎ YE'
Kurtuluş, da zanîn ku li dijî taciz, tecawiz û tundiya mêr pêdivî bi têkoşînek xurt û bi rêxistin heye û wiha got: “Divê em hev guhdar bikin û hev sucdar nekin. Divê em hêzê bidin hev. Divê em bibînin û bibhîzin. Em zanibin ku tundiya mêr ne tesadifî ye. Divê em bi hemû rêxistinên jinan re têkiliyek xurt ava bikin. Têkoşîna li dijî tundiya li ser jinê kêm e. Divê em tora tekoşîna li diji tundiyê xurt bikin. Divê em ala têkoşîna femînîst bilind bikin.
EM BÊTIR HEV BIPAREZIN
Kurtuluş, bang li hemû jinan kir û xwest li dijî tundî û serdestiya mêr bêdir bi hevre di nava piştevanî, şewirmendiyê de bin û bêtir têkoşîna xwe xurt bikin.
Jin dikarin jinan biparêzin û dikarin pêşerojek azad û wekhev ava bikin. Li dijî “Jin kurê jnê ye" divê em feraseta “Jin jinê diparêze" pêş bixin. Em dixwazin li vê cihanê êdî bêhnê bistînin." Kurtuluş, herî dawî xwest li her derê bi destê hev bigirin û bêtir xwe xurt û bi rêxistin bikin û tora rêxistina xwe li her derê cîhanê belav bikin.