Akademîsyenên îmze avêtin bin danezana "Emê nebin hevkarê vî sûçî", 2'yemîn danişîna doza 7 akademîsyenan li 33'yemîn Dadgeha Cezayê Giran a Stenbolê dest pê kir. Destpêkê doza akademîsyena Zanîngeha Galatasarayê Seçkîn Sertemîr Ozdemîr hat dîtin. Doza ku mudafîl lê amade bûn Sertemîr parastin kir.

 

Sertemîr diyar kir ku ew felsefevaneke siyasetê ya li dijî şidetê bi serbixwe dixebit, beyî ku kes wê araste bike wê bi vîna xwe îmze avêtiye û wiha got: "Ez wekî akademîsyeneke serbixwe mafê jiyanê wekî mafekî bingehîn dibînim û min bi vê armancê danzana aştiyê îmze kir. Min azadiya reman û fikrî esas girt û îmze kir. Min propagandaya legal an jî îlegal a tu rêxistinekê îmze nekiriye."

 

'NE PÊKAN E MIROV BÊDENG BIMÎNE'

 

Sertdemîr da zanîn ku ew serbixwe difikire û li gorî rêgezên muhakemeyê tev digere û wiha axivî: "Ev danezana beyî ku şidetekê teşwîq bike û ji bo pêşî li mirinan bigire hat îmzekirin. Berî ku danezan bê weşandin, hikumetê di sala 2013'an de 'pêvajoya çareseriyê' dest pê kiribû û vê rê li ber hêviyan vekiribû. Demeke bi qîmet bû. Piştî demek kin di medyayê de dema çavê min li şidetê ket ez aciz bûm. Mirov daxwazên ji bo aştiyê dikare piştguh bike. Ez bawer nakim îmzeya min sûc be. Ez dixwazim bêjim ku PKK û hin tevgerên wekî wê çalakiyên şidetê tasvîp nakin. Ji derveyê îdianameyê min navê Besê Hozat berî ku ez îmzeyê bavêjim min di nûçeyan de dît. Ez sûcdariya 'Propagandaya rêxistina terorê' qebûl nakim."

 

JI WÎ WETRÊ DANEZANA CIVÎNA ÇAPEMENIYÊ YE

 

Serokê dadgehê pirsa "Agahiya we ji danezana 10'ê Adarê heye?" pirs kir, Sertdemîr, serokê dadgehê serwext kir û got ku ew tişta ku hûn jêre dibêjin danezan, ne danezan, daxuyaniya çapemeniyê ye. Serokê dadgehê pirsên wekî "Danezan bi çi şeklî hat îmzekirin?", "Ji ber çi hatiye weşandin hûn dizanin? Akademîsyenjên Ji Bo Aştiyê li ser malpera Facebookê weşandin?" jî kirin. Sertdemîr jî aşkera kir ku wê danezan bi rêya meylê îmze kiriye û bi bîr xist ku danezan di rojnameyê de hatiye weşandin.

 

Parêzerê Sertdemîr Tolga Ozturk, ji bo parastinê dem xwest, da zanîn ku miwekîla wî li derveyê welat disekine daxwaz kir ku di danişînê de veraset bê girtin.

 

Serokê dadgehê ji parêzer pirsa hûn demê dixwazin an na kir. Dozger, xwest dem bidin wan û doz taloqî 19'ê Hezîranê kir.

 

'YEKANE MUXATABÊ METNA ME DEWLET E'

 

Piştre îmzevanê ji Zanîngeha Galatasarayê, kadroyê OYP'ê yê Zanîngeha Dîcleyê yê bi KHK'ê hat îxrackirin Eda Asli Şeran derket pêşberî dozger. Şeran wiha parastina xwe kir: "Tenê yek muxatabê metna me heye, ew jî dewlet e. Min îdianameya dozê ya der barê xwe de xwend. Bi tu rêxistineke derveyê qanûnan re têkiliya min tune. Sûcê derbarê xwe de qebûl nakin." Serokê dadgehê derbarê daxuyaniya 10'ê Adarê de pirs ji Şêran kir û got ku hûn tev li bûne an na. Şeran aşkera kir ku haya wê jê tune.

 

Parêzer Perîhan Meşelî, di parastinê de bal kişand ser azadiya remanê û daxuyaniyên Bulent Arinç ên dema "pêvajoya çareseriyê" de bi bîr xist. Meşelî xwest miweklîa wê bê beraetkirin.

 

Dozger delîlên di dosyayê de yek bi yek nirxand, diyar kir ku divê delîl bên nirxandin û daxwaza beraetê red kir û doz taloqî 22'yê Hezîranê kir.

 

Dê tevahiya rojê danişînên dozên akademîsyenên bi navê Doç. Dr. Feyza Ak Akyol,  Alk. Doç. Dr. Yusuf Dogan Çetînkaya, Dr. Ahmet Bekmen, peywirdarê lêkolînê Îrfan Keşoglu yê hat îxrackirin, Alk. Doç. Dr. Îlkay Yilmaz dê berdewam bike.