* Zabiteyên ku Şaredariya Mezin a Wanê ew ji kar derxistibûn û Burya Rewşa Awarte û Emniyetê der barê wan de biryara “Têkiliya wan bi terorê re tune ye”, doza “vegera ser kar vekiribûn û bi ser ketibûn. Lê belê Dadgeha Îstinafê, tenê li gor parêziya şaredariyê tev geriya û biryara vegera ser kar xera kir.
* TOHAV’ê “Rapora Şopandinê ya 2017’an a Penaberan a Tirkiyeyê” amade kir. Di raporê de pirsgirêk û kêşeyên ku penaber bi wan re rû bi rû dimînin hatine destnîşankirin û tê diyarkirin ku hîn jî destûr nayê dayîn ku rêxistinên civaka sivîl bajarên peykî û navendên paşevşandinê bişopînin.
* Derhêner Bogaç Ûzûn ji bo balê bikişîne ser girîngî û bandora zimanê dayikê fîlmê kurt ê bi navê “Bizin” ku deqîqeyek e kişand, diyar kir ku tiştê wî xwestiya der barê zimanê kurdî de bibêje xistiye kadrajê. Ûzûn got: “Bizin fîlmeke kurt e, lê bandoreke wê ya zêde heye.”
* Nivîskar Hamîde Yîgît, diyar kir ku li Sûriyeyê armanca Rûsyayê ya ewil Îdlib e û ya AKP’ê jî li Efrînê ji bo komên selefi peydakirina qadekê ye. Yîgît got: “Niha Tirkiye bi Sûriye, Iraq û Îranê hevrû bûye. Wê tasarruf AKP’ê ya li ser Efrînê wisa ne hêsan be. Çimkî êdî Efrînê navenda pevçûneke nû ya pirneteweyî ye.”
* Di ser bûyerên 28’ê Adarê de ku 7 jê zarok 13 kes hatin kuştin de 12 sal derbas bûn. Piştî daxuyaniya Erdogan a “Zarok be jî, jin be jî çi hewce bê dê bê kirin” 13 kes hatin kuştin. Bavê Enes Ata yê 8 salî ku div an bûyeran de hat kuştin got: “Ji bo peyamê bidin gel kurê min kuştin.”
* Hunermend Nudem Durak a 3 salin girtiye û bi hinceta stranên kurdî sitra rastî 19 sal cezayê girtîhê hat. Durak, ji ber li dijî pêkanîna kincên yek tîpî û aktîvîteyên civakî yên girtîgehê derket rastî 3 meh cezayê hevdîtinê hat.
* Serokomar Erdogan 3 meh berê dema Colemêrg ziyaret kir gotibû dê li Colemêrgê qedexeya li ser zozanan rakin. Lê qedexekirinên nû li ser qedexeyên kevn zêde bûn. Gundiyan Erdogan hişyar kirin û gotin: “Soza we girtiye, bicih bînin.”
* Parêzer Nergîz Tuba Aslan, der barê darizandina doza 301 karkerên kana komirê ya Soma yên jiyana xwe ji dest dan de diyar kir ku dozger bi refleksa dewletê tevgeriya ye hiqûqa ceza binpê kiriye.
* 2 akademîsyenên danezana "Em nabin şirîkê vî sûcî" îmze kirin û doz li wan hat vekirin dê li 14'emîn Dadgeha Cezayên Giran a Stenbolê bên darizandin. (09.00)
* Rojnameger Duygu Erol a di 20'ê Adarê de hat binçavkirin û serbest hat berdan, ji ber rastî tundiyê hat û xwestin bibin sîxur dê li şaxa ÎHD'ê ya Enqereyê civîna çapemeniyê pêk bîne. (12:00)
* Komîsyona Edaletê ya ÎHD'ê ya Stenbolê ji bo balê bikişîne ser komkujiya 34 welatiyên Roboskê dê li pêş Lîseya Galatasarayê di cara 75'an daxuyaniyê bide çapemeniyê. (18.30)
* Platforma Şaxan a KESK'ê dê li 2'emîn Şaxa Egîtîm Senê ya Îzmirê li dijî OHAL û KHK'yan daxuyaniyê bide çapemeniyê. (18.30)