Şerê Tirkiye ku bi destê TSK û OSO li ser gelê Efrînê ji hewayî û bejayî dimeşîne ket roja 51'an. 51 rojin bi balafirên şer, tang û topan ax, gund û navçeyên Efrînê bombe dikin. Heta niha zêdeyî 250 welatiyên sivîl ku jin û zarok jî di navde jiyana xwe ji dest dan. Zêdeyî 650 sivîl jî birîndar bûn. Ger ku TSK têkeve nava bajar dê komkujiyên mezintir çê bibin. Aktîvîstê Aştiyê Bahadir Altan, diyar kir ku ger TSK têkeve Efrînê dê dê komkujiya herî mezin a Sedsala  21'emîn pêk bê û wiha got: "Dê wî bajarî ji hewayî û bejayî bombe bikin û komkujiyê bikin. 

 

JI HEWA Û BAJAYÎ BOMBE DIKIN

 

Altan, diyar kir ku Efrîn bi Obus, topan ji hewa de bombe dikin û wiha got: Dema mirov li êrîşên OSO dinere ketober bombe dikin. Di êrîşan de pir xuya dike ku nokteyên tên armanckirin nayên bombekirin. Ketober her der tê bombekirin." 

 

‘BOMBE SIVÎL Û TERORÎSTAN JI HEV NAS NAKE'

 

Altan, diyar kir ku ew pîlotê şer e û wiha got: "Bombeya balafirekê herî kêm 500 kîlo ye. Bombeya tê avetin sivîl û terorîstan ji hev cuda nake. Gelek herêm vekirî ye. Bi xwe re her kesî dikuje. Heta niha yên hatin kuştin kî sivîl e û kî ne sivîl e divê baş bê zelalkirin. 

 

‘GUNDIYAN TUNEL LI DIJÎ DAÎŞÊ KOLANDIN' 

 

Altan, bal kişand ser tunelên hatine kolandin ku her dem medya van tunelan derdixin pêş û wiha got: "Medya tirk tunelên hatine kolandin derdixin pêş. Raste tunel hatine kolandin. Lê gundiyan ji bo parastina xwe tunel li dijî DAIŞ'ê kolandine. Ev tunel nayên aliyê Tirkiye. Ev xuya dike ku tunel ne li dijî Tirkiye ne. Li vir tu gefên li hemberî Tirkiye tune ye. Di roja 51’an nîşan dide ku OSO ji feraseta Kuvayi Milliye ya ku Tirkiye pênase dike pir dûr e. OSO wekî mîlîtanên DAIŞ'e tev digerin. Qezenca tu welatiyên Tirkiye li wir tune ye." 

 

‘YÊN KOÇÎ TIRKIYE KIRIN JI EFRÎNÊ NEHATINE'

 

Altan, anî ziman ku koçberên ji şer reviya ne û hatine Tirkiye ji Efrînê nehatine û wiha got: "Divê her kes zanibe. Yên hatine Efrînê ji ber êrîşên DAIŞ'ê reviya ne. Niha jî bi vî şerî dixwazin yên ji ber DAIŞ'ê reviya ne dîsa koçber bikin."  

 

‘51 ROJIN BERXWEDANEK PIR MEZIN HEYE'

 

Altan, anî ziman ku li Efrînê 51 roj berxwedanek heye û Ev berxwedan pir pir mezin e û wiha got: "Sivîlên hatine kuştin hene. Her çend wan wekî terorîst pênase bikin jî nayê wê wateyê ku li wir kuştin tune. Hemû kesên tên kuştin wekî terorîst îlan dikin. Her kesên tên kuştin ne terorîst e." 

 

TIRKIYE DÊ KOMKUJIYÊ BIKIN

 

Altan, anî ziman ku Tirkiye her kesî wekî terorîst îlan dike û wiha got: "Divê her kesî vê yekê lêpirsîn bike. Tirkiye dê bi vê yekê îmze bavê bin komkujiyê. Dê dev li komkujiyê bibe. Niha du rê hene. Yan dê YPG wir terk bike û biçe. Dest ji şer bedde. Yan jî dê dê li wir komkujiyên pir mezin çêbibin. Niha xuya ye ku YPG dest ji wê axê bernade. Tirkiye dê bajar bombe  bike. Ger ku Tirkiye bajar ji hewa û bejayî de bombe bike dê di sedsala 21’emîn de komkujya herî  mezin pêk bê. Wekî din mirov nikare şirove bike. 

 

ÊDÎ KES BAWER NAKE KU SIVÎL ZERAR NABÎNIN

 

Êdî kes ji daxuyaniyên "sivîl zerar nabînin' bawer nake. Êdî her kes dibîne. 

 

Ez hêvî dikim ku mirov êdî dengê xwe bilind bikin. Hêvî dikim ku mirov têkevin nava tevgerê. Ger ku bibin alîgirê vî şerî dê vegerea wê ne pêkan be. Dê komkujiyên mezin pêk bên. Mirovên li Tirkiye aştî û demokrasiyê dixwazin ne hindik in. Divê êdî dengê xwe bilind bikin. Niha li eniya hemberê 3 hezar mirov hatin kuştin. Dibêjin ‘terörist hatin kuştin' Malbata van mirovan heye. Divê Tirkiye vê yekê baş bifikire. Sibêroja vî şerî jî heye. Bedelê vê êşê dê zarokên me bidin." 

 

MA / Muhammet Dogru – Necla Demir