ENQERE - Şaxa ÎHD'ê ya Enqereyê rapora meha Çile-Adarê ya girtiyên nexweş a Girtigehên Herêma Anatoliya Navîn bi raya giştî re parve kir. Li gorî raporê 19 jê girtî 132 girtiyên nexweş hene. Di raropê de hat xwestin ku bi lezgîn înfaza girtiyên nexweş rawestînin.
Komisyona Girtîgehan a Şaxa ÎHD'ê ya Enqereyê rapora meha Çile-Adara 2018'an bi raya giştî re parve kir. ÎHD'ê rapor bi daxuyaniyek nivîskî parve kir. ÎHD'ê di raporê de diyar kir ku li girtîgehên herêma Anatoliya Navîn 19 jê giran bi giştî 132 girtiyên nexweş hene. ÎHD'ê anî ziman ku divê 32 girtiyên nexweş di bin kontrole de bên girtin. ÎHD'ê li gorî agahiyên serlêdanên girtiyan ên bi riya malbat û nameyan serî li şaxa ÎHD'ê dane rapor amade kir. Giertiyên ku ji Girtîgeha Tîpa T a Dînarê ya Afyonê, Girtîgeha Tîpa F a Boluyê, Girtigeha Tîpa H a Eskişehirê, Girtîgeha Tîpa T a Hêjmar 2 a Kayseri-Bunyan Girtîgeha Jinan a Sincanê, Girtîgeha Tipa F a Kirikkale, Girtîgeha Tîpa T a Karabukê, Girtîgeha Tîpa T a Tokatê name şandin û bi riya malbatan serî li ÎHD'ê dan, bal kişandin ser rewşa tenduristî û nexweşiyan.
Di raporê de hat diyar kirin ku ji ber şertên girtîgehê yên fîzîkî û nedermankirina girtiyan nexweşiya girtiyan zêde û giran dibin. Di raporê de hat zanîn ku i ber girtî nikarin ji tîrêjê rojê sûdê bigirin û nikarin sporê bikin nexweşiyên heyî hîn zêdetir dibin.
ÎHD'ê di raporê de pirsgirêkên nexweşan wiha rêz kir: "Bi qasî tê xwestin hêjmara bijîşkan tune. Girtiyan dereng dişînin rewîrê. Li ser dosyayan navê rêwistinê dinivîsin û bijîşkan araste dikin. Girtiyan bi kelepçe muayine dikin. Raporên nexweşiyan nadin girtiyan. Girtî bi rêk û pêk nayên dermankirin. Bêyî girtî baş bibin wan dîsa sewqî girtîgehan dikin. Di bin tedawiyek baş de nayên girtin. Dermankirina wan nîvco tê hiştin. Dermanên ku pêdiviya girtiyan pê heye nadin girtiyan. Girtiyên ku nikarin bi tena serê xwe bijîn, înfaza wan tê taloqkirin. Hin girtiyên nexweş ji bo dermankirinê sewq dikin hin girtiyan sewq nakin. Girtiyên ku divê bi rêk û pêk bên kontrolkirin hin caran tên kontrol kirin û hin caran nayên kontrolkirin. Dîsa xwarina wan li gorî raporên doktoran nadin wan. Girtiyên ku divê refaqetvan li cem wan me bê refaqetvan dimînin. Girtiyên ku divê di yek odeyê de bên dermankirin di nava gelek nexweş de tên girtin. Girtiyên ku divê bi ambulansê bibin bi maşîna rîngê dibin nexweşxaneyan."