STENBOL - Parêzer Ozcan Kiliç, tekildarî serdegirtina Rojnameya Ozgurlukçû Demokrasi û Çapxaneya Gunê diyar kir ku nekariye der barê sedema serdegirtina Rojnameyê û Çapxaneyê de bi dozger re hevditin bike û wiha got: "Du lêpirsîn hene, lê muxatabê van lêpirsînan tune ye."
Polîsan şev nîvê şevê bi ser avahiya navenda Rojnameya Ozgkurlukçu Demokrasî ya li navçeya Beyoglu ya Stenbolê û Çapxaneya Gunê de girtin. Piştî serdegirtinê Xwediyê Îmtiyazê yê Rojnameya Ozgurlukçu Demokrasî Îhsan Yaşar, Xwediyê Matbaya Gun Kasim Zengîn, xebatkarên matbayê Erdogan Zamûr, Kemal Kurt, Musa Kaya, Cemal Tunç, Kemal Daşdogen, Mehmet Emîn Sumelî û Îrfan Kara binçav kirin. Dema parêzerên rojanmeyê serê sibê çûn avahiya rojnameyê, ji wan re hat gotin TMSF qeyûm tayînî rojnameyê kiriye. Hat dîtin ku polîsan deriyên avahiyê şikandiye. Kesek di hundirê avahiyê de ku nasnameya xwe aşkere nekir got, ew ê tu agahiyê parve neke. Vî kesî îdia kir ku wek qeyûm tayînî rojnameyê hatiye kirin û heta rayedarên TMSF’ê werin dê di hundirê avahiya rojnameyê de bisekine. Vî şexsî got ku divê di nav rojê de rayedarên TMSF’ê werin rojnameyê.
TMSF: MUHATAB EM IN
Balkêş e ku kursî danîne pişt deriyê buroyê yê şikandine û ev kesê xwe wek peywîrdar dibîne di nav derî de bi rojnamegeran re axivî. Pişt re polîs carek din çûn buroyê û wêneyan kişandin û agahî ji wî kesê peywîrdar girtin. Polîs demek şûn ve ji avahiyê derketin.
Li aliyê din ji parêzerên rojnameyê Ozcan Kiliç li rayedarên TMSF’ê geriya û jê re gotin: “Muhatabê şirketan em in.”
ÇAPXANE DI BIN DORPÊÇA POLÎSAN DE YE
Kesê ku xwe wekî qeyûm da naskirin li avahiya rojnameyê rûniştiye. Polîs jî dem dem diçin avahiyê û agahî ji wî kesî distînin. Polîsan Çapxaneya Gun a tevî xwediyê wê 8 xebatkar binçavkirine jî xistine bin dorpêçê.
DOZGER LI HOLÊ TUNE
Parêzerên ku çûn Serdozgeriya Komarê yê Stenbolê xwestin bi dozgerê lêpirsîna Rojnameya Ozgurgurlukçu Demokrasi û Çapxaneyê Gun dinere, di heman demê de dozgerê Dadgeha Cezaye Giran a 22'emîn Uygur Kaan Arisoyê re hevditin bikin. Daxwaza parêzeran bi îdîaya "dozger li danişînê ye" hat redkirin. Hat diyar kirin ku Dozger Arisoy 3 rojin li Kampusa Girtîgeha Silivrî di danişînê de ye. Ji parêzeran re hat gotin ku dozger dê sibê û dusib jî tune be.
LÊPIRSÎNÊ DI 7'Ê SIBATÊ DE DEST PÊ KIRIYE
Li gorî nivîsgeha dozgeriyê hat diyar kirin ku der barê rojnameyê de yekem car di 7'ê Sibatê de lêpirsîn hatiye vekirin. Di 23'ê Adarê de dosya, bi lêpirsîna Buroya Sûcên Rêxistî ya Serdozgeriya Komarê ya Stenbolê kirin yek. Lêpirsina 7'ê Sibatê di çarçoveya "Sûcên çapemeniyê" di 23'ê Adarê de jî "sûcên terorê" 2 lêpirsîn hatin vekirin û dosya kirin yek. Nivîsgeha Dozgeriyê bi sedema der barê dosyayan de biryara nepeniyê heye agahiyên cuda nedan parêzeran.
HETA 24 SAETAN HEVDÎTIN QEDEXE KIRIN
Der barê ziyareta kesên hatin binçavkirin de heta 24 saetan biryara qedexeya hevditinê danîn. Çend kes di bin çavan de ne û sedema binçavkirina wan çiye nayê zanîn.
PARÊZERÊ ROJNAMEYÊ MUXATAB TUNE YE
Parêzer Ozcan Kiliç, tekildarî serdegirtina Rojnameya Ozgurlukçû Demokrasi û Çapxaneya Gunê diyar kir ku nekariye der barê sedema serdegirtina Rojnameyê û Çapxaneyê de bi dozger re hevditin bike û wiha got: "Du lêpirsîn hene, lê muxatabê van lêpirsînan tune ye." Kiliç, anî ziman ku wan agahî stendiye ku 22 kes di bin çavan de ne û wiha got: "Agahiyek wisa gihişt me. Lê ev agahi ne zelal e. Niha bi awayekî fîîlî midûriyeta polîsan lêpirsînê dimeşîne. Dozger li holê tune ye. Di fermiyetê de dozger heye, lê di pratîkê de dozger tune ye."
Kesên di serdegirtina çapxaneyê de hatin binçavkirin wihan ne: Xwediyê Îmtîyazê yê Rojnameya Ozgurlukçu Demokrasî Îhsan Yaşar, Xwediyê Çapxaneya Gun Kasim Zengin, Xebatkarên çapxaneyê Erdogan Zamur, Kemal Kurt, Musa Kaya, Cemal Tunç, Kemal Daşdogen, Îrfan Karaca, Mehmet Emin Sumeli, Xebatkarê çapxaneyê yê berê Ugur Selman Kelekçiler hatin binçavkirin.
Di çarçoveya lêpirsînê de bi ser mala Gerînendeyê Weşanê Yilmaz Yildiz de girtin. Di serdegirtina malbata Yildiz de telefon û kompîtûra wî desteser kirin.