Meclîsa Giştî ya Kongreya Demokratîk a Gelan (HDK), li Stenbolê di navbera 24-25'ê Sibatê de civina xwe pêk anî. Meclîsê piştî civînê encamname bi raya giştî re parve kir. Meclîsê di encamnameyê de bal kişand ser plan û bernameyê xwe û wiha cih da daxuyaniya encamnameyê: 

 

“* Meclîsa me Hevserokê me yê HDK'ê Onur Hamzaoglu silav dike. Dîsa  dixwaze Onur Hamzaoglu û Wekîla Seroka Giştî ya ESP'ê Fadime Çelebî jî di navde hemû girtiyên siyasî bên berdan. 

 

* Girtina Hevberdevkê me Onur Hamzaoglu encama hewldana daxwazên bêdengkirina hemû kesên muxalif e. Dixwazin têkoşîn û berxwedanê bê tesîr bikin. Dixwazin bertek û nerazibûnên li dijî neheqî û bê edaletiyê belav bikin. Em de her dem li gel Hevserokê xwe li dijî neheqî û bê edaletiyê tebikoşin. Ji bo Onur Hamzaoglu bê berdan em tê tekoşîna xwe bêtir çalak bikin. 

 

* Em diyar dikin ku zext û zordariyên li ser girtîgehan pêş dikevin bi tu awayî nayê qebûl kirin. Dîsa ferzkirina cilên yek tîp bi tu awayî nayê qebûlkirin. Em de li dijî zextên zêde yên li ser girtiyan û ferzkirina yek tîpê têkoşînak xwe bi rêxistinên din ên demokratik re mezin bikin. 

 

* Meclîsa me ya Giştî dê li dijî hemû zextên Qesrê ku dixwaze li ser civakê ferz bike têkoşîna xwe bilind bikin. HDK, ji bo li dijî faşizmê xeta têkoşinê xurt bike çi bikeve ser milê me em dê bikin. 

 

* Meclîsa me ya Giştî ji bo tevgera li ser Efrînê bi dawî bibe, xwîn û hesir bi dawî bibin, bagn li aliyan dike. Her çend daxwaza aştiyê bi binçavkirin û girtinê bê asteng kirin jî em vê daxwaza xwe ya aştiyê dubare dikin. Binçavkirin û girtin dê nikaribin rê li pêş têkoşîna me bigirin. Meclîsa me binçavsirina endamên Meclîsa Giştî ya TTB'ê û binçavkirinên Endamê Malên Gel şermezar dike. Em wekî HDK'ê li cem TTB û Malên Gel cih digirin. 

 

* Meclîsa me bi şîara rengê berxwedan û azadiyê jin e tev digere û biryar da ku 8'ê Adarê bi şîara ‘Ji Faşizmê re înat, Bijî Jin û Jiyan" Roja jinan pêşwazî bikin. Bi Enerjiya ji 8'ê Adarê bigirin dê Bahara Gelan Newrozê pêşwazî bike."