Li bajarên Agirî, Idîr, Qers, Mûş, Tetwan û Colemêrgê yên herêma Serhedê bi şîara “Newroz berxwedane, li dijî faşîzmê bihara gelane” gel herikin qadên Newrozê û bi coşa xwe qad tije kirin. Ligel astengiyên polîsan jî gel ne rawestiye û cil û bergên xwe beşdarî Newrozê bûn. Li herêma Serhedê heman peyam hat dayîn û gel got “Emê qezenc bikin.” 

 

AGRÎ

 

Newroza Agiriyê qada Garajê ya Şarederiyê pêk hat. Gel di saetên serê sibê de berê xwe dan Newrozê û herikin qadê. 

Polîsan ciwanekê ku tîşortê kesk, sor û zer li xwe kiribû negirtin qadê û dest danîn ser pênûs û defterên rojnamegeran. Lê ligel hemû astengî û pêkanînên keyfî Newroz bi hemû coşa gel berdewam dike. En dikevin qadê govendê digerinîn û dirûşman berz dikin.

 

QERS

 

Li Qersê jî pîrozbahiyên Newrozê li Qada Cumhuriyetê tê pîrozkirin. Girseya gehişt qada Newrozê, li be dahol û zirneyan govend gerandin. Qada Newrozê bi alên HDP’ê hatin xemilandin û pankartên “Newroz pîroz be” û “Ji 8’ê Adarê heya Newrozê” bi qadê ve hatin kirin. Piştî pêxistina agirê Newrozê bernameyê dest pêkir. 

 

IDÎR

 

Li  Idîrê jî gel bi cil û bergên xwe yên renga renk herikin qadê û Newroza xwe pîroz dikin. Girseya li ber avahiya HDP’ê kom bûn piştî gerandina guvendê bi otobusan çûn qada Newrozê. Qada  Newrozê ku bi gel tije bû, di çarçoveya bernameya Newrozê de stran hatin gotin û govend hat gerandin.

 

COLEMÊRG

 

Li Colemêrgê jî gel bi coş û kelecaniyek mezin herikin qada Newrozê ya li Otogarê. Girseya cil û bergên xwe yên herêmî li xwe kirin govend gerandin û dirûşme berz kirin. 

 

MÛŞ

 

Li Mûşê jî gel di saetên serê sibê de berê xwe dan qada Newrozê ya Otogarê û govenda Newroza geranedin. Gelê Mûşê ji navçeyan bi cil û bergê xwe hatin qadê û li ber stranan govend gerandin. Parlamenterê HDP’ê Mîthat Sancar û Ayşe Acar Başran beşdarî Newrozê bûn û Koma Dengê Jinên Azad û hunermendên herêmî dê derbikevin ser dikê.

 

TATWAN

 

Li navçeya Tatwanê ya Bedlîsê  jî gel herikin Qada Fuarê ya  Newrozê û qada Newrozê vale dije kirn. Bi sedan kes li navçe û navenda Bedlîsê herikin qadan û li ber stranan Newroza xwe pîroz kirin û guvend gerandin.