STENBOL - Endamê Komîteya Têkiliyên Bi Derve Re yê KNK'ê Selahattin Soro, êrîşa li dijî Efrînê şiband anîna Rêberê PKK'ê Abdullah Ocalan a Tirkiyeyê û ev tişt got: "Ji bo kurdan di komkukjiyê re debas bikin dest dane destê hev. Çawa ji bo Ocalan tasfiye bikin hişekî hevpar derket holê, ji bo Efrînê jî heman tiştî dikin."

 

Êrîşên Tirkiyeyê yên li dijî Efrînê di roja 17'emîn de dewam dike, berxwedana li dijî êrîşan jî dewam. Aktorên li gel kurdan cih girtin, bi êrîşan re bêdengiya xwe diparêzin.  Endamê Komîteya Têkiliyên Bi Derve Re yê Kongreya Neteweyî ya Kurdistanê (KNK) Selahattin Soro, di roja 17'emîn de berxwedana Efrînê, bêdengiya hêzên navneteweyî ya li dijî êrîşên Tirkiyeyê û Lûtkenya Soçiyê ya ku kurd tev li nebûnx nirxandin kirin.

 

Soro da zanîn ku bi êrîşa li dijî Efrînê re, dewletên li Sûriyeyê şer dixwazin serkeftina gelan bi destê DAIŞ û komên terotîst têk bibin.

 

‘NAXWAZIN KURD BIBIN XWEDÎ GOTIN’

 

Soro destnîşan kir ku piştgiriya ku kurd li aliyê rojhilatê Firatê ji koalîsyonê digirin, ji aliyê rojavayê Firatê nagirin û ev tişt got: "Destpêkê li dijî Efrînê OSO, El-Nusra û komên girêdayê wan êrîşê kurdan kirin. Di vir de kurdan serkeftineke mezin bi dest xistin. Bi serkeftina kurdan re Efrîn bû grava aştiyê ya ji bo gelan. Gelê Efrînê ji cihekî piştgirî negirtin, an jî bi piştgiriyeke bi sînor bi derfetên xwe jiyaneke nû ava kirin û ji her cure miletî hewandinek pêk hat. Yanî şeklekî rêveberiyê derket holê. Ev balkêş e. Kurd bi xeta sêyemîn dema li Rojhilata Navîn bûn xwedî gotin, Tirkiyeyê ev nexwest. Ji bo wê her dem çete şandin pêş û di vir de tu serkeftin bi dest nexist. Ruxmê hemû êrîşan jî kurdan li Reqqa û Dêra Zorê serkeftinên mezin bi dest xistin û vê jî hevkariya Erdogan-MHP'ê daxist qadê. Çeteyên ku wan piştgirî dida, piştî têk çûn ew bixwe derketin qadê."

 

‘DESTPÊKA PÊŞKETINÊN NÛ’

 

Soro got ku piştî Tirkiye raste rast derket qadê û ket nav "hewldanên dagirkeriyê", li Sûriyeyê geşedanên girîng qewimî ne. Sora bi lêv kir ku Tirkiye bi êrîşa li dijî Efrînê re, li dijî hemû kurdan şer daye destpêkirin û wiha axivî: "Di pêvajoya 17 rojan de Tirkiyeyê tişta hesab dikir bi dest nexist, ruxmê hesabên wan negirt jî paşve gav navêje."

 

‘JI TERE ÎDLIB, EFRÎNÊ BIDE’

 

Soro anî ziman ku di dema Helebê de Tirkiyeyê bi Şamê re polîtîkaya "Ha ji tere Heleb, ka herêma tampon", vê carê jî ji Rûsya û rejîmê re "Ji were Idlib ka Efrînê" meşandiye û wiha pê de çû: "Bi pêvajoya Astanayê re Tirkiye bêpaşmêdê (hamisi) komên Îslamî ye. Tirkiyeyê ev qebûl kir û peyayê qadê bû."

 

‘TÊKILIYÊN WAN ÊN PIR KÛR HENE’

 

Soro aşkera kir ku "Tirkiye bi komên terorîst re têkiliyên xwe yên kûr hene" û wiha dirêjî da axaftina xwe: "Tirkiye di estortiya Heyetu Tahriru'ş-şamê de ji cihekî derbasî cihekî dibe û me dît ku El-Nusra vê yekê pîroz dike. Têkiliya Tirkiyeyê bi komên terorîst re gelekî kûr e." Sora da zanîn ku aktorên li rojavayê Sûriyeyê pozîsyoneke nû girtine û ev nirxandin kir: "Li vir piştî şerê DAIŞ'ê serdemeke nû dest pê kir. Ji bo vê serdema nû kurd kirin qurban. Li vir du hêz hene. DAY û Rûsya. DYA'yê, bi hêzên Efrînê y^ne li Reqqa û Tebqayê li dijî DAIŞ'ê şer dikirin re got ku 'Efrîn ne di nav qada operasyona koalîsyonê de ye' pişta xwe dayê. Rûsyayê qada hewayî kontrol dikin. Hêzên xwe kişand û pêşî li operasyona Tirkiyeyê vekir. Rûsyayê ji kurdan re got ku 'Heke hûn hevalbendên DYA'yê bin dê DYA deng derxe' û xwest destkeftiyên xwe teslîmî rejîmê bike. Yanî raste rast kurd navbera Xelîl û Celîl de hişt."

 

‘SOÇÎ FIYASKO BÛ’

 

Soro bi lêv kir ku ji ber ku kurdan li Rojhilata Navîn di xeta 3'yemîn de israr kir, berdêlekî giran dan, kurdan ji xeta xwe tu tawîz nedane. Soro da zanîn ku hevdîtinên li Soçiyê fiyasko bû û ev tişt anî ziman: "Tişta li Soçiyê hat pilankirin ew bû, dixwestin Rûsya li Sûriyeyê bibe xwedî gotin. Plana wan a destpêkê ew bû kurd jî li Soçiyê bin. Pêşnûmeya ku destpêkê nivîsin tenê kurdan qebûl kir. Rejîmê jî ev qebûl nekir."

 

‘SOÇÎ GELÊN LI SÛRIYEYÊ TEMSÎL NAKE’

 

Soro got ku pêvajoya ku heta Soçiyê dewam kir, Tirkiyeyê ji ber ku di bazaran de gelek tawîz dan Rûsayê, însiyatîf girtina wê jî hêsan bûye û wiha got: "Hevdîtina li Soçiyê bi tevlêbûna komên ku Tirkiye û Rejîmê piştgirî dida wan pêk hat. Bayek bû, hat û çû. Piştî hevdîtinên li Soçiyê, makeqanûna ku bê amadekirin dê gelên li Sûriyeyê temsîl neke."

 

‘DESTPÊKA PARÇEBÛNA SÛRIYEYÊ YE’

 

Soro destnîşan kir ku êrîşa li dijî Efrînê destpêka parçebûna Sûriyeyê ye û bal kişand ser têkiliyên kûr ên Îngiltere û Almanyayê û wiha dewam kir: "Îngîlîzî 300 salin bedevkiya netewe dewletê dikin. Rûsyayê hemû komên terorîst bi Tirkiyeyê re kir hevkar, wekî qada operasyonê jî Efrîn da nîşan û ji bo vê planên mezin kirin."

 

‘TIRK WEKÎ TETIK KÊŞ, KURDAN QEKÎ QURBAN DIBÎNIN’

 

Soro diyar kir ku di vê plana mezin de rola tetik kêşiyê dane tirkan, wekî kurban kurd hilbijartine û ev şîrove kir: "Erdogan dixwaze Lozaneke din li ser kurdan ferz bike. Dizwaze sînorên Mîsak-i Mîllî fireh bike. Navê vê jî wekî herêm ewle pênase dike. Navê dagirkeriyê bûye navê ewlehiyê."

 

‘KOÇGIRÎ, MEREŞ, SÊWAS Û BERDEWAMA WÊ’

 

Soro anî ziman ku projeya serdema Komarê ew bû rojavayê Fratê "Bê kurd bihêlin" û wiha axivî: "Piştî komkujiyên Mereş, Koçgirî, Sêwasê, niha jî êrîşê Efrînê dikin. Ev ne tasadufî ye, Erdogan û Bahçelî dixwazin rola Ataturk û Înonu bileyzin."

 

‘DI ŞERÊ PARVEKIRINÊ DE KURDAN DIKIN QURBAN’

 

Soro êrîşa li dijî Efrînê şiband komploya navneteweyî ya li dijî Rêberê PKK'ê Abdullah Ocalan, hêzên di konploya navneteweyî de cih girtin, îro di êrîşa li dijî Efrînê de bûne yek. Soro da zanîn ku her çendî di qada navneteweyî de li dijî êrîşên li ser Efrînê hin deng hebin jî dixwazin eyarê bidinê û ev tişt got: "Çekên ku didin xebatê hemû yên hêzên rojavayî ne. Van çekan li ser kurdan didin xebatê. Hesabek heye. Di yekemîn şerê parvekirinê de ermenî kirin qurban, di duyemîn şerê parvekirinê de jî cihû kirin qurban. Di vî şerê parvekirinê de jî dixwazin kurdan bikin qurban. Ne xwe hêzeke tirkan a vê yekê bike tune."

 

‘DÊ KURD LI BER XWE BIDIN’

 

Soro aşkera kir ku ji bo tişta ku hat serê ermenî û cihûyan neyê serê kurdan, dê kurd li ber xwe bidin û ev axaftin kir: "Di komkujiya li dijî kurdan de dest dan hev. Ji bo tasfiyekirina Ocalan çawa hişekî hevpar derxistin holê, îro jî li dijî Efrînê heman tişt tê kirin. Aktorên di konploya 98-99'an de cih girtin, îro jî li ser karin. Lê kurd ji wê rojê heta niha guhertinek mezin pêk anî. Di her alî ve guhertina wan çêbû û li dijî DAIŞ'ê jî serkeftineke mezin bi dest xistin."

 

‘DÊ BIBE SERKEFTINA KURDÊN CÎHANÊ’

 

Soro destnîşan kir ku serkeftina li Efrînê dê bibe serkeftina kurdên li cîhanê û axaftina xwe wiha bi dawî kir: "Çawa ku ji bo Kobanê pênaseya Stanlîgratê hatibe kirin, dê faşîzma AKP'ê jî li Efrînê bi erdê ve bibe yek. Dê li Efrînê winda bike. Ne tenê serkeftina gelê efrînê, dê bibe serkeftin û berxwedana gelên cîhanê û di dîrokê de cihê xwe bigire. Ji bo wê ne tenê kurd, div^ehemû gel ne di gotinê de, di çalakiyê de xwedî li berxwedana Efrînê derkevin. Dê di rojên pêş de berxwedana Efrînê hêj geş bibe û di dîrokê de cih bigire."