STENBOL - Hakan Tahmaz, diyar kir ku piştî AKP’ê Sûr, Cizîr û Efrînê wêran kirin, dibêje “Tu derdê wan bi kurdan re tuneye,” û got: “Lê gava ku we ala Tirk bi Efrînê rakir û mîna xencerekê li dijî kurdên Gungoren ket, wê demê hûn guleyê li piyê xwe jî dixin.”
Serokê Weqfa Aştiyê Hakan Tahmaz, dagirkeriya Efrînê û bandora dagirkeriya Tirkiyeyê ya li ser kurdan nirxand. Tahmaz, diyar kir ku di pêvajoya çareseriyê de ji bo aştiyeke mayîn de ya li Tirkiyeyê hêviyên mezin ava kirin û wiha axivî: “Lê di sala 2015’an de şerekê dijwar rû da, bajar hatin wêrankirin û bi sedan mirova hatin kuştin. A herî girîng jî hêviya aştiyê ya di hemû civakan de lewaz bû.”
‘NIYETA TIRKIYEYÊ YA HEWLÊR, KOBANÊ Û EFRÎNÊ LI HOLÊ YE’
Tahmaz, anî ziman ku AKP’ê ji salên 90’î xerabtir gelek tişt kirin û wiha got: “AKP dibejê ‘em ne li dijî kurdane, em li dijî terorê en.’ Madem kî wisane çima li dijî referanduma li Hewlêrê derket, çi têkiliya wê bi terorê hebû? Yan jî çi eleqeya wê heye ku li dijî Kobanê derket. Ev derewek mezine. Di Hewler, Kobanê û Efrînê de Tirkiye nîyeta xwe danî holê. Armanc ne qedandina terorê ye. Naxwazin kurd bibin xwedî statu. Naxwazin kurd bi Enqere, Şam û Bexdayê ve girêdayî bijîn.”
‘HIN ÇEPGIR LI DIJÎ VÎ ŞERÎ BÊDENGIN’
Tahmaz, da zanîn ku desthilatdarî bi Efrînê re hewlda netewperestiya Tirk xwedî bike û wiha bilêv kir: “Ji ber vê yekê li ser civakê jehrê diverije. Desthilatdarî hewl dide vê ji civakêre bêje. ‘A rastî me dê mafê kurdan bidaya, lê evana bi Emerîka, Rûsya û Îsraîlê re bûn yek û xwestin di hûndir de li me bixin.’ Bi vî awayî kurdan xayîn îlan dikin û dixwazin wêjeya ji xeynî Tirkan dostê Tirkan tuneye mezin bikin. Bi vî awayî dixwazin civakê bêdeng bikin. Hin çepgir, sosyalîst û demokrat sosyalîse li dijî vî şerî bêdengin. Ev jî bi hestên ‘kurd bi Rûsya û Emerîka re hevkartiyê dikin’ nêz dibin. Hin beşêbn mûxalîf bi awayekê vekirî vê yekê dibêjin.”
Tahmaz, bal kişand ser dagirkeriya Efrînê û wiha bilêv kir: “Ala Tirkiyeyê bi Efrînê ve dikin. Ala Tirk a bi wê derê ve dikin, mîna xençerekê li dilê kurdên Gungorenê didin û bi vî awayî guleyekê li piyê xwe dixin. Gava ew al bû dar, êdî hûn nikarin civakê bi rêve bibin. Îro Tirkiye vê yekê dijî. Evê hişt ku Tirkiye 30-40 sal paşde biçe.”
‘SÛR, CİZÎR Û EFRÎNÊ WÊRAN DIKIN, DÛRE DIBÊJIN ‘TU DERDÊ ME BI KURDAN RE TUNEYE’
Tahmaz, îşaret bi rûxandina peykerê Kawayê Hesinkar kir û wiha pê de çû: “Dest pêkê hemû nirxên kurdan talan û wêran dikin, dûre dibêjin ‘tu derdê me bi kurdan re tuneye.’ We Sûr, Cizîr û Efrîn wêran kir. Hûn radibin dibêjin ‘derdekê me bi kurdan re tuneye. Wisan xuya dike ku hemû kesên ji derveyî xwe keregêj dibînin. Lê hemû kes rastiyê dizanin û ev yek wiha naçe.”
MA / Sadiye Eser