Li navçeya Geverê ya Colemêrgê di navbera 2 rojan de tu teqîn pêk hatin û careke din çavê raya giştî vegeriya ser bermahiyên leşkerî yên li herêmê. Di 10'ê Adarê de li taxa Gungorê Berat Oktay ê 10 salî ji ber amûrek ku teqiya jiyana xwe ji dest da. Rojek piştî wî Îbrahîm Akdag li hewşa malê amûrek dît û ji ber teqînê bi giranî birîndar bû. Akdag hêj li nexweşxaneyê tê dermankirin.

 

Her du bûyerên li Geverê qewimîn, li gelek navçe û bajarên wekî Şirnex, navçeyên wê Cizîr, Hezex, Silopiya, li navçeya Şemzînanê ya Colemêrgê, navçeyên Licê Farqîn û Sûrê yên Amedê, navçeyên Kerboran û Nisêbînê yên Mêrdînê jî qewimîn û gelek kes mirin û birîndar bûn.

 

Li gorî daneyên ku derketine pêş, di 2 salên dawî de ji ber teqemeniyê 19 zarokan jiyana xwe ji dest da, 36 zarok jî birîndar bûn. Bi taybetî di van teqînan de herî zêde zark zerarê dibînin.

 

Hin bûyerên ku hatine tespîtkirin wiha ne:

 

* Di 31'ê Adara 2016'an de li taxa Cudiyê ya navçeya Cizîra Şirnexê, amûrek teqiya û Harûn Çagli yê 4 salî û Ayşenur Geçît jiyana xwe ji dest dan.

 

* Di 14'ê Nîsana 2016'an de li navçeya Hezexê ya Şirnexê, Hîdayet Tek bi amûrê li hewşa malê dileyst û di destê wî de teqiya. Tek jiyana xwe ji dest da.

 

* Di 7'ê Gulana 2016'an de li navçeya Hezexê ya Şirnexê ji ber teqînê Muslum Îlhan ê 8 salî jiyana xwe ji dest da.

 

* Di 12'ê Gulana 2016'an de li navçeya Cizîrê ya Şirnexê zarokê bi navê A.A. li goristanê amûrek dît û di destê wî de teqiya, A. û bavê wî Tahîr A. bi giranî birîndar bûn. 

 

* Di 15'ê Gulana 2016'an de li herêma Newala Celaliyan a Silopiya Şirnexê, ji ber teqîna amûrekî Enes Erdem ê 10 salî jiyana xwe ji dest da.

 

* Di 19'ê Gulana 2016'an de li herêma Şehîtlîkê ya Yenîşehîra Amedê, zarokê 10 salî R.D. di bin derenceyên malê de amûrek dît û piştî pê leyîst di destê wî de teqiya û bi giranî birîndar bû.

 

* Di 6'ê Tîrmeha 2016'an de li gundê Dêrxusê ya Licê ya Amedê, operasyona leşkerî dest pê kir û piştî leşker ji herêmê vekişiyan, zarokên bi navê R.O. (4), A.O. (9) û Y.O. (13) li çoltarê amûrek dîtin û piştî di destê wan de teqiya zarok şewitîn.

 

* Di 9'ê Tîrmeha 2016'an de li Zozanê Kanîspiyê ya gundê Taşkesena Gîhadînê ya Agiriyê ji ber teqîna mayînê Fettah Erdem ê 15 salî jiyana xwe ji dest da.

 

* Di 23'yê Tebaxa 2016'an de li navçeya Nisêbîna Mêrdînê di teqîna amûrekî de Fehîme Korkmaz a 12 salî jiyana xwe ji dest da. li Taxa Zeynel Abîdînê teqîn pêk hat D.K. (13) û E.K. birîndar bûn.  

 

* Di 11'ê Cotmeha 2016'an de li Gevera Colemêrgê zarokên 10 Umut Ayvalik ê bi amûrekê leyîst û teqîn pêk hat jiyana xwe ji dest da. Zarokê 10 salî H.A. û H.A. jî birîndar bûn.

 

* Di 18'ê Cotmeha 2016'an de li navçeya Nisêbîna Mêrdînê, Kadrî Barak ê 14 salî dema l taxê xurde kom dikirin teqîn pêk hat û jiyana xwe ji dest da.

 

* Di 5'ê Mijdara 2016'an de li taxa Gundogdu ya Şirnexê teqîn pêk hat û zarokê 2 salî jiyana xwe ji dest da û zarokê 4 salî jî birîndar bû. 

 

* Di 4'ê Kanûna 2016'an de li navçeya Sûrê ya Amedê zarokên bi navê M.Î. (13) û Ş.A. (11) bi amûrekî leyîstin û ji ber teqînê birîndar bûn.

 

* Di 6'ê Kanûna 2016'an de li taxa Tekelê ya Farqîna Amedê zarokê 8 salî A.Ş. li erdê amûrek dît û ji di destê wî de teqiya û birîndar bû. 

 

* Di 30'yê Kanûna 2016'an de li taxa Bahçebaşiya Kerborana Mêrdînê arokê 12 salî Musa Acar di poşetekê de amûrek dît û piştî pê leyîst di destê wî de teqiya û jiyana xwe ji dest da.

 

2017 

 

* Di 9'ê Çileya 2017'an de li gundê Osloya Şenzînanê ji ber teqîna amûrekî Sidik Toprak ê 5 salî jiyana xwe ji dest da.

 

* Di 22'ê Çileya 2017'an de li taxa Dîcleyê ya Şirnexê her du birayên bi navê E.B. û V. B. piştî bi amûrekê leyîstin û di desê wan de teqiya, birîndar bûn.

 

* Di 25'e Sibata 2017'an de li navçeya Nisêbîna Mêrdînê zarokê 12 salî Y.M. û M.M. ê 6 salî li erdê amûrek dîtin û piştî pê leyîstin di destê wan de teqiya her du jî birîndar bûn. 

 

* Di 30'ê Adara 2017'an de li taxa Abdulkadîr Paşa ya Nisêbîna Mêrdînê Havîn (3) û Fatîh Guneş (5) piştî bi amûrekî leyîstin û di destê wan de teqiya û her duyan jî jiyana xwe ji dest dan.

 

* Di 8'ê Nîsana 2017'an de li gundê Deşta Derî ya Şîrwana Sêrtê, birayên hev Muhammet (12) û Abdulkadîr Açikça (9) ji ber teqîna mayîna Qereqola Hurmusê jiyana xwe ji dest dan.

 

* Di 20'ê Nîsana 2017'an de li bajaroka Dêrgula Şirnexê, zarokên bi navê E.B. (10), M.B. (11), H. A. (12) û C.K. (11) li sergoya Tabûra Cendirmeyan a Îkîzceyê amûrek dîtin û piştî pê leyîstin teqiya û birîndar bûn.

 

* Di 25'ê Nîsana 2017'an de li gundê Sagmanê ya Pêrteka Dêrsimê zarokên bi navê R.K. û T.K. di destê wan de amûrek teqiya û birîndar bûn.

 

* Di 1'ê Tîrmeha 2017'an de li taxa Gungorê ya Gevera Colemêrgê, E.Ç. ê 10 salî ji ber ku di destê wî de amûrek teqiya birîndar bû.

 

* Di 1'ê Tîrmehya 2017'an de li taxa Gundorê ya Gevera Colemêrgê di destê E.B. ê 10 salî de amûrek teqiya û birîndar bû. 

 

* Di 19'ê Tîrmeha 2017'an de li navçeya Cizîrê ya Şirnexê K.A. li qada vala amûrek dît û di destê wî de teqiya û birîndar bû.

 

* Di 30'ê Cotmeha 2017'an de li taxa Qişleya Kevin a Gevera Colemêrgê ji ber teqîna amûrekî Umut Kozay jiyana xwe ji dest da, birayê wî E.K. jî birîndar bû.

 

* Di 4'ê Mijdara 2017'an de li taxa Yenîşehîrê ya Nisêbîna Mêrdînê, ji ber teqîna amûrekî N.Y., Y.Y. û O.Y. yên temenê wan 12-13 salî bûn birîndar bûn.

 

2018 

 

* Di 19'ê Sibatê de li taxa Fatîh Paşa ya Sûra Amedê amûrek di destê 2 zarokan de teqiya û birîndar bûn.

 

* Di 10'ê Adarê de li taxa Gungorê ya Gevera Colemêrgê di destê Beraat Oktay ê 10 salî de amûrek teqiya û piştî rakirin nexweşxaneyê jiyana xwe ji dest da. 

 

* Di 11'ê Adarê de ş, taxa Gungorê ya Gevera Colemêrgê Îbrahîm Akdag ê li ser rêya Maxsûdavayê dema baxçeyê xwe paqij dikir, amûrek teqiya û birîndar bû.