Berdevkê Înîsîyatifa 78’an Celalettin Can ku 2 hefte berê hat girtin û şandin Girtîgeha Tîpa L a Hêjmar 5 a Sîlîvriyê, ji girtîgehê name şand. Can di nameya xwe de qala pêvajoya 12'ê Îlonê, xebatên xwe yên ji bo çareseriyê kir. Can, diyar kir ku girtina wan biryarek siyasî ye. 

 

'SAZIYÊN DARBEYÊ DIDOMIN' 

 

Can bi ser navê "Em dê di sibehên ronî de hişyar bibin" name nivîsand û di nameya xwe de wiha got: "Ez piştî darbeyan hatim girtin. Piştî ez hatim girtin 19 sal û 9 meh şûnde hatim berdan. Dema ez hatim berdan ez rastî guhertinek derve hatim. Lê di israra yên berê de jî rastiyek din bû. Têgehên kevn ku wateyek nû li xwe bar kiribûn, nîşanî me didan ku em li nokteyek din a em fam bikin û bi çavekî din li pêşerojê binerin. Dijberî vê yekê dikarîbû mirovan ji jiyanê qut jî bikin. Ji ber vê yekê têkoşîna gelperestî, bi tevlêbûn, azadîparêz û demokratîk, êdî ferz bû. Dema ez derketim 20 sal di ser darbeya 12'ê darbeya 1980'an re derbas bûbû. Di ser 12'ê Îlonê re rûqalbûnek û hesabpirsînek dibû ku rê li pêş azadiyan vekiraya. Ji bo sûcên heyî bên paqijkirin bi nerîna hevpar a civakê pêkan bû. Ji bo vê yekê jî diviya bû nirxên demokratîk û asta mirovahibûnê bihata zeftirin.

 

DI 12'Ê ÎLONÊ DE ME BI SALAN ÎŞKENCE DÎT

 

Dema em di salên 78’an de derketin rê em bi vê nerînê ketin rê. Rêya me zelal bû. Rêya me rêya edalet û heqîqetê bû. Me xwest em hesab ji darbeya 12'ê  Îlonê bipirsin. Me xwest berî her tişti bibin bingeha civakî ya nifşê 78'an. Beriya salên 1980'ê em bi milyonan derketibûn rê. Me têkoşîna herî dij-faşist a girseyî dabû. Me di zindanên 12'ê Îlonê de bi salan îşkence dît. Dema em ji hepsê derketin, di dîroka komarê de nifşê herî politîk û welatparêz, me dit ku nifşê 78'an tune dibibînin. 

 

'ME QÎMETEKÎ TAYBET DA TÊKOŞÎNÊ' 

 

Me qedexeya Mafên Welatibûnê rakir. Di salên 2003-2004'an de destkeftiyên girîng bi dest xistin. Me wekî 78’an Rastiya Girtîgeha Hêjmar 5 a Amedê anî rojevê. Me îşkenceya li ser van mirovan hat kirin vegot. Me wekî 78’an ji bo darbekarên 12'ê Îlonê bê darizandin, me xala 15'an kir rojev. Piştre di 4'ê Nîsana 2012’an de li 2 generalên darbekar doz hat vekirin. Her çend hemû berpirsiyarê darbeya 12'ê Îlona 1980'an yekî sucdarên mirovahiyê nehatin darizandin jî 2 şefên darbeyê mahkum bûn. Em 78 ji bo qanûna derbekar bê guhertin û li şûna wê qanûnek wekhev, azad û adîl em bûn israr. Di têkoşîna dekmokrasî, azadi û mafên mirovan de me têkoşînek mezin da  û me israr kir. Em li ser pêdiviyên zanistî rawestiyan. Me got Demokratîkbûna Tirkiye meseleyek tevahi ye. Me got ev yek jî bi aştiyê pêk tê. Di pêvajoya muzekereyên Aştiyê yên 2013'an de em wekî 78’an tevî hemû bedelan dîsa me xwe neda paş. Bi vê armancê me di heyeta Mirovên Aqîl de cih girt. Me li herêma Anatoluya Navîn bi 7 hezar mirovan re nêzî 100 civîn pêk anîn. 

ji bo aştî, demokrasi û edaletê me israr kir û hewldanek mezin pêş xist. Le tevî vê yekê hewldana çareseriya şer pêş ket. Ji ber vê yekê me berê xwe da HDP'ê. Me ji girseyên mezin re aştî, demokrasî, azadî û edalet bi israr vegot." 

 

GIRTIN SIYASÎ YE

 

Can, herî dawî anî ziman ku girtina wan siyasî ye û wiha bi dawî kir: "Ez niha li Silivrî me. Her çend pir zahmet be mirov jiyana li derve wekî azadî pênase bike jî azadiya min ji destê min hat girtin. Di qadek ku jiyana min têxe talûke di bin çavan de hatim girtin. Bi vê yekê jî nehat ser ez girtim û şandin Sîlîvriyê. Di 40 salên jiyana min a siyasî de ez baş dizanim çi çiye. Ji ber vê yekê girtina me biryarek siyasî ye. Dixwazin operasyona hişekî û aqilekî ava bikin. 

 

Niha di n avbera dost, heval û gorinê min de wekî Ahmet Arif gotiye deriyen hesinî, şibakeyên kor, hene û wiha bi dawî kir: "Ez di 22'ê Îlona 1999’an de hatim berdan. Ji wê demê heta niha min têkoşîna demokratik a aşkere meşand. Dixwaze vê keda min reş bikin û wekî sûc dînin pêşiya min. Ev ne edalet e û ne jî hiqûq e. Ev bêtir dilê mirovan diêşîne. Lê dîsa em bawer dikin ku dê her tişt derbas bibe. Zivistanên reş û tarî jî derbas bibin. Dê roj bê em dê di sibehên ronî de hişyar bibin. Em dê bi hevre di sibehên ronî de hişyar bibin. Ji hemû dost, heval û hogirên xwe re silav û rêzên xwe dişînim."