EFRÎN - Welatiyên gundê Basutê yên deriyên şekeft û jêrzemînên xwe ji karwana rastî êrîşên TSK’ê hatin re vekirin, bertek nîşanî gotinên hikûmeta Tirkiyeyê yên “Ew ne sivîl bûn” dan û gotin: “Bila werin lê mezêke bikin, ka kê dikujin.”
Êrîşên Hêzên Çekdarên Tirk (TSK) û komên hevkarên wê OSO yên li ser Efrînê di roja 36’emîn de berdewam dikin. Ji navçeya Cindirêsê heya navçeya Şêrawa di 7 ceperan de pevçûnên dijwer rû didin. Hêzê Sûriyeya Demokratîk (QSD) bersiv didin êrîşan û berxwedaniya xwe ya mezin berdewam dikin. Di çarçoveya êrîşan de, binecihên sivîlan jî tên hedef girt. Ji ber bombebaran û topbaranên heyî bi sedan malbat di jêrzemîn û şikeftan de dijîn. Malbatên xwe sipartine stargehan, derbarê jiyan û êrîşan de axivîn.
Gundê Basutê yê navçeya Şêrawa ya Kantona Efrînê bi rojane rastî êrîşên balafirên şer tên. Êrîşa herî dawî ya li dijî karwanê mirovan a ji bajarên cûda yên Bakurê Sûriyeyê ji bo xwedî derketina berxwedana Efrînê diçûn Efrînê pêk hat de, gelek kes birîndar bûn û kesekê jî jiyana xwe ji dest da. Gund rastî êrîşek dijwar a bombebaranê hat. Niştecihên gund, deriyên jêrzemîn û şikeftên xwe ji mêvanên hatine piştgiriya wan re, vekirin. Efrîniyên dinavê de jin û zarok jî heyîn, diyar kirin ku ew tu carî bajar û binecihên xwe ber nadin.
'BILA WERIN BIBÎNIN'
4 malbatên di jêrzemînê de dijiyan, niha hejmara wan bûye 50 kes. Mahmud Yasîr ê 55 salî ku bi malbat û cîranê xwe re di jêrzemînê de dijîn, diyar kir ku her roj wan bombebaran dikin û wiha axivî: “Rayedarên hikûmeta Tirkiyeyê dibêjin ‘Em sivîlan nakuşin.’ Bila werin li vê derê binêrin ku ka kê dikujin. Weke tê dîtin bi dehan kes em li vê derê xwe ji ber bombebaranên wan diparêzin. Bila werin vê rastiyê bibînin.”
'ME PARAST Û EM Ê BIPARÊZIN'
Di jêrzemîneke 3 kesan ê malekê de jî 45 kes dijîn. Ebbas Ehmed yê du malbatên gundên derdorê ezimandinê jî, da zanîn ku qadên sivîl lê dijîn hedef digirin û wiha got: “Bi hatina hêzên hikûmeta Sûriyeyê re tu tişt ne goheriye. Ji bo me tiştek negoheriye. 7 salin em bi zarokên xwe re niştecihên xwe diparêzin. Me tu carî êrîşî tu kesê nekir. Em ê cardin bi hêza xwe, li hemberî van êrîşan jî rawestin. Weke ku hûn jî dibînin, em bi derfetên xwe, li dijî êrîşan xwe diparêzin.”
'EMÊ VÊ JÎ DERBAS BIKIN'
Seyran Mihemed a bi malbata xwe ya 10 kesîre di şikeftê de dijî jî, hêrs û kîna xwe anî ziman û wiha got: “ ser ziman: “Xwedê belaya xwe bide wan. Ma ji me çi dixwazin. Dibêjin ‘Me li sivîlan nexistiye.’ Gelo evqas nexweşxane bi çi tejîne. Em gelek êrîş dîtin û em rastî êrîşan hatin. Me hemû derbas kirin. Em ê vê jî derbas bikin. Em ê axa xwe ji wan re nehêlin.”
MA / Nazim Daştan - Erdogan Altan